IGIHE.com
IKINYARWANDA
IKIRUNDI
FRANCAIS
ENGLISH
IGIHE TV
Kwamamaza

Poshie Yummy Cakes bakora gâteau zitandukanye bakigisha n’abifuza kubyiga kwihangira akazi

Poshie Yummy Cakes ni inzu ikora ikanacuruza gâteau zitandukanye zaba izikoreshwa mu bukwe, mu isabukuru no mu birori bitandukanye, bakagira n’akarusho ko kubihuza no kwigisha ku buryo abashaka kuvoma ubwo bumenyi babimenya mu gihe gito.

Mu kiganiro IGIHE yagiranye na Chando Lydia na Uwera Anna bashinze iyi nzu ikora gâteau , ikanabyigisha, batangaje ko babikora nk’abantu babyize, babikunda ndetse bifuza no gusangiza abandi bagore n’abakobwa badafite akazi ubwo bumenyi bwatuma babasha kugira aho bigeza.

Chando avuga ko bajya gutangira muri 2014 babanje kujya bakorera iwabo mu rugo, ariko nyuma y’igihe gito bamaze kubona ko ibikorwa byabo bikunzwe bandikishije ikompanyi yabo bayita ’Poshie Yummy Cakes’, ikora gâteau ziryoshye kandi nziza, maze nyuma yaho bimukira Sonatubes ku muhanda ujya ku Gisimenti ahateganye neza na APAPER .

Ati “Twafashe umwanzuro wo gutangiza ikompanyi tumaze kubona ko abantu bakunda ibikorwa byacu. Gusa ntitwashatse kubyihererana kuko twifuza ko abagore n’abakobwa badafite akazi bashobora kuza bakatugana tukabigisha ku buryo mu byumweru bitandatu gusa baba bamenye umwuga watuma babasha kwibeshaho.”

Chando avuga ko bibanze kuri gâteau gusa bakaba bazikora mu buryo butandukanye bitewe n’iyo umukiriya akeneye.

Ati “Iyo ushaka gâteau ikoze nk’igitabo wenda wasoje amasomo yawe turayikora, iyo ushaka imeze nk’inzu wenda uri umwubatsi turayikora, iyo ushaka imeze nk’igipupe ushaka nko gutungura umwana turayikora. Twebwe umwihariko wacu ni uko icyo udusabye aricyo tugukorera kandi tukagikora uko ubyifuza.”

Yakomeje avuga ko uburyohe bwa gâteau na bwo buba butandukanye bitewe n’icyo uwo bayikoreye akunda.

Ati “Abana bakunda ibintu biryohereye kandi bifite impumuro nyinshi, abantu bakuru usanga badakunda ibisukari, ubwo rero tugukorera dukurikije icyo ukunda kuko ibikoresho byose tuba tubifite mu bubiko bwacu.”

Uwera Anna wafatanyije na Chando Lydia gutangiza Poshie Yummy Cakes avuga ko ku bijyanye no kwiga bibanda ku bagore n’urubyiruko badafite akazi kandi bakabafasha kwiga umwuga watuma babona amafaranga bakibeshaho.

Ati “Ibyumweru bitandatu uba wamenye neza gukora gâteau n’ibindi biyishamikiyeho nko gukora crème, amandazi, capati, sambusa n’ibindi.”

Uwera avuga ko kugira ngo umunyeshuri yige neza ari uko mwarimu amugeraho akamukurikirana, iyo akaba ariyo mpamvu bafata abantu 12 gusa bigishwa mu gihe cy’ukwezi kumwe n’ibyumweru bibiri.

Ati “Dufata bacye tukabigisha neza. Iyo bakihagera tubigisha isuku yo mu gikoni, hakurikiraho kubigisha kumenya ibyangombwa byose bikenerwa kugira ngo umuntu akore gâteau, uko bivangwa, uko bikorwa kugeza uyiriye cyangwa ukayigabura. Tubigisha uburyo bwo kwakira abakiriya n’imyitwarire myiza mu kazi kuko abenshi tubarangira akazi mu maresitora cyangwa mu mahoteli.”

Ibiciro bya gâteau muri Poshie Yummy Cakes bihera ku mafaranga ibihumbi 10 kuzamura bitewe n’iyo wifuza ko bagukorera.

Muri Poshie Yummy Cakes bafite ahantu hisanzuye ho gukorera inama z’ubukwe, isabukuru y’amavuko, n’ibindi birori bidakenera abantu benshi kandi byose ku giciro cyiza.

Ukeneye ibindi bisobanuro wabahamagara kuri 0788535007 cyangwa kuri 0789813136.

Ushobora kandi kubona amakuru yabo ku rubuga www.poshiecakes.com cyangwa ukabandikira kuri email [email protected]

Andi mafoto
Contacts
IGIHE LTD
0788 74 29 08 / 0788 49 69 15
[email protected]
www.igihe.com
Read Other advertorials
Join Us

Socialize with Us
Contacts

Location: Ndamage Building 4th floor
P.O Box: 3477 Kigali- Rwanda
Phones:
+250 788 74 29 08, +250 788 49 69 15, +250 725 94 66 08
Email:
[email protected], [email protected]

Website Developped by

Copyright © 2009 -2014 - IGIHE Ltd - All Rights Reserved