IGIHE.com
IKINYARWANDA
IKIRUNDI
FRANCAIS
ENGLISH
IGIHE TV
Kwamamaza

Rwanda Foam yagurije abacukura amabuye y’agaciro matela zifite agaciro k’asaga miliyoni 3 Frw

Uruganda rukora rukanacuruza imifariso rwa Rwanda Foam rwagurije abakozi ba Sosiyete ya “ETI Nyakabingo”, icukura amabuye y’agaciro mu Murenge wa Shyorongi mu Karere ka Rulindo, matela 75 zifite agaciro ka 3,014,420.

Kuri uyu wa Mbere, tariki ya 27 Werurwe 2017, ni bwo Rwanda Foam ku bufatanye na Sendika y’Abakozi bakora mu bucukuzi bw’amabuye y’agaciro na kariyeri n’inganda, yashyikirije matela 75 bamwe mu bakozi bakora muri ETI Nyakabingo.

Aba bakozi bahawe matela ziri mu bwoko butatu bitewe n’ingano zazo, ndetse bikaba biteganyijwe ko zizishyurwa mu gihe cy’amezi ane.

Maniraho Erneste wari uhagarariye Rwanda Foam muri uyu muhango, yabwiye IGIHE ko uru ruganda rwagurije matela aba bakozi kugira ngo bajye baryama ahantu heza kandi hatekanye.

Yagize ati “Ibi biri mu buryo Rwanda Foam igenda ifatanya n’ibindi bigo mu guteza imbere abakozi babyo kugira ngo nabo baryame ahantu heza hatekanye, barusheho kugira ubuzima bwiza, ni nayo mpamvu mwabonye tunaborohereza uburyo bw’uko bazazishyura.”

Yakomeje avuga ko n’ubwo uru ruganda rwa Rwanda Foam rwatanze matela 75 rufite gahunda yo gutanga izigera ku bihumbi 11 muri ubu buryo mu bigo bitandukanye mu rwego rwo guteza imbere abakozi babyo.

Gasake Marc w’imyaka 53 y’amavuko utuye mu Murenge wa Shyorongi wagurijwe matela ebyiri harimo iye n’iy’abana be yatangaje ko agiye kujya aryama neza atashikagurika.

Yagize ati “ Ubu nanjye noneho ndishimye kuko nibwo mbaye umucukuzi w’amabuye y’agaciro wemewe kubera ko njye n’umuryango wanjye tutazongera kuryama ku bwatsi na rimwe nko mu myaka ishize kandi nizeye ko ntazongera no kurwara umugongo bya hato na hato.”

Umunyamabanga wa Sendika y’Abakozi bakora mu bucukuzi bw’amabuye y’agaciro kariyeri n’inganda, Mutsindashyaka Albert, we yagaragaje ko hari icyizere cy’uko abakozi bagurijwe matela bazatanga umusaruro ushimishije mu kazi kabo cyane ko ari bo basabye ko babashakira uruganda rubaguriza matela bajya bishyura buhoro buhoro bitewe n’ubushobozi bwabo.

Umwe mu babyeyi bahawe matela
Gasake Marc atahanye matela ye n'iy'abana yari amaze guhabwa
Maniraho Erneste wari uhagarariye Rwanda Foam muri uyu muhango, atangaza ko uru ruganda rwifuza ko Abanyarwanda baryama ahantu heza kandi hatekanye
Rwanda Foam irateganya kwagura ibikorwa byo korohereza abakeneye matela kuzibona mu bindi bigo
Umwe mu bakobwa bacukura amabuye y'agaciro atahanye matela ye
Umunyamabanga wa Sendika y’Abakozi bo mu bucukuzi bwamabuye y’agaciro kariyeri n’inganda, Mutsindashyaka Albert
Abahawe matela bizeye ko batazongera kuryama bashikagurika
Abakozi bakorana na Sosiyete ya “ETI Nyakabingo” bagera kuri 75 nibo bahawe matela
Abahawe matela bishimiye ko bagiye kujya barara ahantu heza
Andi mafoto
  • Abahawe matela bishimiye ko bagiye kujya barara ahantu heza
  • Umwe mu babyeyi bahawe matela
  • Gasake Marc atahanye matela ye n’iy’abana yari amaze guhabwa
  • Maniraho Erneste wari uhagarariye Rwanda Foam muri uyu muhango, atangaza ko uru ruganda rwifuza ko Abanyarwanda baryama ahantu heza kandi hatekanye
Contacts
IGIHE LTD
0788 74 29 08 / 0788 49 69 15
info@igihe.com.com
www.igihe.com
Read Other advertorials
Join Us

Socialize with Us
Contacts

Location: Ndamage Building 4th floor
P.O Box: 3477 Kigali- Rwanda
Phones:
+250 788 74 29 08, +250 788 49 69 15, +250 725 94 66 08
Email:
info@igihe.com, marketing@igihe.com

Website Developped by

Copyright © 2009 -2014 - IGIHE Ltd - All Rights Reserved