IGIHE.com
IKINYARWANDA
IKIRUNDI
FRANCAIS
ENGLISH
IGIHE TV
Kwamamaza

Star Times yazanye Televiziyo zifite ikoranabuhanga ridasanzwe

Imwe muri sosiye zikorera mu Rwanda zicuruza imirongo y’isakazamashusho, Star Times, yamuritse ku mugaragaro ubwoko bushya bwa televiziyo zikoranye ikoranabuhanga rihanitse (HD) ziri mu bigero bitandukanye.

Mu kiganiro n’itangazamakuru kuri uyu wa Mbere, tariki 21 Ugushyingo 2016, ubuyobozi bw’iyi sosiyete bwatangaje ko bwashyize ku isoko televiziyo ziri mu bwoko butatu, harimo ifite pouces 40, iya 32 n’iya 24, zose ziri ku giciro gihendutse ugereranyije n’ahandi.

Televiziyo ifite pouces 40 muri StarTimes igurishwa amafaranga ibihumbi 299 y’amanyarwanda ifite ifatabuguzi ry’ukwezi kose ku buntu, garanti y’umwaka wose ndetse n’amasheni (channels) arenga 100 hariho n’ayo urebera ubuntu. Iya pouces 32 yo igura amafaranga ibihumbi 199 harimo n’ibyangombwa byose twavuze haruguru naho iya pouces 24 yo iri ku bihumbi 140.

Izi televiziyo zikoranye Dekoderi (Decoder) ituma uyifite areba amasheni mu buryo busanzwe bagurira ifatabuguzi (DTT), iz’ubuntu (FTA)ndetse n’izikoresha Satellite ku batuye ahantu habi, zose akazikoresha bitewe n’amahitamo ye. Urugero, niba nta fatabuguzi ufite ushobora kureba amasheni y’ubuntu aba ari kuri iyo decoder.

Star Times ivuga ko yahisemo uburyo bwo gushyira ahagaragara izi televiziyo mu rwego rwo gufasha abanyarwanda gutunga televiziyo zigezweho, no mu rwego rwo gutuma umubare w’abazitunga wiyongera cyane.

Hussein Kamanzi, ushinzwe imenyekanisha n’ubucuruzi muri Star Times, yagize ati "Kugeza ubu Star Times ifite decoder ibihumbi 200. Bivuze ko muri miliyoni hafi 12 z’abanyarwanda, ibihumbi nka 300 nibyo bibasha kureba televiziyo, turacyafite icyuho kinini cyane kugira ngo abantu babashe kuba bakurikirana televiziyo cyangwa se banazitunze [...] ni urugamba rukomeye rwa Star Times, rw’abandi bagurisha televiziyo kugira ngo tugire abadukurikirana."

Kamanzi avuga ko hakwiye ubufatanye bw’inzego zitandukanye zirimo n’itangazamakuru kugira ngo abanyarwanda bumve akamaro ko gutunga televiziyo nk’imwe mu nzira nyayo yo kubona amakuru y’ibintu bitandukanye.

Star Times ivuga ko Televiziyo zayo zitanga amashusho acyeye bitewe n’amatara amurika cyane zikoranyemo, atuma amashusho asohoka ameze neza.

Uguze Televiziyo ya Star Times ahabwa garanti y’umwaka wose, ku buryo iyo ihuye n’ikibazo uyisubizayo bakayigukorera ku buntu, yananirana bakaguha indi nta kiguzi.

Yizeza abatunze n’abazagura televiziyo zayo umutekano usesuye bitewe n’uko ifite uburyo bw’ikoranabuhanga butuma iyo decoderi yayo yibwe bamenya aho iri gukoresherezwa, ku buryo byoroha kuyifata.

Star Times yatangiye gukorera mu Rwanda mu 2008, aho kuri ubu abanyarwanda babarirwa mu bihumbi 200 bakoresha ifatabuguzi ryayo mu kureba televiziyo zitandukanye.

Iyi sosiyete iteganya ko umwaka utaha uzarangira imaze kugurisha televiziyo ibihumbi 100, icyo gihe kandi ngo iteganya kuzunguka abayihagarariye 100 hirya no hino mu gihugu ndetse yiyemeje kwinjiza miliyari 20 zivuye muri ubwo bucuruzi.

Televiziyo ya Pousses 40 (ibumoso) n'iya 32 zose za Star Times
Izi Televiziyo ngo zifite umwihariko w'amashusho acyeye bitewe n'ubuhanga zikoranye
Izi Televiziyo zose ngo zirahendutse ugereranyije n'abandi bazicuruza
Televiziyo za Star Times zifite umwihariko wo kuba zikoranye na dekoderi
Ubuyobozi bwa Star Times bwemeza ko umuntu wese ufite televiziyo yabo abasha kuyireba aho aherereye hose nta ngorane
Kamanzi Hussein avuga ko hakwiye ubukangurambaga ngo abantu bitabire gutunga televiziyo
Itangazamakuru ryasabwe kugira uruhare mu gufasha kuzamura umubare w'abatunze televiziyo
Star Times yizeza abakiriya bayo umutekano w'ibikoresho baba babaguriye

Amafoto: Luqman Mahoro

Andi mafoto
Contacts
IGIHE LTD
0788 74 29 08 / 0788 49 69 15
[email protected]
www.igihe.com
Read Other advertorials
Join Us

Socialize with Us
Contacts

Location: Ndamage Building 4th floor
P.O Box: 3477 Kigali- Rwanda
Phones:
+250 788 74 29 08, +250 788 49 69 15, +250 725 94 66 08
Email:
[email protected], [email protected]

Website Developped by

Copyright © 2009 -2014 - IGIHE Ltd - All Rights Reserved