TECNO yatanze amahirwe ku bifuza gusohokana n’imiryango yabo muri pariki ya Nyungwe

Urukundo nyarwo ntirutsindwa nta nubwo rushira, kandi uburyo bwiza bwo kurugaragaza ni ugutanga, ari na yo mpamvu sosiyete icuruza telefoni ya TECNO yatanze amahirwe ku bifuza gutemberana n’imiryango yabo muri Pariki ya Nyungwe.

Uru rugendo rw’iminsi ibiri ruzishingirwa na TECNO ikazishyura ibyo abazarujyamo bazakenera byose.

Rwateguwe binyuze mu irushanwa rya telefoni ya CamonCX ryiswe #liveWhileAliveCamonCX, abazatsinda bakazabona amahirwe yo gutemberezwa Parike ya Nyungwe no gucumbikirwa muri Nyungwe Forest Lodge, imwe muri hotel z’inyenyeri eshanu u Rwanda rufite.

Kwinjira mu irushanwa nta kidasanzwe bisaba, uretse gushyira ifoto ku mbuga nkoranyambaga ukayisangiza urubuga rwa TECNO, ubundi ukongeraho ijambo #liveWhileAliveCamonCX.

Amafoto ari mu byiciro bitandatu ni yo umuntu yemerewe gushyira mu irushanwa, ni ukuvuga ifoto igaragaza kwita ku bantu (caring), ubugeni (art), ifoto imugaragaza ari muri Siporo (muscle), ikintu kitari kimenyerewe cyangwa kidasanzwe (creativity), ubwiza bw’ibidukikije (nature)n’ibihe bidasanzwe (occasion).

Itsinda ry’abahanga mu gufotora niryo rizafatanya na TECNO, mu gutoranya ifoto ihiga izindi zose. Gukundwa ku ifoto no kuba abantu benshi bayisangije inshuti zabo na byo biri mu bizaha umuntu amahirwe yo gutsinda.


Kwamamaza