IGIHE.com
IKINYARWANDA
IKIRUNDI
FRANCAIS
ENGLISH
IGIHE TV
Kwamamaza

Uko gym ya ‘Befit 24h’ yahinduye ubuzima bw’abayigana

Mu iterambere Isi igezemo, nta muntu wishimira kugira umubyibuho ukabije kuko abenshi basobanukiwe ko uri mu bitera indwara nyinshi nka diyabete, umuvuduko ukabije w’amaraso, imitsi n’izindi.

Bamwe mu bamenye akamaro ko gukora siporo baganiriye na IGIHE batangaza uko ubuzima bwabo bwahindutse nyuma yo kugana gym ya Be Fit 24h iherereye mu muryango wa 17 kuri Stade Amahoro i Remera.

Umubyeyi Mukansonera w’imyaka 57 yabwiye umunyamakuru ko kugana Be Fit buri munsi byatumye aca ukubiri n’uburwayi bwari bwaramuzahaje.

Ati “Maze amezi abiri ntangiye kujya muri gym ya Be Fit, nagiye ari umuntu uhandangiye ambwira ko aho kujya kwivuza ahubwo nakwivura ubwanjye nkoresheje siporo. Nari naratangiye kubyimba ibirenge kubera imitsi ariko kubera abatoza baho bita kuri buri wese , banyitayeho,bantangiza siporo zijyanye n’intege zanjye, ubu ibyo bibazo byarangiye.”

Ruhumuriza Amani, we yatangaje ko nk’umusore wagannye Be Fit ashaka kubaka umubiri asanga yarageze ku nzozi ze.

Ati “Iyi niyo Gym mazemo iminsi kuko ahandi narabishyuraga ariko nasanga ibikoresho ari bike ari ukubirwanira nkahita mpareka. Nashakaga kuba umusore wubakitse kandi nabigezeho kuko nasanze bafite ibikoresho bigezweho kandi byinshi.”

Umukobwa utarashatse ko izina rye ritangazwa ye yatangaje ko yagiye muri Be Fit afite ibiro 81 ariko akaba amaze kugabanyaho bitanu mu mezi atatu.

Ati “Kuva aho natangiriye gukora imyitozo muri gym, natangiye kubona umusaruro wabyo kuko sinkikunda kurwaragurika.”

Be Fit ni Gym imaze imyaka itandatu ikorera mu Rwanda, ifite icyicaro gikuru kuri Stade Amahoro mu muryango wa 17 ndetse ikagira n’Ishami mu Gakiriro ka Gisozi, mu nyubako yitwa Umukindo.

Ifite ibikoresho mpuzamahanga n’abatoza b’abanyamwuga bakurikirana neza buri wese ubagannye.

Be Fit 24h itangira gukora saa saa kumi n’ebyiri za mu gitondo bagafunga saa yine z’ijoro ku buryo buri wese bitewe n’igihe abonera akanya afashwa.

Serivisi wasanga muri Be fit 24h

Body Building: Imyitozo yo kubaka umubiri benshi bakunze kwita guterura

Aerobics: Imyitozo ijyana n’injyana y’umuziki no kugororoka

Sport Rehabilitation: Imyitozo yo gufasha abantu bavunitse ingingo zabo zikongera gukora neza

Personal Training: Bafasha umuntu muri siporo bamusanze iwe cyangwa bamusanze aho akorera ku kazi. Bazana ibikoresho byabo bamara kugufasha bakongera bakabijyana ugakomeza akazi kawe.

Nutririon advice: Batanga ubujyanama ku mirire kugira ngo niba umaze gukora siporo, umenye n’imirire ukwiriye kugira ngo ukomeze kubungabunga ubuzima bwawe neza.

Befit 24h ifite n’amagare akoreshwa cyane n’abantu bashaka gutakaza ibiro mu gihe gito ( spinning class) akunda gukoreshwa n’abakinnyi ba filime, abitoza imikino mpuzamahanga n’abandi.

Ibiciro byabo birasanzwe

Muri Be Fit ukwezi kose umukiriya yishyura ibihumbi 20, amezi atatu akishyura ibihumbi 50, amezi atandatu akishyura ibihumbi 80 naho umwaka wose umuntu yishyura ibihumbi 150 akajya ahitamo serivisi ari buhabwe uwo munsi.

Ukeneye ibindi bisobanuro wahamagara kuri 0783024832 ndetse no kuri 0788511213.

Abagana Be Fit bishimira ko ifite ibikoresho bihagije bibafasha gukora siporo bisanzuye
Be Fit 24h yakira abantu bose bayigana bashaka kubaka umubiri
Be Fit 24h ikorera mu Muryango wa 17 kuri Stade Amahoro i Remera
Andi mafoto
  • Abagana Be Fit bishimira ko ifite ibikoresho bihagije bibafasha gukora siporo bisanzuye
  • Be Fit 24h yakira abantu bose bayigana bashaka kubaka umubiri
Contacts
IGIHE LTD
0788 74 29 08 / 0788 49 69 15
www.igihe.com
Read Other advertorials
Join Us

Socialize with Us
Contacts

Location: Ndamage Building 4th floor
P.O Box: 3477 Kigali- Rwanda
Phones:
+250 788 74 29 08, +250 788 49 69 15, +250 725 94 66 08
Email:
[email protected], [email protected]

Website Developped by

Copyright © 2009 -2014 - IGIHE Ltd - All Rights Reserved