IGIHE.com
IKINYARWANDA
IKIRUNDI
FRANCAIS
ENGLISH
IGIHE TV
Kwamamaza

Umunyamakuru Isheja Sandrine n’Umufotozi wabigize umwuga Plaisir binjiye mu bukangurambaga bwa #liveWhileAliveCamonCX

Umunyamakuru akaba n’umushyushyarugamba Butera Isheja Sandrine ndetse n’Umufotozi wabigize umwuga Muzogeye Plaisir, binjiye mu bukangurambaga bwa telefoni ya Tecno yitwa CamonCX bwiswe #liveWhileAliveCamonCX.

Ni irushanwa rifite intego yo gufasha abantu kuryoherwa n’ubuzima bakiriho ryateguwe na Tecno, rikorwa abantu bashyira amafoto meza ku mbuga nkoranyambaga zabo haba kuri facebook, twitter na instagram.

Uko ushyiraho amafoto menshi kandi meza, iyakunzwe cyane ndetse igakwirakwizwa, nyirayo azahembwa gutemberezwa muri Pariki ya Nyungwe no gucumbikirwa muri Nyungwe Forest Lodge, imwe muri hoteli z’inyenyeri eshanu u Rwanda rufite kandi ingendo n’ibizamutunga bikazishyurwa na Tecno.

Ni ubukangurambaga bwatangiye tariki ya 1 Mata, bukazasozwa tariki ya 20 Gicurasi 2017.

Bisaba iki kwinjira mu irushanwa?

Abambasaderi ba Tecno CamonCx, Butera Isheja Sandrine na Muzogeye Plaisir batangaza ko umuntu ushaka kwinjira mu irushanwa asabwa gusa gushyira ifoto nawe ahamya ko ari nziza ku mbuga nkoranyambaga.

Butera yagize ati “ Kwinjira mu irushanwa bisaba gusa gushyira ifoto ku mbuga nkoranyambaga ukayisangiza urubuga rwa TECNO (tagging) , ubundi ukongeraho ijambo #liveWhileAliveCamonCX.”

Yakomeje agira ati “Amafoto ari mu byiciro bitandatu niyo umuntu yemerewe gushyira mu irushanwa. Ni ukuvuga ifoto igaragaza kwita ku bantu, ubugeni, ifoto imugaragaza ari muri siporo, ikintu kitari kimenyerewe cyangwa kidasanzwe, ubwiza bw’ibidukikije n’ibihe bidasanzwe.”

Avuga ko umuntu ushaka kurushanwa ahitamo icyiciro kimwe gusa kuko gufata byinshi ntacyo byamumarira kuko hazahembwa umuntu umwe muri buri cyiciro mu byavuzwe haruguru.

Muzogeye Plaisir we avuga ko nk’umufotozi w’umwuga ndetse akazaba ari nawe uzatanga amanota ku ifoto yahize izindi mu bwiza, yifuza ko abantu bahitamo amafoto yazabahesha kugera muri Nyungwe batwawe mu ndege.

Ati “ Icyo nabwira abantu bari mu irushanwa cyangwa bashaka kuzarijyamo, ni uguhitamo amafoto meza, ifoto ivuga kandi igaragaza igikorwa mu buryo bwihariye. Gukundwa kw’ifoto no kuba abantu benshi bayisangije inshuti zabo na byo biri mu bizaha umuntu amanota 40%, nanjye nk’umuntu ugenzura ifoto nzatanga amanota 40% naho Tecno yo izatanga amanota. Ni byiza rero ko ifoto yawe waba wayifotoje CmonCX kuko nicyo ahanini iyi telefoni yagenewe.”

Uko bakiriye kuba abambasaderi ba Tecno

Butera ati “ Ni ishema, ni icyubahiro kubona Tecno barangiriye icyizere bakumva ko namenyekanisha igicuruzwa cyabo. Ni telefoni nziza, nanjye ntabwo nari kubyemera bibaye atari ibintu byiza.”

Muzogeye Plaisir ati “ Tecno ni ikompanyi imaze kuba ubukombe , kuba rero barampisemo kumenyekanisha igicuruzwa gifite aho gihuriye n’amafoto kandi ari nawo mwuga wanjye byaranshimishije. Biragaragaza agaciro abantu bagenda baha umwuga wo gufotora mu Rwanda ndetse no gukoresha ababifitemo ubuhanga.”

Kugura iyi telefoni ya camonCx nabyo biguhesha amahirwe yo kuba umwe mu bazatemberezwa muri nyungwe.

Igihe umuguzi amaze kugura CamonCX bimusaba gusiga imyirondoro ye aho ayiguriye agahita yinjizwa mu irushanwa.

Abazahiga abandi muri iri rushanwa rya Tecno rigamije gushimisha abakiriya no kubanezeza bazava i Kigali berekeza muri Nyungwe muri kajugujugu.

Umunyamakuru Isheja Butera Sandrine ari mu bambasaderi b'ubukangurambaga bwa Tecno
Muzogeye Plaisir, umufotozi wabigize umwuga nawe ari mu bambasaderi ba Tecno
Telefoni ya Tecno ComonCx ifite umwihariko wo gufotora neza
Telefoni ya Tecno kuyigura nabyo bihesha umuntu amahirwe yo kwinjira mu bukangurambaga
Andi mafoto
  • Muzogeye Plaisir, umufotozi wabigize umwuga nawe ari mu bambasaderi ba Tecno
  • Telefoni ya Tecno ComonCx ifite umwihariko wo gufotora neza
  • Telefoni ya Tecno kuyigura nabyo bihesha umuntu amahirwe yo kwinjira mu bukangurambaga
  • Umunyamakuru Isheja Butera Sandrine ari mu bambasaderi b’ubukangurambaga bwa Tecno
Contacts
IGIHE LTD
0788 74 29 08 / 0788 49 69 15
www.igihe.com
Read Other advertorials
Join Us

Socialize with Us
Contacts

Location: Ndamage Building 4th floor
P.O Box: 3477 Kigali- Rwanda
Phones:
+250 788 74 29 08, +250 788 49 69 15, +250 725 94 66 08
Email:
[email protected], [email protected]

Website Developped by

Copyright © 2009 -2014 - IGIHE Ltd - All Rights Reserved