IGIHE.com
IKINYARWANDA
IKIRUNDI
FRANCAIS
ENGLISH
IGIHE TV
Kwamamaza

Uruganda rwa Kinazi rwahize kongera ingano y’ifu ruzohereza hanze muri 2017

Mu rwego rwo gushyigikira gahunda ya Made In Rwanda, Uruganda rw’Ifu y’Imyumbati imaze kuba ikimenyabose mu Rwanda no mu mahanga rwatangaje ko rufite intego yo kuzamura ingano y’ifu ruzohereza hanze mu 2017, ikava kuri toni 200 zoherejwe mu 2016, ikagera ku zisaga igihumbi.

Iyi ntego ije yuzuzanya no kuba uru ruganda rumaze kugira isoko rihoraho mu gihugu ndetse bikaba byarashimangiwe n’ubuyobozi bwarwo bavuga ko mu minsi mikuru isoza umwaka wa 2016, ifu yarwo yaguzwe mu buryo budasanzwe kuko abarangura bisukiranyaga ubutitsa.

Mu kiganiro na IGIHE, Umuyobozi w’Uruganda rwa Kinazi, Nsanzabaganwa Emile yatangaje ko kuba abantu baraguze cyane byaturutse ku buryo bagenda babwirana akarusho k’iyi fu n’ubugari bwayo.

Ati “Muri 2012 uruganda rutunganya ifu y’imyumbati rwa Kinazi rugitangira byari bigoye kuko abantu bari bataramenyera ifu dukora. Muri iyi minsi mikuru rero, ifu y’ubugari bwa Kinazi yaraguzwe cyane kandi ni ibintu bigenda bigaragaza ko abantu bamwe babwirana icyo itandukaniyeho n’ubundi bugari dusanzwe tumenyereye. Ikibigaragaza uwaranguraga toni zirindwi mu cyumweru noneho yaziranguye mu minsi itatu gusa.”

Yakomeje avuga ko ibi ibintu babyishimiye cyane kuko bigaragaza ko abantu batangiye gusobanukirwa n’ubuziranenge, ugutubuka ndetse n’umwimerere w’iyo fu.

Ati “Igihugu cyacu kiratera imbere kandi ibyo bijyana n’uburyo abaturage bakoresha mu mafunguro yabo bagenda bahaha ibifite ubuziranenge, ikindi ni uko ari uguteza imbere ibikorerwa mu Rwanda.”

Akarusho k’ifu ya Kinazi

- Ifu y’imyumbati ya Kinazi ikorwa hakurikijwe ibipimo mpuzamahanga

- Ni ifu ibasha kubikwa hagati y’imyaka ibiri ndetse n’imyaka itatu

- Ikiro kimwe cy’iyi fu gihwanye n’ibiro bibiri by’ifu isanzwe kuko yo iratubuka

- Hakoreshwa amazi meza mu kuyitunganya

- Uyiguze aba aguze ifunguro rifite isuku kandi yizeye ubuziranenge bwaryo

Uruganda rwa Kinazi rurahagarariwe mu Rwanda no mu mahanga

Uruganda rwa Kinazi rufite abaruhagarariye mu Rwanda no mu mahanga, mu rwego rwo gukomeza guteza imbere gahunda ya Made in Rwanda.

Mu Rwanda hari abaruhagarariye i Musanze, Muhanga, Nyarugenge (mu isoko), Nyabugogo kwa Mutangana na Kimironko mu Karere ka Gasabo.

Mu mahanga, Uruganda rwa Kinazi rurahagarariwe mu bihugu bitandukanye birimo Amerika, Canada, iby’u Burayi na Australie.

Ubuyobozi bwarwo kandi buvuga ko hari imbuga za internet zigiye kujya zifashishwa ku buryo abakeneye ifu ya Kinazi bari hirya no hino ku Isi bayitumiza batavuye aho bari, bakoresheje urubuga rwa www.madeinrw.com ku baba ku yindi migabane y’Isi, naho ku baba mu Rwanda bo bahaha iyi fu bakoresheje urubuga www.murukali.com

2017 umusaruro uzarushaho kuba mwiza

Uruganda rwa Kinazi rurateganya ko muri 2017 ruzohereza hanze toni zisaga igihumbi z’ifu ya Kinazi mu gihe muri 2016 hoherejwe toni 200.

Umubare w’abaruhagarariye imbere mu gihugu nawo uziyongera kugira ngo iyi fu igere henshi hashoboka.

Aho baherereye

Uruganda rwa Kinazi ruherereye mu Murenge wa Kinazi, mu Karere ka Ruhango mu Ntara y’Amajyepfo ariko Ibiro byabo ku bifuza ubufatanye biri mu nyubako za RSSB mu Kiyovu.

Ushobora kandi gusura urubuga rwabo arirwo www.kcp.rw cyangwa ukabandikira kuri [email protected] Wanahamagara kuri telefoni igendanwa +(250) 725889930/ 72544241

Umuyobozi w'uruganda rw'Ifu y'Imyumbati rwa Kinazi atangaza ko muri uyu mwaka bazarushaho kongera umusaruro w'ibyo rwohereza mu mahanga
Ifu ikorwa n'Uruganda rwa Kinazi yujuje ubuziranenge
Ifu ya Kinazi imaze kwamamara hose kubera ubugari bwayo
Inyubako zikoreramo uruganda rwa Kinazi mu Karere ka Ruhango
Andi mafoto
  • Inyubako zikoreramo uruganda rwa Kinazi mu Karere ka Ruhango
  • Ifu ya Kinazi imaze kwamamara hose kubera ubugari bwayo
  • Umuyobozi w’uruganda rw’Ifu y’Imyumbati rwa Kinazi atangaza ko muri uyu mwaka bazarushaho kongera umusaruro w’ibyo rwohereza mu mahanga
  • Ifu ikorwa n’Uruganda rwa Kinazi yujuje ubuziranenge
Contacts
IGIHE LTD
0788 74 29 08 / 0788 49 69 15
[email protected]
www.igihe.com
Read Other advertorials
Join Us

Socialize with Us
Contacts

Location: Ndamage Building 4th floor
P.O Box: 3477 Kigali- Rwanda
Phones:
+250 788 74 29 08, +250 788 49 69 15, +250 725 94 66 08
Email:
[email protected], [email protected]

Website Developped by

Copyright © 2009 -2014 - IGIHE Ltd - All Rights Reserved