ABAGORE BENSHI BABAYE INTWARI ARIKO WOWE URABAHEBUJE

Yanditswe na
Kuya 8 Gashyantare 2016 saa 09:18
Yasuwe :
0 0

.......,Nari narazinutswe icyitwa umukobwa cya umugore uretse maman wambyaye,kuko nari mfite ibikomere natewe n’uwari umukunzi wanjye twasangiraga akabisi nagahiye bose aho twabaga batuzi ariko akaba yari yarahemutse.

Umunsi umwe ndi ku kagare ngiye ahantu imvura mbona iraguye mpita nugama ahantu nari ngeze,nahasanze umukobwa utagira uko asa ampereza karibu ninjira mu nzu.
Urwo rugo nari nduzi ndugendamo ariko uwo mwari sinari muzi kuko ntiyahakuriye,ariko we yari anzi ntiyabinyereka.
Naricaye nawe yicara imbere yanjye,namureba mu maso nkumva mfashwe n’ibintu umubiri wose ariko nkijijisha kugira atabibona.

Nashakaga kugira icyo namubaza undi mutima ukanyibutsa ibibi nahuye nabyo mu rukundo nkifata.Mu ijwi rituje uwo mwari numva aransembuye arambaza ngo harya witwa Damascene? Mboneraho ndamwibwira ariko mubwira ko njye ntamuzi ko nawe yanyibwira, agiye kunsubiza ambwira ko akiri umwana ko nta mwana wivuga!numva noneho isi indangiriyeho mbura aho muhera kuko nahise numva nongeye gukunda pe kandi nari narazinutswe gukunda.

Kuko imvura nari nugamye yari imaze guhita,ngomba kugenda,nashatse uko nzongera kwibonera uwo mwari wari ungaruye mu rukundo,mpitamo kumubitsa ka kagare nari mfite mubeshya ko umuhanda wanyereye.
Naragiye ariko ishusho ye ingumamo aho ndi hose.

Negereye inshuti yanjye bari baturanye nyitekerereza ibyambayeho ejo hashize,ambwira ko uwo mwari abasore bose babuze aho bamukura andatira ibigwi bye noneho numva haracyariho abakobwa bazima.
Nkiri aho kwa mushuti wanjye twumva hari umuntu ukomanga,mu kumubwira karibu, hinjiye wa mukobwa ngiye kumva numwa mushuti wanjye ahise amusuhuza ati bite Eugenie? Ntangira kwumva kandi ngize isoni!yaradusuhuje bamuha ibyo yashakaga aragenda.
Nk’ejo hakurikira, naragiye ngiye kureba ka kagare nsanga ari kumwe na mukuru we kuko we twari dusanzwe tuziranye ndamubaza nti ese uyu mukobwa ko ari mwiza,ni uwa hehe?ambwira ko ari murumuna we ko ari umunyeshuri ko ataba aho.

Namureba nkumva haricyo namubwira ariko nkabura aho nahera.Kuko twari mu mpera z’umwaka wa 2010 nabasabye ko bombi bazaza tugasangira Bonane!Mukuru we aba ankuye aho umwami yakuye Busyete ati"njye oya uzajyane na murumuna wanjye".
Eugenie yabanje kubyanga ariko aza kubyemera.

Ku 1/1/2011 nibwo twasangiye bwa mbere ndi kumwe n’inshuti zanjye ,igihe cyo kwibwirana bansabyeko nababwira umushyitsi mushya babonye aho, n’ibyishimo byinshi narahagurutse mbabwira ko yitwa Eugenie ari uzambyarira abana aramutse abyemeye!
Bakomeye amashyi rimwe Djay aba ashyizemo indirimbo yari ikunzwe ya Knowless yitwa WARURIHEHE.Eugenie yarumiwe atungurwa n’amagambo mvugiye aho.

Nyuma twaje kuganira numva ambajije amakuru yawa mu cherie wanjye,ndamubwira ati ’Cherie,ni wowe nzi ntawundi’ mbona ababajwe nuko mwise Cherie arambwira ngo afite uwe ko impamvu ntamuzi aba muri USA.
Nahise numva nongeye kuzinukwa ariko ndebye mu maso he heza nsanga yarize,mubajije impamvu ambwira ko ababajwe nuko nahemukiwe kandi azi neza ko ndi uw’igikundiro,nitonda mbese numva arimo kuntaka ibigwi.
Mubajije uko azi ibyanjye ambwira ko mukuru we byose yabimubwiye,musabye ko twakwikundanira ambwira ko akunda uwo muri USA.

Sinacitse intege twakomeje gutyo nza kuzamusura ari mu itorero aho turaganira aza kumbwira ko uwo yambwiraga uba USA ari umutima wanjye kuko yabonaga uri kure yibaza niba nzawumushyiramo bityo akaba yarabigereranyaga n’ahantu kure bitoroshye kugera kuri we ariho USA.

Yanshimiye urukundo namweretse nanjye mushimira ko yatwakiriye. Ubu turi abageni twashyingiwe 05/09/2015 Urugo rwacu ruzarangwa n’urukundo no gukunda Imana.


Kwamamaza

Kwamamaza

Izindi nkuru wasoma

Inkuru ziheruka - Love Stories Competition

URUGEMWE RW’IMANA
12/02/16 - 04:13
MON ELDORADO
11/02/16 - 07:50
WANTOJE KUBA UMUGABO
11/02/16 - 07:30
NARAROSE
11/02/16 - 06:00
NTAWAZIMYA URWO ATACANYE
11/02/16 - 05:00
EMERA NKOMORE IBIGUMA
11/02/16 - 04:32
Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza