NI INDASUMBWA MUHOZA KU ISONGA

Yanditswe na
Kuya 8 Gashyantare 2016 saa 09:29
Yasuwe :
0 0

Igihe Gaby yari umunyeshuri mu amashuri y’isumbuye yagiye ku ishuri ageze i Musanze ahura n’umukobwa Chantal wacikirije amashuri ageze mu mwaka wa gatanu ahitamo gucuruza imyenda.

Gaby yabaye umukiriya wa Chantal, yazaga kumugurira imyenda yo guha umukunzi we biganaga, NINA. Gaby yageraga aho Chantal yakoreraga kabiri mu gihembwe agiye ku ishuri anatashye.

Byatumye bamenyana bisanzwe, bigenda byiyongera buhoro, bigera aho Gaby aza guhaha akicara bakaganira amubaza amabara abakobwa bakunda ngo abe ariyo azajya aha umukunzi we mu mpano yamushyiraga, Bituma bamenyerana kurushaho, noneho bigera naho Chantal azajya aza gusura Gaby ku ishuri,aza kumubaza impamvu ataheruka kuza kugura impano yo guha umukunzi. Ibyo bibaha umwanya uhagije wo kuganira kuri buri umwe no kumenyana birushijeho bituma Gaby abohoka abwira Chantal uwo bahoze bakundana (NINA) ko yarangije akajya kwiga mu mahanga maze mu gihe amuherekeje ku kibuga cy’indege ababyeyi be bakamubaza umuherekeje ari uwahe.
Yahababwira bagahita bamutegeka ko barekana burundu kandi batamushaka kuko iwabo w’umukobwa bari bifashije ntibifuzaga ko NINA yamenyana na Gaby wavukaga mu bakene,rero ngo byahise birangirira aho gusa akajya amwandikira kuri facebook ariko NINA aza kumubwira ko yabonye inshuti , Chantal wari warakunze Gaby cyane yicinya icyara ariko agakomeza kumutega amatwi. Batangiye kujya basurana bakanasohokana, bagasura inshuti ,byose bakabikora bari kumwe.

Gaby yaje kurangiza kwiga asaba Chantal gusubukura amashuri ariko aha ntawari wabwira undi ko yamukunze.Chantal yaje kubyemera nawe asaba Gaby kumubera umukozi muri business yo gucuruza imyenda kuko yari imaze kwaguka ,Gaby yarabyemeye aramukorera Chantal ajya kwiga ,ariko nka nyiri business, muri weekend barahoranaga akamubwira amakuru ya business. Chantal asoje amashuri yagaruka muri business ariko ntiyasezerera Gaby ahubwo bagaba ishami ryabo I Rubavu Gaby aba ariho ajya gukorera. Inshuro nyinshi bakundaga gusokana muri weekend. Abantu bamwe bibwiraga ko bakundana, ariko bo hagati yabo byari ubushuti busanzwe.

Nyuma y’igihe babanye gutyo, nabo ubwabo babonye ko bimaze gufata indi ntera, babona ko uburyo babanyemo bumaze kugera ku rundi rwego ko basigaye ari inshuti mu buryo budasanzwe, barahoranaga bakaganira byose, bakabitsanya amabanga kandi bagahuza muri byinshi. Nuko bicara ahantu babiganiraho, bajya umugambi wo kubyita izina niko gufata icyemezo cy’uko bagiye kuba abakunzi.

Babaye abakunzi ntibyatungurana kuko n’ubundi abababonaga babafataga nk’abakunzi.Urukundo rwabo rwabaye urw’ikitegererezo, abantu benshi bavuga ko baberanye; Urukundo rwabo rwarakomeje kuburyo bamaze imyaka itanu,batumiye abantu bakora umunsi mukuru wo kwishimira urukundo rwabo . Inshuti zabo zari zateranye ku bwinshi zibaha impano Gaby yari amaze kugira imodoka itwara abagenzi kd nawe afite imujyana mu kazi, icyaje gutangaza abantu nuko mubahaye Gaby impano kuri uwo munsi na NINA yamuhaye umudari wo kwambara mu ijosi uriho amazina ya NINA ariko Gaby ntiyabitekerezaho kuko yumvaga byararangiye.

Muri ibyo birori mu ijambo abo bakunzi bagejeje ku bari bateraniye aho, biyemeje ko bagiye gutera intambwe bagashinga urugo mu gihe kitarambiranye. Nyuma y’uwo munsi urukundo rwabo rwafashe intera ariko NINA we yashatse uko yakwitwara ngo yigarurire Gaby biranga niko gufata umwanzuro wo kwifashisha abasore b’ingufu ngo bajye gutera ubwoba Chantal ko naramuka abanye na Gaby no gupfa azapfa baramukubise kugera aho yavanywe aho ajyanwa ku bitaro bikuru bya Ruhengeri gusa Gaby yatinze kubimenya kuko yabimenye nka saa yine z’amanywa kandi byabaye nimugoroba naho abimenyeye afashe inzira ngo ajye I Musanze kureba uko umukunziwe ameze ahura na NINA ku NYUNDO amubwirako Mama wa NINA arwaye cyane kdi ashobora gupfa rero ngo aramushaka amusabe imbabazi ku byo yamukoreye amutuka ubwo yari amuherekeje gufata indege.

Gaby atazuyaje yahise ashyira NINA mu modoka barajyana ngo abonane na Mama we,bageze murugo iwabo wa NINA basanga ntamuntu wundi uhari nuko Nina abwira Gaby ko yashakaga ko baganira anamubeshya ko yasuye Chantal agasanga ntakibazo gikomeye yagize ko ari kuvuga ,Gaby ahita amuhamagara (yahamagaye Chantal) yitabwa numurwaza we amubwirako Umukunzi we arikumwe n’abaganga bari buvugane nibasohoka ,NINA yakomeje kwendereza Gaby ashaka ko bari buryamane bigera aho Gaby ananirwa kwihangana igikorwa kigiye kuba (cyo gusambana )yumva phone ye barayihamagaye ayirebye abona ni Chantal ahita amwitaba Chantal amubwira ijambo rimwe ngo WIRINDE ahita akupa, Gaby atarwiyambitse ahita abyuka aho yiruka acika NINA .

UKO URUKUNDO RWABO RWARANGIYE.

Nyuma y’Amezi atandatu bakoresheje ibirori, Gaby yari agishaka ubushobozi bwo gukora ubukwe n’umukunzi we, ariko hagati aho urukundo rwabo rukigurumana ibishashi, ariko inshuti zabo zimwe na zimwe zo zari zitangiye kubona byararambiranye kuko zahoraga zitegereje amabaruwa y’ubutumire (invitations), ariko amaso yaraheze mu kirere.

Urukundo rwabo rwari rugikomeje nta kibazo na kimwe kirurangwamo. Umunsi umwe Chantal yari yasuye Gaby ariko afite na gahunda yo kunyura ahandi hantu, Gaby amwemerera ko ari bumuherekeze bakahanyurana. Noneho Chantal ageze igihe cyo gutaha, Gaby amuherekeje, ahura n’abakobwa batatu aribo NINA, Natacha na Ange, babiri muri bo; Natacha na Ange, Chantal yari asanzwe abazi nabo bamuzi kuko bari abaturanyi ba Gaby. Abo bakobwa babwiye Gaby ko baje kumusura bihita biba ngombwa ko Gaby asubirana nabo mu rugo ahita asezera Chantal amugeza aho. Chantal yaratashye ariko agenda ababaye cyane kuko we yabifashe nk’aho Gaby yamusuzuguje abandi bakobwa.

Gaby we siko yabibonaga, we yumvaga ko agiye kwakira abashyitsi kuko burya umushyitsi ni umwami, kandi Chantal we bari bamenyeranye yari nk’umusangwa. Chantal yarabyirengagije ariko abibika k’umutima yishyiramo ko Gaby ari busabe imbabazi, Gaby nta mbabazi yasabye kuko atigeze anamenya ko ikosa ryabaye. Bukeye bwaho ari kumugoroba Gaby na Chantal bari bafatanye akaboko bari gutembera, Chantal yabyirengagije, urugwiro ari rwose bagenda baseka, Ubwo nibwo telefone ya Gaby yasonaga, Gaby aritaba aganira n’umuntu baseka sinzi icyo bavugaga ariko nk’uko Gaby abitangaza avuga ko ibyo baganiraga ari ibintu by’ubugoryi bisanzwe.

Gaby amaze gukupa Chantal yafashe telefone ya Gaby areba nomero imaze guhamaga ,asanga nomero ni iya NINA, ubwo umujinya uramwica, yibaza ibyo Gaby na NINA basekaga, arafuha bikubitiraho ibyabaye ubwo yamuhaga impano, ntano kwirirwa abaza, ntano kureba ko bari mumuhanda, yafashe telephone ayikubita mumuhanda, arivumbura aragenda.Gaby asigara aho yumiwe, abantu barashungera, atora telephone yashwanyaguritse, arangije arataha.

Hashize iminsi itatu Gaby atamuvugisha, Chantal yatumije inshuti zose za Gaby na Gaby ubwe ahari, asaba imbabazi avuga ko ibyo yakoze yahubutse ko yabitewe n’umujinya kandi ko atazabyongera,Chantal yarapfukamye, ararira asaba imbabazi, ariko biba iby’ubusa kuko Gaby yanze kumubabarira, avuga ati: “Ubuse umuntu utangiye kundakarira akansebya mumuhanda tutarabana nitubana bizagenda gute?” Gusa nkuko abitangaza avuga ko nta kosa umugabo yaba yakoze rikwiye ko yaseberezwa mumuhanda bigeze hariya akaba ariyo mpamvu rero adashobora kubabarira umukunzi we.
Kugeza ubuamakuru dufite ni uko Gaby na Chantal baje kwiyunga kandi bakaba bategura kurushinga mukwagatandatu.


Kwamamaza

Kwamamaza

Izindi nkuru wasoma

Inkuru ziheruka - Love Stories Competition

URUGEMWE RW’IMANA
12/02/16 - 04:13
MON ELDORADO
11/02/16 - 07:50
WANTOJE KUBA UMUGABO
11/02/16 - 07:30
NARAROSE
11/02/16 - 06:00
NTAWAZIMYA URWO ATACANYE
11/02/16 - 05:00
EMERA NKOMORE IBIGUMA
11/02/16 - 04:32
Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza