NIBWO NABONYE URUKUNDO

Yanditswe na
Kuya 10 Gashyantare 2016 saa 12:09
Yasuwe :
0 0

……. naje kubona akazi gaciriritse, kari akazi bisaba ko nkorana n’undi muntu kandi twagendaga twimuka buri nyuma y’amezi abiri. Twakoraga mu Mirenge itandukanye ari nako dukorana n’abantu batandukanye.

Iyi nkuru mbabwira yambayeho. Ku kazi baje kumvana mu Murenge umwe banyimurira mu wundi, ngezeyo nsanga hatanzwe ibizamini by’akazi ku bantu twagombaga kujya dukoresha.

Mu bantu bari batsinze ibyo bizamini harimo n’umukobwa.Nta gitekerezo nari mfite cyo gukundana mu mutwe wajye.

Nkimara gufata ibikoresho by’akazi dore ko kwari ugupima amasambu uwo mukobwa wari watsinze ikizamini cy’akazi yahise ambwira ngo turakorana, sinazuyaza ariko nanjye numva ndabikunze gukorana na we.

Muri bya bikoresho harimo ikarita ishushanyijeho amasambu n’ibindi arabinyaka ngo abifate , ndabimuha kandi vuba cyane.

Twarakomeje turakora ariko nmureba mu maso nkumva nta mahoro mfite. KLuko nakundaga kuwiyogoshesha favori nkazicongesha, naje kumurabukwa ko yakomeje kuzitegereza cyane, ariko akantinya cyane kukorai nyoboye iyo kipe twarimo.

Ubusanzwe ku munsi twari dutegetswe nibura gupima ibibanza by’imirima 200 ariko uwo munsi wa mbere duhura nakoze ibibanza 27 gusa.
Nubwo twakoraga gahoro, ntiyari gutinyuka kumbaza ngo ko ntari gukora kuko ntabwo yari asobanukiwe anategeko tugenderaho.
Igihe cyo gutaha kigeze, imvura yaraguye dufata umutaka w’akazi. Numva njyewe ntari bujyane nawe mu mutaka kuko numvaga atananyemerera nubwo umutaka wari uw’akazi.

Yakomeje kubinsaba , ngeze aho ndihangana ndinjira. Twagiye mu mutaka tugenda twegeranye nkumva ndishimye tukarebana tugaseka.Turakomeza nkabona ari igitangaza.Yari yambaye ipantalo nziza kandi itamufashe cyane ukabona ko ari umukobwa mwiza.

Yaje kumbaza aho nkunda kwiyogosheshereza, mubwirako ari ahasanzwe.

Yahise aseka ndebye amenyo ye uko yererana utuntu twiruka umubiri wose. Byaje kugera aho dusezeranaho, turataha..Iryo joro ntabwo nasinziriye.Nta nimero za telefone nari namubajije kuko twese twari tugitinyana. Nashatse nimero ye twatashye mbaza abo twari twiriwe dukorana, nabo barayibura.
Ubwo byari hafi saa yine z’ijoro. Nagiye hirya aho bacururiza kuri Boutique mbabaza izina rye baramumenya ariko nimero yo ntayo bari bafite.
Icyakora nabajie abo bantu nasanze kuri boutique niba aho atuye bahazi, barahambwira numva ni kure ndetse muri ayo masaha mbona nta na moto nshobora kubona ijyayo, nubwo no ku manywa kuyibona byari ikibazo kuko zari nke muri icyo gihe.

Nafashe umuhanda saa yine z’ijoro nerekeza iwabo aho bandangiye, saa sita ziragera, sa Saba, saa munani, saa cyenda mpura n’abanyerondo, baramfata banyicaza hasi kuko batari banzi muri ako gace.
Ahagana saa kumi abanyerondo agatotsi karabafashe ndabatoroka ndakomeza.Narayobye burinda bucya ntarabona aho uwo mukobwa atuye.

Abantu batangiye kugenda bucyeye, nza kubaza abantu mpuye nabo banyereka iwabo nsaga n’ubundi nsaga n’uwahageze ahubwo ari uko ntari nzi urugo.

Bamaze kunyereka urugo rw’Iwabo , naragiye nsanga baracyaryamye, narakomanze haza musaza we.Ndamusuhuza, niko guhita mubaza niba Alliance ahari, maze ambwira ko yabyutse kare yagiye ku kazi.
Nahise nsubira inyuma amaguru nyabangira ingata.Ndihuta nsubira aho naturutse.Mpageze narakarabye njya ku kazi ariko mpagera nakererewe, nirinda kuvuga ibyambayeho kuko numvaga ibyo nakoze biteye isoni.

Koko nkuko babimbwiye, narahageze nsanga Alliance yageze ku kazi kare.Mubonye numva ndaruhutse.
Namubwiye uko byagenze kose mbona amarira ashotse ku maso, ndamufata ndamuhoza na we ambwira ko yaraye adasinziriye.

Twagize ikiganiro kirekire, aho gukora twibera muri ibyo maze dutashye ntanga raporo y’ibibanza 13 kandi nari ntegetswe gutanga nibura ibibanza 200.
Twaratashye ndamuherekeza ariko nkumva urugendo rwaba rurerure tukigumanira.
Nakomeje ubwo buzima icyumweru kirangiye baba baranyirukanye ku kazi , ngo nta musaruro ndi gutanga. We yarakomeje arakora tukajya tuvugana kuri telefone na buri weekend nkamusura iwabo.

Naje kubona buruse, njya kwiga Kaminuza i Kigali ntitwongera kujya duhura nk’uko byari bisanzwe. Twajyaga tuvugana kuri telefone nkumva afite agahinda kenshi cyane akanarira rimwe na rimwe.
Yakoze ibishoboka byose akajya anamfasha mu myigire yanjye.Yampaga amafaranga atigenda ugure inkweto cyangwa ipantalo.

Twarakomeje urukundo rurakomera , rimwe akansanga ku ishuri tukaganira tugaseka, nanjye mu biruhuko nkamusura cyane bishoboka.

Ntitwigeze turyamana muri icyo gihe nkuko hari abakeka ko urukundo ari byo rusobanuye, gusa byari ibyishimo gusa.

Njye ubu Kaminuza narayirangije, nawe ubu yatangiye kwiga ndetse ari hafi kuyarangiza.Twemeranyije ko tuzabana iteka ryose, akambera umufasha nkamubera umutware.

Twemeje ko narangiza amashuri ye muri Nzeli 2016, tuzahita tujya gusezerana imbere y’Imana. Njye na we tuzapfana.
Ndemeza ko Urukundo rubaho kandi ruza igihe rushakiye.


Kwamamaza

Kwamamaza

Izindi nkuru wasoma

Inkuru ziheruka - Love Stories Competition

URUGEMWE RW’IMANA
12/02/16 - 04:13
MON ELDORADO
11/02/16 - 07:50
WANTOJE KUBA UMUGABO
11/02/16 - 07:30
NARAROSE
11/02/16 - 06:00
NTAWAZIMYA URWO ATACANYE
11/02/16 - 05:00
EMERA NKOMORE IBIGUMA
11/02/16 - 04:32
Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza