NTARIRARENGA NAWE WAKUNDWA SHENGE

Yanditswe na
Kuya 11 Gashyantare 2016 saa 03:52
Yasuwe :
0 0

Sinjye warose atirimuka, natangiye kwivuga amazina, na we ambwira ko yitwa Jeanne. Mugihe yasekaga nari natwawe kuburyo ntabashije kumva irindi zina, ahubwo nari nahugiye ku maso ye yari ateye neza cyane. Nta kindi nakurikijeho nahise musaba nimero ya telefone.

Umwaka wa 2012, nibwo nahuye n’umukobwa witwaga Aliane wigaga mu kigo kimwe nange ariko twiga mu mashami atandukanye.. Njye nigaga muri Math-Physique we yiga muri Computer science.

Uwo mukobwa yahoraga aza kundeba ngo musobanurire imibare kuko arinjye wabaga uwa mbere mu ishami ryacu. Kubera uburanga yari afite ntibyamugoye kunyigarurira nkajya musobanurira akayitsinda ku rwego rwo hejuru. Kubera guhorana cyane byatumye mwiyumvamo cyane nziko na we ari uko gusa natunguwe nuko twasoje ikizamini cya Leta namubwira akandi ku mutima akantera utwatsi ambwira ko byari amasomo gusa.

Nyuma y’umwaka umwe gusa ndangije naje kubona akazi mu kigo cy’amashuli twari duturanye, aho nigishaga isomo mbonezamubano. Umunsi umwe turi mu kiruhuko cya saa yine nibwo nabonye umwari mwiza wampogoje ubaruta bose wiga muri icyo kigo. Nk’umwarimu nabuze uburyo namuvugisha turi mu kigo , gusa amahirwe nuko ntamwigishaga.
Reka rero basubire mu ishuri naramukurikiye ndeba ishuri yigamo, twajya mu nama y’abanyeshuri bose nkicara hafi y’ishuri ryabo (buri shuri ryicaraga mugihande cyaryo). Intego yabaga ari ukwirebera wa mwana mwiza nabonye nkumva umutima uransimbutse. Numvaga agahinda natewe na Aliane, ntazakavamo kuko niko kamberaga imbogamizi yo kuba nakunda undi mukobwa.

Umunsi umwe ari kuwa gatanu nimugoroba, natahanye n’umusore witwa Jacques twakoranaga, kugirango antize modem hari ahantu nashakaga kwiyandikisha nkoresheje interineti. Turajyana tukigera mu rugo iwabo natunguwe no gufungurirwa na wa mukobwa. Nibwo bwa mbere twari dusuhuzanyije yarampobeye numva sinamurekura. Gusa kugirango umuvandimwe we atabibona nabi naramurekuye.

Tukihagera Jacques yarebye mu gikapu asanga modem yayibagiriwe ku ishuri. Yahise ambwira kwihangana ko agiye kuyireba, nanjye mu mutima nti ‘Imana Ishimwe ahubwo iyaba uri butinde’ .

Nta kiganiro kinini twagiranye kuko Jacques yahise agaruka, nanjye ubwo ndasezera gusa natashye umutima wibuka ya menyo y’urwererane y’umukobwa wari warantwaye umutima. Nageze mu rugo mpita njya kureba filime ariko bikanga nkumva nasubirayo gusa bwari bwije mpita njya kuryama.

Mu gitondo nahise muhamagara, mubaza uko amerewe. Mu kajwi keza yambwiye ko yaramutse neza. Mugutebya ndamubwira ko mukumbuye, nawe arambaza niba Atari ukumubeshya , maze musubiza ko ari ukuri kose.

Yahise yishima nanjye nirya icyara numva ndamufatishije. Twahnye isaha ngo tugire aho duhurira tuganire, amze na we aremera.

Sibwo isaha twahanye igeze ! Duhurira mu kabari kari hafi aho, dusangira ka fanta mba mbonye amahirwe yo kuganira na Nyampinga wa mpogoje ntawe nikanga. Natangiye mwibwira mubwira akandi ku mutima.

Ubwo twakomezaga gusangira amasaha yakomeje kutuibera umwanzi, ashira uko yishakiye. Buba burije ndamuherekeza mugeza iwabo, ngiye kumusezera namusomye ku itama n’ikiganza. Nahise mwongorera amagambo agira ati: “Nzategereza kugeza ku ifirimbi ya nyuma ubwo nzamenya ko ari njyewe wahisemo.”
Kuva ubwo twakomeje kujya tuvugana tukanahurira ahantu tukaganira kandi nabonaga yishimye ariko ntatobore ngo avuge akamuri ku mutima.

Nyuma y’iminsi mike, ibiruhuko byari bitangiye njyewe n’umukunzi wanjye twari tubonye igihe gihagije cyo kuganira birambuye.

Umunsi wandutiye iyindi ni ku itariki ya 09 Gicurasi, aho wari umunsi wanjye w’amavuko akankorera agashya. Nk’umuntu wari ukirangiza kwiga amashuri yisumbuye nubwo nari mfite akazi, nta mafaranga nari mfite nta n’ibirori nari nateguye.

Niriwe mu rugo nk’ibisanzwe mbona nimero impamagaye ariko nta zina ririho nditaba. Nkimara kwitaba natunguwe nuko ari akabavu kanjye kari kampamagaje nimero yamusaza we Jacques. Yansabye ko naza tugahurira muga santere kari hafi aho nibwira ko ari akantu ashaka kumbwira.

Hagati aho nkihagera, yabanje kunjyana mu cyumba anyongorera amagambo agira ati: “Humura shenge, wakunze ugukunda kandi nafashe umwanya uhagije nsanga ari wowe musore ngomba kwegurira umutima wanjye.”

Nange nabaye nkufashwe n’amashanyarazi nkomeza kumuhobera.Nkiri muri ibyo aba amfashe akaboko twinjira mu salle , mpageze natunguwe n’abantu b’inshuti zanjye hamwe n;iz’akarabo kanjye zahise zimenaho amazi hamwe n’indirimbo y’isabukuru nziza.

Ntagize ikindi mvuga nahise mfata Micro, nsuhuza abari baraho nshimira umukunzi wanjye kandi muhamiriza imbere yabo ko ari we uzaba mama w’abana banjye.

Kuva uwo munsi munsi abo dukorana bose batangira kumbaza icyo nakoresheje ngo nigarurire umutima w’uwo mwari, abenshi bamubonaga nk’umuntu utinyitse kubera ko yakundaga guceceka.

Hashize igihe naje kujya kumusura anyereka ababyeyi nabo babiha umugisha. Nyuma nange namujyanye iwacu asanga mama n’ubundi asanzwe amuzi nka umwana w’imico myiza, muri make arisanga mu muryango wacu urukundo rurakura.

Nta rutagira Kidobya

Nyuma yibyo byose nimutse aho nakoreraga njya mu mujyi, umukunzi wange bakamugezaho inkuru zinsebya ko nsigaye muca inyuma, akampamagara ababaye ambaza icyo namuburanye.
Itariki ya 16 ugushyingo 2015 nibwo yaje kunsura ambwira amashirakinyoma nanjye mubwira ibyo nabwiwe byose, gusa twese twaje gutungurwa n’umuntu waduhaga amakuru ko yari umuntu umwe wari umusore w’inshuti yanjye.

Tumaze kumenya ko yabikoze ashaka kwigarurira umutima w’umukunzi wanjye, twaramuretse akajya atubwira ibyo ashatse byose tukamwikiriza ariko tuzi ko ari amabwire. Urukundo rwacu no gusabana birakomeza bitera imbere.

Kuva ubwo nibagiwe agahinda nari naratewe na Aliane, wari warankuye ku nshuti zange twiganaga mbere kuko yanyerekaga ko anyitayeho nyamara hari ikindi akurikiye, gusa hari uwari untegereje rurema yampangiye ariwe Jeanne.


Kwamamaza

Kwamamaza

Izindi nkuru wasoma

Inkuru ziheruka - Love Stories Competition

URUGEMWE RW’IMANA
12/02/16 - 04:13
MON ELDORADO
11/02/16 - 07:50
WANTOJE KUBA UMUGABO
11/02/16 - 07:30
NARAROSE
11/02/16 - 06:00
NTAWAZIMYA URWO ATACANYE
11/02/16 - 05:00
EMERA NKOMORE IBIGUMA
11/02/16 - 04:32
Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza