UKUNDA NI NK’UMUSIRIKARI KANDI NAKUKA KANYUMA KARAKORA UGATSINDA URUGAMBA

Yanditswe na
Kuya 10 Gashyantare 2016 saa 11:12
Yasuwe :
0 0

Hari umunsi umwe habaga expo mu karere ntuye mo umuhungu wari collegue wanjye ansaba ko twajyana muri expo gutembera ndamwemerera kuko numvaga ari ibintu bisanzwe! Nahamagaye boyfriend wanjye ngo mubwire ko ndi bujyane na collegue muri expo numero ye ya telephone ntiyacamo nkomeza kuyigerageza iranga....

Isaha zo kugenda zigeze wa mu collegue arampamagara ngo tugende kuko nari namaze kumwemerera turagenda, turatembera twicara ahantu tunywa agafanta kera kabaye mubyara wa boyfriend wanjye aba aduteye imboni yahise atanga rapport ko nasohokanye n’undi muhungu!

Ako kanya boyfriend aba arampamagaye ntababeshye nabaye nk’ukubiswe n’inkuba ubwoba buranyica ntangira gutitira gufata telephone ngo nyitabe birananira! Uwo muhungu twari kumwe arankomeza ansaba kwikuramo ubwoba nkitaba kuko nari namusobanuriye uko byagenze!

Nkimara kuyitaba n’umujinya mwinshi aba arambwiye:ngo usigaye warigize umugore w’abasore bose ariko? Aho wicaye uri kuhakora iki? Uwo muhungu mupfana iki? Ngitangira kumusobanurira aba arantombokeye ngo nta busobanuro nshaka ntuzongere no kuvuga ko wigeze umenya, arakupa.

Nabaye nkunyagiwe ntangira kurira, uwo muhungu twari kumwe arampumuriza arampagurutsa turataha! Ngenda ndira inzira yose! Natekerezaga ko wenda namara gucururuka azantega amatwi nyamara siko byagenze yahise apfungira amayira ahariho hose namukura.
Wa muhungu yakomeje kumba hafi akansura kenshi yaza akaza anzaniye utuntu azi nakundaga

Byageze aho numva ntangiye kumwiyumvamo numva ndamukunze yaba atampamagaye ngahangayika namara iminsi ibiri ntaramubona nkumva ndarembye
Ubwo ntangira kwibaza uko nzabigenza, murabizi gutinyuka kubwira umuhungu ko umukunda uri umukobwa ntibyoroshye narwanye nabyo hafi guturika umutima.

Umunsi umwe twari tuvuye kwa muganga nari narwaye aramperekeza tuvuyeyo tugeze mu rugo agiye gutaha ndamubwira nti buretse gato mpita mfukama imbere ye ntangira gusuka amarira, ndamubwira nti "ndagukunda" yabaye nk’uguye mu kantu arampagurutsa ampanagura amarira ambwirako azansubiza! Bukeye yaje kureba uko naramutse maze ambwira ko nawe ankunda! Urabyumva nawe narishimye nk’umubyeyi wibarutse! Ndamukunda noneho birenze nawe nkabona ankunda!

Kera kabaye umukobwa twabanaga mu gipangu yari yaragiye muri vacance aje antira telephone ngo ahamagare umuntu agiye guhamagara haba hajeho izina kuko njye n’uwo muhungu twitiranwaga amazina yombi y’ikinyarwanda twari twariyise"Uwi2" bivuze inyuguti zatangiraga ayo mazina!

Uwo mukobwa aba arambajije ati"uyu muntu mupfana iki?" na confindence nyinshi nti ni my byose! Aseka ati"eeeh nibyiza ni umwana mwiza courage"ndamubaza nti muraziranye? Ati"yego ni collegue wanjye"sinabitindaho birarangira!

Bukeye kuko nigaga nijoro ndi mu ishuri mbona sms kuri whatsApp boyfriend ambwira ati"nshuti mbere y’uko dukundana nakundanaga na Rita (izina nise uwo mukobwa twabanaga mu gipangu) ati yaje kugenda muri vacance atambwiye akuraho na telephone turaburana none yansobanuriye impamvu yabimuteye nsanga narahubutse kumwanga none sinamwitura kumwanga ndakomezanya nawe"

Bavandi nahise nsohoka mu ishuri ntakoza amaguru hasi ntaha ndira namuhamagara ntanyitabe namwandikira ntansubize, ubwo uwo mukobwa ahita abwira buri umwe wese unzi ko namutwariye umugabo! Murumva urugamba narwanye ntirwanyoroheye kuba mbana nawe mu gipangu agakundana n’umuntu nakunze ubwanjye nkanabimwibwirira byari umusaraba ukomeye!

Nakomeje kwihagararaho biranga pe! Nyuma y’ukwezi bibaye uwo muhungu yarampamagaye arambwira ngo ashaka ko duhura tukaganira! Ndemera turahura turaganira ambwira ko impamvu yabikoze ko ntamahitamo yari afite ngo byabaye nkaho ari ijuru ryamugwiriye ambwira ko akinkunda arampendahenda ngo mubabarire mbanza kwihagararaho namwe murabyumva! Kandi nanjye nari nkimukunda!

Bigezaho ndamubabarira tuva aho twiyemeje ko agiye kunkunda njyenyine!! Byabaye intambara ndende ariko byageze aho tubigeraho ubu ntacyadutanya umugani wa The ben! Ndamukunda ku buryo numva nanamwitangira.

Gusa ntiturabana ariko turabiteganya mu kwezi kwa Gatanu k’uyu mwaka!!
Icyo nabwira abakobwa niba ukunze umuhungu ntukitinye jya umubwira usize ubwoba kandi witeguye kwakira ikiravamo cyose!!
Urukundo nink’intambara kdi ukunda nink’umusirikari wibuke ko n’akuka ka nyuma umusirikari agakoresha kandi agatsinda urugamba!!
Ntugacike intege.


Kwamamaza

Kwamamaza

Izindi nkuru wasoma

Inkuru ziheruka - Love Stories Competition

URUGEMWE RW’IMANA
12/02/16 - 04:13
MON ELDORADO
11/02/16 - 07:50
WANTOJE KUBA UMUGABO
11/02/16 - 07:30
NARAROSE
11/02/16 - 06:00
NTAWAZIMYA URWO ATACANYE
11/02/16 - 05:00
EMERA NKOMORE IBIGUMA
11/02/16 - 04:32
Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza