UNKUYE MU GISATE CY’INGUNGURU

Yanditswe na
Kuya 11 Gashyantare 2016 saa 04:02
Yasuwe :
0 0

Umunsi nkuyu isaha nkiyi,ijuru ryishimye ,inyenyeri zicanira imitima y’urukundo urw’urwijiji ruta icura burindi , umucyo utama hose aho niho umwezi wavomye mu iriba ry’imitima urukundo ruzira amakemwa.”Burya inshuti yagusiga uwo muzabana kandi burya ngo ubaha buri wese kuko utazi uko bizagenda aho ni havuye”urukundo ruzima ruzira amakemwa”.

Banyita Gicari izina ryo mu buto nkazabibwira neza izina banyise maze gukura. Njye ibyo gukundana nari narabivuyemo kubera impamvu nyinshi z’ubuzima zitandukanye sinigeze nifuza umuntu twakundana ambeshya cyangwa antesha igihe,uzi gukundana n’umuntu uri kure uzi ngo naza ari wowe muzarushingana yaza akarongora undi?mwarakundanye mukiri bato ? ibyo byambayeho mpitamo kubivamo bimpa isomo ryo kugenda bucye bucye mu bintu.

Burya umuntu ahura n’ibigeragezo ariko bikazahimwa n’umunsi nyawo. Aho nafashe gahunda yo kwirwanira ishyaka ntawe gishishe inama njya muri Universite ndavuga nti reka ntige mparanire ikizaneza imbere mu gihe kirimbere umukunzi ntaza azaze nataza azarorere ndiyakira muri macye.

Bavandimwe,urukundo ngiye kubabwira si urw’iki gihe rushingira kuri byinshi ahubwo ni “Urukundo Nyarukundo” Urukundo nti rwihishira ,ntirubeshya,ntiruryarya. Urukundo nyarwo ni uruvuga ibintu uko biri.

Njye nahuye n’umukunzi wanjye Jacques mu kwa gatandatu 2011 ku isaha nkiyi mu gihe cya saa sita muri pause,ubwo njye rwose naringiye gukina agapira kuko nkunda sport cyane mwibuke ko nari narabivuyemo muri njye narinsigaye ncungana no kugira amakenga kugirango nazongera gukomereka nta rimwe.Umugabo witwa Vincent yanzaniye ubutumwa ansanga mu kazi bazanye akaba yari inshuti ye kandi najye Vincent we yari ishuti isanzwe nk’umuvandimwe muri macye.

Vincent yabaye nk’umuryango winjiriramo igisubizo kikaboneka kuko mukuzana na Jacques yagumye amubaza ati uriya mukobwa yakwemera ko twibera inshuti undi ati:" nsinzi twazareba uburyo twamubaza " ibyo bintu nuko baragarukana Jacques arambaza ati: “Mwanyemerera ko tuba inshuti”.Njye: ndamubwira nti yego.Mu byukuri nari nafashweho bidasanzwe aho ni ho havuye gukundana.

Urukundo rwacu rwaranzwe na gahunda imwe yo kubonana rimwe mu cyumweru tukaganirira muri restaurant buri uwa gatanu saa sita mu gihe cya pause nkajya muri sport,ibindi twakoreshaga ni telefone tukohererezanya message ntitwaryamaga tutavuganye cyangwa tutohererezanyije message mu mitoma idasanzwe imwe muri yo mitoma namwandikiye harimo ngo” Mugabo nkunda sinjye uzarota ndamye mu gituza cyawe nk’i cy’abraham kandi ubwo urumva ko nzaba nabaye sara urya wo muri bibiliya.

Ndogera ndamubwira nti uribuke kandi ko urukundo ari:” umurima w’indabo ukenerwa kuvomererwa kenshi uramenye ntuzibagirwe ngo uryame uta utanyoherereje ka message ka mbikira nijoro mbere yuko sinzira”.Jacques ati:" ndabyumva mukobwa mwiza nzarwuhirira nduvomere uko bikwiye haba mu gihe cyo mucyi cyangwa mu itumba , mu mpeshyi cyangwa mu urugaryi ndetse no mwitumba nzabikora nshuti yanjye".

Mu byukuri sinarinzi ko tuzakundana bikagera kure kuko igihe cyose twahuraga namubwiraga ko nshaka ko twavugana vuba nkajya muri sport nagirango ndebe ko gahunda y’urukundo ifashe kandi ndebe ko atari ikirara .Ndabamenyesha ko twembi ntawigeze yica gahunda yo kubonana mu gihe cy’imyaka ibiri kandi twari twarasezeranye kudahurira mu rugo iwabo cyangwa iwacu .

Icyari kigamijwe twashakaga urukundo rwuzuye ruzira amafuti,tururinda n’abandi batuvangira muri byinshi bidasobanutse by’iki gihe kandi mwibuke ko twembi twari dufite ibikomere byibyo twahuye nabyo byinshi,ubwo njye nari mfite akazi we yari umushomeri buri buri nta kazi namumenye amaze kugwa mu gihombo gikomeye kuko yikoreraga aza kurwara igihe kirekire uwo bakundanaga abonye ukuntu aguye mu matsa ahita ashaka undi, akora ubukwe n’undi huti huti,

Mwitondere abantu bisi ujya mu bibazo bakakuvaho ariko burya uwakuremye ntakuvaho.

Umukunzi wanjye ntiyigeze abimpisha akaga yahuye nako kuko n’imodoka yaratunze atamenye irengero ryayo igihe yari arwaye n’inshuri yigaga muri SFB rirahagarara ageze muri licence ya mbere , abo yagurije amafaranga baramwambura banga kumwishyura ibyo arabintekerereza aranyibwira wese ntacyo anyinze.Tumarana imyaka ibiri dukundana duhurira hahandi.Igihe kiragera nuko umukunzi wanjye arambaza ati :” Ese ko nshaka ko twafata gahunda yo kubana” ndamubwira nti:” reka tuzabiganire ubutaha twumve icyashoboka” Jacques ati:" ko nakwibwiye wese ukaba unzi wese uzanyemera”?

Njye mu by’ukuri mu mutima nari naramaze kumwemera ahubwo nvuga ngo reka mbanze mbisengera natinyaga kuba ntahubuka nkahitamo nabi. Ndamubwira nti : "Gahunda nzayikubwira vendredi itaha niduhura",ubwo vendredi iragera Jacques ati :”ko nifuza ko tubana waranyemeye”? Ndamubwira nti yego naremeye.

Duhana gahunda y’igihe tuzapanga iby’ubukwe byose,tuvuga ko vendredi yindi tuzapanga gahunda ihamye itegura ubukwe.Nuko vendredi igeze turayikora arambwira ati:” Mukobwa nkunda umvanye mu gisate cy’ingunguru"nuko dukora ubukwe. Wari uzi ko udashobora gukora ubukwe bamwe mu muryango cyangwa inshuti za bugufi batakubjije ngo umugabo wawe akora he? akora iki? yize he? Icyo gihe abambazaga nabasubizaga gutya nti: arikorera yize he ?SFB kuko ibanga ry’urugo ritangira kare iyo uzi ubwenge ntuvuga byose ,dupanga ubukwe buraba 06/06/2013 umunsi utazibagirana mu mateka yacu twembi nuko mu gihe cy’amezi atatu tubana nk’umugabo n’umugore .

Yabonye akazi ,buriya Imana ntikoza isoni ,iyo ugize ibanga Imana irarikugirira ikanakubahisha.Ubwo mu ruhande rwanjye nanjye uwiteka yarimo ankorera ibikomeye mu gihe cy’umwaka “nari nazamuwe mu ntera mu kazi.Nagerageje gukora neza kandi cyane kugirango hatazagira umuntu ucishamo ijisho kuko numvaga hari ikintu kikibura ntazi neza mu rugo rwacu mfata ingamba yo gukora cyane.

Urukundo nyarukundo rureba umutima, ubundi ibisigaye n’imigisha byongerwa n’Imana iyo wizera,iryo banga rizwi nabacye.Mwibuke ko ni inyoni zo mu kirere zirya kandi zidahinga hari imirima se muzi zifite aho hejuru yo gihera? njye nari namubonyemo ibyo nasabye Imana k’umugabo nifuzaga umugabo ukunda Imana ,uvuga macye nka Data umbyara,ureba kure ufite ubushishozi,uca bugufi kandi ugendera mu kuri kandi uzi guhitamo inshuti nziza, kuburyo no mwishyamba ryinzitane mwahacana.

Nabonaga inzira avuyemo zaramwigishije byinshi kuburyo tutagorana mu mibereho yacu cyangwa m’ubuzima.

Twagumye gukundana benshi batwibazaho na nubu turakitana cheri twavugaga icyo gihe iryo zina ntiryigeze rizima mu rugo rwacu ngo rihinduka ntidutinya kurivuga niyo haba muri Public.

Tumaranye imyaka irenze itatu kandi nta rushyi ndakubitwa kuko naramubwiye nti cheri rero aha umbona ntinya ibintu bibiri ati n’ibiki udakunda ? Inzara no gukubitwa ndamubwira nti numva ngo abagore bakubitwa n’abagabo babo cyangwa abagore nabo bagakubita abagabo babo ndamubwira nti nzirinda uko nshoboye two kuzavugana nabi nti kandi nibiba tuge tubikemura bitarabyara ibibazo.

Nzakora,ukore twirinde icyuho cyangwa inzara mu rugo rwacu. Jacques ati:” Ko ntakunda agakungu”? nti yego nzakakurinda ati uzamenye ubwenge kandi ugire amakenga kuko dutangiye ishuri rishya kandi ritarangira ntirigira iherezo kuko tuzahuriramo nabyinshi ibyiza ndetse n’ibibi birasaba kuzaba intwari muri iyo nzira y’ubuzima bwacu.


Kwamamaza

Kwamamaza

Izindi nkuru wasoma

Inkuru ziheruka - Love Stories Competition

URUGEMWE RW’IMANA
12/02/16 - 04:13
MON ELDORADO
11/02/16 - 07:50
WANTOJE KUBA UMUGABO
11/02/16 - 07:30
NARAROSE
11/02/16 - 06:00
NTAWAZIMYA URWO ATACANYE
11/02/16 - 05:00
EMERA NKOMORE IBIGUMA
11/02/16 - 04:32
Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza