URUGEMWE RW’IMANA

Yanditswe na
Kuya 12 Gashyantare 2016 saa 04:13
Yasuwe :
0 0

Nari ntuye i Nyagatare aho narerwaga na marume kuko nari imfubyi ya genocide, twacaga incuro tugataha munzu ntoya bishoboka.Gusa nakuze nfite ubwenge budasanzwe nemezako bwatumye ngira urukundo rudahemuka natuje mu mutima wanjye.

Byari mwitangira ry’amashuri,nari nfite udufaranga duke ngiye kw’ishuri,inzara iranyica maze ncika intege negera ku gikuta cy’inzu ndicara.Gusa nari ndembye nifuzaga agatonyanga kamwe.

“Nabonaga ari nk’izuba rimurikiye .iminwa ye yari yuje amagambo y’ihumure,mu maso huje icyizere cyo kurokorwa kwanjye”ndavuga umwari waje ansanga yarandamukije abona nta mbaraga mfite,aranyiyegereza nuko ampa ku mazi yari afite .Ngaruye ubuyanja dutangira ubwo tuganira maze ambaza uwo ndiwe najye ndamwibwira,ndetse mubwiye ko ngiye kw’ishuri,nawe ambwira ko ariho agiye ndetse kigana mu cyerekezo kimwe.

Mbega urukundo ngo ruraryoha!,uko twarebanaga nibagirwaga ibibazo by’umuryango wanjye.Njya gusohoka mu modoka yampaye agafoto,nanjye muha impano yishimiye cyane ndetse akarira.

Mu biruhuko naramusuye nsangayo mama we mubajije papa we yuzura ishavu andyama mu gituza ararira niko kumuhoza ndetse mubwira ko agafoto yampaye kukareba bituma nkomera nawe ambwira ko agakufi namwambitse gatuma mba urukundo rwe rwa mbere maze turaturika turaseka.

Twese twabonye kaminuza,niga amategeko we yiga ubuganga .Gusa numvaga ngomba kuzihorera rwose ku bangize imfubyi.

Umunsi umwe ndabyibuka namusabye kunsura.N’ubwa kabiri umucyo utaha ku mutima wanjye mbona Kaliza wongeye kuza ansanga.kubw’imbaraga z’urukundo naramusomye kandi yarishimye ndabibona.

Twicaye mu nzu marume amusaba kumwibwira Kaliza yaramwibwiye ko iwabo ari i Kigali ariko babanje gutura I Gatsibo,yagumye amubwira ageze ku mazina ya se ko ari Rutikanga mbona Marume arijimye maze twese turarebana .

Marume yikojeje hanze yegura ikibando niko kutwirukankana maze natwe turahunga.Njye n’uwo nkunda twaraye ijoro ryose gusa kubw’urukundo inyenyeri n’ukwezi byaraye bitubyinira naho ibikoko by’ijoro birara bituririmbira.

Iryo joro nibwo Kaliza yambwiye ko se afungiwe genocide mpita nsobanukirwa impamvu marume yatwirukankanye,kuri twe iryo joro ryatubereye icyigisho cy’uko turi abere ku byaha by’ababyeyi bacu maze twumvikana kuba abahuza babo biciye mu rukundo rwacu.

Nyuma yo kuba umunyamategeko Kaliza akaba umuganga,naje kubona akazi ko kuburanira umunyemari witwa “Albert”,gusa twiga urubanza yambwiye ko ibyaha byose abyemera gusa agasaba imbabazi;naramuburaniye nuko bamukatira ibyaha bitanu bihura ko yari ayimaze afunze urukiko rwemeza ko afungurwa.
Albert nasanze ari Rutikanga papa wa Kaliza .Gusa Albert ntiyaranzi.

Njye, Rutikanga na Kaliza ubwo twaganiraga Kaliza yakiriye amakuru y’uko akenewe kwa muganga maze asanga ari marume waguye muri koma amaze kumva ifungurwa rya Rutikanga.

Natwe twerekeza iyo ku bitaro ngo tugereyo Kaliza yaje yiruka aransimbukira arampobera cyane!,aho duhindukiye dutungurwa no kubona Rutikanga apfukamye imbere ya marume,ari kurira amusaba imbabazi kandi avuga cyane.

Njye na Kaliza turaturika turarira nuko mbona marume aramuhagurukije,bamara nk’umunota wose barebana nuko tubona igisa n’igitangaza.
Njye na Kaliza twararize ni ukuri ,tubona abari abanzi bahoberanye,ibyanyazwe byose bigaruzwa!

Guhera ubwo marume yatashye mu nzu nziza y’igiciro,amasambu arahingwa ,imiryango iratunga iratunganirwa bagabira inka n’ibindi byinshi.
Ibyanjye na Kaliza iyo ngiye kubivuga ngira ikiniga kinshi.Ese mvuge urukundo gute? Ko ari iki se?Ese koko ni rwiza?buri wese yasubiza ukwe,gusa Ntwali,Kamaliza,Tetelo ni abana Kaliza yambyariye tukaba tuba ubu mu bufaransa


Kwamamaza

Kwamamaza

Izindi nkuru wasoma

Inkuru ziheruka - Love Stories Competition

MON ELDORADO
11/02/16 - 07:50
WANTOJE KUBA UMUGABO
11/02/16 - 07:30
NARAROSE
11/02/16 - 06:00
NTAWAZIMYA URWO ATACANYE
11/02/16 - 05:00
EMERA NKOMORE IBIGUMA
11/02/16 - 04:32
Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza