Abanyarwanda turi intamenwa

Yanditswe na Augustin Niyitegeka
Kuya 18 Kanama 2017 saa 11:34
Yasuwe :
0 0

Abanyarwanda bateruye ikivi cyo gushyigikira ibyagezweho, twe ubwacu twihitiramo kureba ibitubereye,dukoresha uburenganzira bwacu bwo kwishyiriraho abayobozi, dusaba ko ingingo ya 101 y’Iitegeko Nshinga yazitiraga umukandida twifuza kongera kwiyamamaza.

Iyi nzira Abanyarwanda bahisemo ntiyashimishije bose, abanyamahanga bamwe bakeka ko bakigenera u Rwanda uko rubaho, batangira kubinenga ariko ntibyabaciye intege kugeza ubwo twabigaragazaga muri Referenduma ko umugabo nyawe ukwiye kuyobora u Rwanda, Paul Kagame yakongera kwiyamamaza.

Nubwo abo banyamahanga babonye ko Abanyarwanda bihitiyemo demokarasi ibabereye, bakomeje gutesha agaciro amahitamo yabo. Ibyo byose babikora kuko batareba ukuri kw’ibibera mu gihugu cyacu ahubwo bumva ibyo babwirwa n’abatarwifuriza ibyiza, bihisha inyuma ya za raporo zififitse zinenga u Rwanda.

Nyamara iterambere Abanyarwanda bashaka gukomeza gushyigikira mu cyivi bateruranye na Perezida Kagame, biyibagiza ko ayo mahanga yarebereye ubwo igihugu cyasenywaga muri Jenoside yakorewe Abatutsi mu 1994. Nyuma y’imyaka 23 ahagaritse Jenoside, iterambere ririhuta kuva hasi mu mudugudu, ibikorwaremezo, uburezi kuri bose, ikoranabuhanga ryihuse [ubu gukoresha telefone ni ibya bose], umutekano n’ibindi, ni ikimenyetso ko amahitamo y’Abanyarwanda batashoboraga kuyatsimburwaho nyuma yo kwemererwa n’Umukuru w’Igihugu gukomeza kutuyobora.

Ibi ni byo twagaragaje kuwa 3 no kuwa 4 Kanama 2017, Perezida Kagame yegukana intsinzi y’amajwi 98,79 %, umukandida wigenga Mpayimana Philippe agira 0.73% naho Dr Frank Habineza watanzwe na Green Party acyura 0.48%. Aba batsinzwe na bo bemeye amahitamo y’Abanyarwanda, bahita bemera ko batsinzwe. None bidatinze itariki ya 18 Kanama Perezida ugomba kuyobora u Rwanda kugeza mu 2024 ibaye indi tariki y’amateka yo kurahirira kuruyobora.

Niboneye n’amaso aho nageze hose mu gushyigikira umukandida wa FPR Inkotanyi mu gihe cyo kwiyamamaza uko Abanyarwanda ibihumbi n’ibihumbi bazindukiraga kuza kumushyigikira, bamufitiye ubwuzu n’urukundo ndetse hakagira na bamwe barengwa n’amarangamutima y’ibyihsimo bakarira. Nizeye ko ibyo byose itangazamakuru mpuzamahanga na ryo ryabibonye ko “Twahisemo”.

Uko guhitamo gusubiza bidasubirwaho abatinyuka kunenga amatora yacu yanyuze mu mucyo, akarangira mu mahoro n’ituze ndetse n’indorerezi zakoze akazi kazoo neza zikabibona, zikabishima zikabitangariza isi ubudasa zabonye mu matora y’i Rwanda.

Abagifite imyumvire ko bagomba gutanga amasomo ya demokarasi muri Afurika, bakwiye kumenya ko Kagame yatoje Abanyarwanda kwiha agaciro, bakamenya guhitamo ikibabereye. Aho bataratera iyo ntambwe mu bihugu bitandukanye, amatora akurikirwa n’imvururu.

Guharanira imiyoborere myiza twihitiyemo , umutekano usesuye, imibereho myiza y abaturage n iterambere ryihuta ni inzira twizeye tudashidikanya Perezida Kagame azakomeza kutuyoboramo; Imana imujye imbere n’u Rwanda rwose.

Augustin Niyitegeka ni umunyamuryango wa FPR Inkotanyi wahoze ari Umunyamabanga Mukuru wa PS Imberakuri; akurikiranira hafi iby’amashyaka na demokarasi Automatic word wrap


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza