Gukira bisaba iki? Ese birashoboka?

Yanditswe na Philbert Hagengimana
Kuya 9 Kamena 2015 saa 09:50
Yasuwe : XX
91 55

Ni kenshi abantu bibaza niba hari abantu bavukanye amahirwe yo gukira abandi ntibayavukane. Ibi bakaba biterwa ahanini no kwiyumvisha ko hari inzira abantu baciriwe uhereye bakivuka batabasha kugira icyo bahinduraho bamwe bita “urwandiko” cyangwa “destin” mu ndimi z’amahanga.

Kuvukira mu bukene si ikosa, ikosa ni ukubusaziramo. Itandukaniro riri hagati y’abakire n’abakene si uko hari bamwe baremanywe amahirwe yo gukira, abandi bakaremerwa gukena, ahubwo itandukaniro riri mu myumvire.

Abakire biyumvisha ko gukira bishoboka, kandi koko bakabigeraho. Igitabo "Ubukire mu biganza byawe" cyanditsw emu Kinyarwanda, cyerekana kikanasobanura neza ko gukira bishoboka, kandi amahirwe abakire bafite nawe uyafite, uko waba uri kose.

Kwihutira gukora iby’abakire bakora, ntibyakugira umukire ; ahubwo kugira imyumvire nk’iyabo nibyo byakugira umukire. Gukira si amahirwe ya bamwe, ahubwo ni ubushake.

Ahari ubushake uburyo buraboneka, kandi "Gushaka ni ugushobora". Hari ibintu byinshi watangira gukora bikagukura mu bukene. Fata umwanzuro utangire, kandi kudafata umwanzuro wo gutangira ubwabyo ni amahitamo.

Mu gusoma igitabo "Ubukire mu biganza byawe, usobanukirwa amakosa menshi bamwe bagwamo mu gihe bihangira imirimo, bityo ukaba wayirinda. Unagaragarizwa kandi inzira nyinshi wanyuramo kugira ngo ukore "Business", ubucuruzi bwawe bugatera imbere, n’uko wabasha guhangana n’inzitizi uhura nazo mu bucuruzi bwawe udacits eintege, ahubwo ugakomeza.

Ishusho y’igitabo “Ubukire mu Biganza byawe” cyanditswe na Tangira Ltd

Muri iki gitabo umenyeraho ko gukira bidasaba igishoro gihanitse, kandi ko gukira bitagomba kuba uri umunyamahirwe w’igitangaza, ahubwo bisaba ubushake.

Aba banditsi bagaragaza ko igishoro kitagomba buri gihe kuba gihanitse, ahubwo iyo umuntu asobanukiwe neza n’icyo agomba gukora, ashobora no guhera kuri duke akazigeza kuri byinshi.

Iki gitabo cyanditswe mu Kinyarwanda ngo kigere kandi gifashe benshi, kinashyirwa ku giciro gito (3000 Frw) ngo amikoro atagira uwo abera inzitizi kandi mu by’ukuri ashaka gutera intambwe igana ku bukire mu biganza bye, nk’uko inyito yacyo iri.

Eng Manasseh Musonera umuyobozi wa “Tangira Ltd” yatangarije IGIHE ko mu mahugurwa bamaze gutanga hirya no hino mu byaro cyane cyane mu bakorana na za SACCO ku mirenge, bashimye uburyo abakurikiye amasomo n’impanuro bahawe bakomeje gutera imbere mu buryo bwihuse.

Yongeyeho ko badatanga amahugurwa gusa cyangwa ngo bahe umuntu igitabo birangirire aho, ko ahubwo banafasha ababikeneye gukora imishinga (Business plan) ijyanye n’ibisabwa mu mabanki ngo ibe yaterwa inkunga.

Avuga kuri iki gitabo : “Ubukire mu biganza byawe”, umwe muri ba Rwiyemezamirimo bakomeye mu Rwanda Professeur Dr Rwigamba Balinda yagize ati: “Ni igitekerezo cy’inyamibwa kuko kwihangira imirimo ari cyo gisubizo cy’iterambere igihugu gikeneye”.

Amwe mu masomo atangwa muri iki gitabo harimo gukuraho urujijo ku bibwira ko hakira gusa uwavukiye mu muryango ukungahaye, bagasobanura icyo gukira bisaba, uko umuntu yatangira ubucuruzi, uko yakwirinda kugushwa n’abamuca intege, uburyo yabonamo igishoro, uko yateza imbere ubucuruzi bwe, n’ibindi byinshi binyuranye.

Akomeza avuga ko intego bafite ari uko nibura bahugura Abanyarwanda benshi bashoboka ku bijyanye no kwihangira imirimo no gukora ubucuruzi ku buryo nibura buri mwaka Abanyarwanda ibihumbi Magana abiri bajya bagira ubumenyi buhagije bwatuma batinyuka gutangira kwikorera bagamije gusezerera ubukene.

NTWALI John Williams
[email protected]


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE