Kwamamaza

Kugira umutagatifu w’Umunyarwanda byari mu byifuzo bya Papa Yohani Pawulo wa II

Yanditswe kuya 17-09-2015 saa 08:53' na IGIHE


Ubwanditsi: Ashingiye ku byatangajwe na Kiliziya Gatulika mu Rwanda ko hagiye gukorwa iperereza ku muryango wa Rugamba Sipiriyani, we n’umugore we bakaba bashyirwa mu batagatifu, umusomyi wa IGIHE, Steven Mutangana yifuje kugira icyo abivugaho.

Kuri we asanga iyi ntambwe itangiye, yarahoze ari icyifuzo cya Papa Yohani Pawulo wa II wigeze no kugera mu Rwanda mu mwaka wa 1990.

Mu gitekerezo cye, aterura agira ati: Kugira umutagatifu w’Umunyarwanda byari mu byifuzo bya Papa Yohani Pawulo II

Kuwa Gatanu tariki ya 18 Nzeli 2015, hari umuhango wo gutangiza urubanza rwo gushyira Mukansanga Daphrose na Cyprien ‪Rugamba‬ mu bahire. Uwo muhango (procès de béatification) uzabera kuri Katederali ya Mutagatifu Mikayile i ‪Kigali‬.

Nkimara kubona itangazo kuri iyi gahunda igiye kuba bwa mbere mu Rwanda, nibutse ko ibi byari mu byifuzo Papa Yohani Pawulo wa II (ubu nawe ari mu rwego rw’abatagatifu), yagaragaje ubwo yageraga mu Rwanda muri 1990.

Mu kiganiro yagiranye n’abakozi, kuri stade ya Nyamirambo, i Kigali kuwa 08 Nzeli 1990, Papa Yohani Pawulo wa II yabajijwe ibibazo binyuranye birimo n’icyo kuzagira abatagatifu b’Abanyarwanda. Kuri icyo kibazo yasubije agira ati : « C’est mon désir, mon grand désir. Non seulement un désir, mais aussi mon espérance. »

Ugenekereje mu Kinyarwanda, bisobanuye ko ’Ni icyifuzo cyanjye, ni icyifuzo gikomeye. Si icyifuzo gusa ahubwo ndanabyizera’.

Icyo gihe yakomeje asobanura ko nta mwihariko mu gushyirwa mu bahire no mu batagatifu, ati "Il n’y a pas de monopole de béatification, de canonisation…".

Yagaragaje ko icyifuzo afite ku mutima ari icyo kuzashyira mu bahire cyangwa mu batagatifu abagize umuryango w’abashakanye (couple). Yongeraho ko icyo yifuriza Abanyarwanda ari uko uwo muryango wazaba ari uwo mu Rwanda.

Ati "kandi bizabe vuba " (…je dois vous souhaiter que ces couples canonisés viennent du Rwanda. Et ce serait le plus vite possible…)

Icyo cyifuzo umushumba wa Kiliziya gatulika yagaragaje, kirasa n’igitangiye inzira yo gushyirwa mu bikorwa.

Mukansanga Daphrose n’umugabo we Cyprien ‪Rugamba‬ bishwe muri Jenoside yakorewe Abatutsi muri Mata 1994.

Umuryango wa Rugamba ufite ubuhamya budasanzwe mu bakirisitu no mu baturage muri rusange. Ubwo buhamya bukwiye kuzafasha n’abo mu rwego rushinzwe iby’Intwari bakazagira urwego bashyiramo Rugamba Sipiriyani.

Ibikubiye muri iyi nyandiko ni ibitekerezo bwite bya Steven Mutangana, Umusomyi wa IGIHE

Mukansanga Daphrose na Rugamba Cyprien

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Tuesday 4 Ukwakira 2016
Copyright © 2009 -2014 - IGIHE Ltd - All Rights Reserved