Abarambye mu kazi k’amahoteli ariko batarabyize bagiye guhabwa ibyemezo

Abarambye mu kazi k’amahoteli ariko batarabyize bagiye guhabwa ibyemezo


Yanditswe kuya 17-11-2012 - Saa 18:10' na Abdou Nyampeta

Bikunze kuvugwa ko hari abakozi bafite uburambe mu kazi ko mu mahoteli nyamara bataranyuze mu mashuri yigisha iby’amahoteli n’ubukerarugendo bahura n’ingorane ku murimo kuko iyo badafite icyemezo bafatwa nk’abadafite ubumenyi. Gusa ngo baba bagiye gukemurirwa ikibazo.

Rwigamba Rica, Umuyobozi w’ Ishami ry’Ubukerarugendo no kubungabunga amapariki mu Rwanda, mu kiganiro yagiranye na IGIHE ku wa 16 Ugushyingo mu nama nyunguranabitekerezo yamuhuje n’ abayobozi b’amashuri yigisha ubukerarugendo n’amahoteli, yagize ati ’’ Ni ikibazo twagejeje kuri Minisiteri y’Ubucuruzi n’inganda (MINICOM), yemeye kugishakira umuti vuba kandi urambye.’’

Ku ibazo cy’uko hari abumva ko kujya mu mashuri yigisha ubukerarugendo n’amahoteli ari uko baba babuze ahandi, ibyo bikababera ubuhingiro, Rwigamba abinyomoza agira ati ’’Abibwira ko ari umwuga udasaba ubumenyi bwinshi baribeshya, ahubwo bisaba ubwenge no kumenya indimi nyinshi; kumenya imiterere y’igihugu no kuba ujijutse kuko uhura n’abantu baturuka impande zose z’Isi.’’

Akomeza avuga ko hatangiye gahunda yo gukangurira ababyeyi n’urubyiruko guha agaciro uwo murimo kuko ari uw’icyubahiro.

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO