Abadipolomate bakorera mu Rwanda banyuzwe na Siporo ya Kayaking mu Kivu (Amafoto)

Yanditswe na IGIHE
Kuya 19 Gicurasi 2019 saa 09:20
Yasuwe :
0 0

Abadipolomate bakorera mu Rwanda bari mu rugendo rwo gusura no kumenya ibice bitandukanye by’igihugu babamo, bagize ibihe byiza ubwo bari mu Karere ka Rubavu ku Kiyaga cya Kivu aho bakoreye siporo zitandukanye zirimo Kayaking, gutwara igare ndetse banishimisha bagenda mu bwato.

Uru rugendo rugamije kubaha amahirwe yo kumenya ibyiza bitandukanye bitatse u Rwanda binyuze mu gusobanurirwa no kubyirebera ubwabo kugira ngo bazamure ubumenyi bwabo.

Uyu mwaka uru rugendo rwo kureba ibyiza nyaburanga rwakorewe mu Ntara y’Uburengerazuba bw’Igihugu no mu Majyaruguru kuva ku wa 17 kugera ku wa 19 Gicurasi 2019, rwibanda ku rusobe rw’ibinyabuzima, kurengera ibidukikije n’ubukerarugendo.

Mbere yo kugera i Rubavu ku Kivu, iri tsinda ryahagurutse i Kigali ku wa Gatanu ryerekeza mu Ntara y’Uburengerazuba aho ryasuye Pariki Nyungwe. ikiraro cyo mu Kirere cyo muri iri shyamba ‘Canopy Walk’ n’isumo rya Kamiranzovu.

Mu bikorwa bakoze i Rubavu, harimo siporo ya Kayaking. Ni umukino ukinirwa mu mazi, hakoreshejwe ubwato buto bugendamo umuntu umwe agakoresha ingashya ifite impande ebyiri, agenda asimburanya iburyo n’ibumoso.

Ibyo wamenya kuri Kayaking: Kayaking, umukino mushya wo mu mazi mu Rwanda, ukina n’iyo waba utazi koga

Ambasaderi w'u Bwongereza mu Rwanda, Jo Lomas, ari kumwe na mugenzi we wa Suède, Jenny Ohlsson bagaragazaga akanyamuneza ku maso
Ambasaderi wa Leta Zunze Ubumwe za Amerika mu Rwanda, Peter Vrooman, yitegura kwinjira mu mazi
Ambasaderi Peter Vrooman agashya iburyo n'ibumoso muri uyu mukino wa Kayaking
Siporo y'igare ni umwe mu mikino isigaye yitabirwa cyane mu Rwanda
Ambasaderi wa Israel mu Rwanda, Ron Adam, anyonga igare
Babonye umwanya wo kwitegereza neza ibyiza bitatse u Rwanda
Ibihe nk'ibi umuntu aba agomba gufata amafoto y'urwibutso

Amafoto: Minaffet


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza