Louis Van Gaal wahoze atoza Manchester United yageze mu Rwanda

Yanditswe na IGIHE
Kuya 5 Nzeri 2019 saa 08:52
Yasuwe :
0 0

Uwahoze ari umutoza wa Manchester United, Louis van Gaal yageze mu Rwanda aho ategerejwe mu muhango ukomeye wo Kwita Izina abana b’ingagi uzaba kuri uyu wa Gatanu.

Uyu mugabo w’Umuholandi, New Times dukesha iyi nkuru yanditse ko yageze mu Rwanda kuri uyu wa Kabiri.

Van Gaal w’imyaka 68 biteganyijwe ko ari umwe mu banyacyubahiro 25 bazita amazina abana b’ingagi.

Uyu mugabo wabaye icyamamare mu byo gutoza amakipe atandukanye y’umupira w’amaguru afite imidali 20 y’ishimwe yagiye ahabwa ubwo yari agitoza. Muri Werurwe uyu mwaka yatangaje ko asezeye burundu umwuga wo gutoza, agiye mu kiruhuko cy’izabukuru.

Yabaye umutoza w’amakipe nka Ajax, AZ Alkamaar, Barcelona, Bayern Munich na Manchester United. Yatoje ikipe y’u Buholandi akaba yaranayijyanye mu gikombe cy’Isi cyabereye muri Brésil mu 2014.

Mu bikombe bikomeye yatwaye harimo icya UEFA Champions League yatwaye atoza Ajax mu 1995, ibikombe bibiri bya shampiyona yatwaye atoza Barcelona n’icya FA Cup mu 2016 yatwaye atoza Manchester United.

U Rwanda rugiye kwihiza ku nshuro ya 15 ibirori byo kwita izina abana b’ingagi bitegurwa n’Ikigo cy’Igihugu gishinzwe Iterambere (RDB).

Uyu mwaka umuhango uzabera mu Kinigi mu Karere ka Musanze nk’ibisanzwe kuri uyu wa Gatanu tariki 6 Nzeri 2019, ukurikirwe n’igitaramo kizitabirwa n’umuhanzi Ne-Yo wo muri Leta Zunze Ubumwe za Amerika ndetse na Meddy wo mu Rwanda, kizaba tariki 7 Nzeri muri Kigali Arena.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza