Abanyamahanga batuye mu bihugu 3 bya EAC basonewe kuri Visa y’Ubukerarugendo

Yanditswe na Claude
Kuya 23 Ukuboza 2014 saa 11:51
Yasuwe :
0 0

Ibihugu bitatu by’Umuryango wa Afurika y’Uburasirazuba birimo Kenya, u Rwanda na Uganda bihuriye mu Muhora wa Ruguru byemeranyije gusonera abanyamahanga babituyemo mu buryo bwemewe n’amategeko.
Aba banyamahanga bamaze gutura basonewe mu rwego rwo kuborohereza kubona amahirwe y’ubukerarugendo yagutse muri ibi bihugu byiyemeje kwihutisha iterambere ry’akarere.
Amasezerano ku bijyanye n’iri sonerwa ni kimwe mu bigize Itangazo ryashyizweho umukono na Perezida w’u Rwanda Paul Kagame, uwa Uganda (...)

Ibihugu bitatu by’Umuryango wa Afurika y’Uburasirazuba birimo Kenya, u Rwanda na Uganda bihuriye mu Muhora wa Ruguru byemeranyije gusonera abanyamahanga babituyemo mu buryo bwemewe n’amategeko.

Aba banyamahanga bamaze gutura basonewe mu rwego rwo kuborohereza kubona amahirwe y’ubukerarugendo yagutse muri ibi bihugu byiyemeje kwihutisha iterambere ry’akarere.

Amasezerano ku bijyanye n’iri sonerwa ni kimwe mu bigize Itangazo ryashyizweho umukono na Perezida w’u Rwanda Paul Kagame, uwa Uganda Yoweri K. Museveni n’uwa Kenya Uhuru Kenyatta tariki 11 Ukuboza mu nama ya munani y’ibihugu bigize Umuhora wa Ruguru muri EAC, yabereye i Nairobi muri Kenya isuzuma imishinga y’ibikorwa remezo bihuriweho n’u Rwanda, Uganda, Kenya na Sudani y’Epfo.

Ubusanzwe iyi Visa imwe ku bukerarugendo (East Africa Tourist Visa/EATV) igura amadolari ya Amerika 100 mu minsi 90. Bivugwa ko abanyamahanga batuye muri ibi bihugu bakuriweho iki kiguzi guhera tariki 15 Ukuboza 2014.

Perezida U. Kenyatta, Perezida Museveni na Perezida Kagame

Umuyobozi w’Ikigo cyo muri Kenya Gishinzwe ubukerarugendo (KTB), Muriithi Ndegwa,yagaragaje ko ya ari abanyamahanga bahawe gusobanukirwa birambuye ibinyabuzima byo mu mashyamba, imisozi, umuco n’umurage by’akarere ndetse n’ahantu hagezweho ho kuruhukira mu mpera z’icyumweru cyngwa mu biruhuko by’umwaka bakorana n’imiryango yabo.

Umuyobozi ukuriye Ishami ry’Ubukerarugendo mu Kigo cy’Igihugu cyIterambere mu Rwanda (RDB), Amb. Yamina Karitanyi, na we yavuze ko mu masezerano yasinywe hagaragaramo ko ari imwe mu ntambwe zo gukomeza guteza imbere ubukerarugendo bw’akarere.

Amb. Karitanyi yagize ati “Turiyegereza amahanga duhurije hamwe ubukerarugendo buhamye bufite ibyiza bitandukanye binogeye buri wese.”

Yakomeje agaragaza ko gahunda zo guhuza isoko ry’ubukerarugendo mu Muhora wa Ruguru bizajya bikorwa buri mwaka cyane cyane ahabera ibirori mpuzamahanga ku bukerarugendo bikomeye .

Mu bikorwa byo gukomeza kumenyekanisha ubufatanye bw’ibi bihugu, byitezwemo n’ubukangurambaga ku ikoreshwa ry’indangamuntu ku mipaka, amakarita y’ishuri ndetse n’iyi visa ku banyamahanga baza kubisura.

Umwe mu bakozi b’ikigo cya Uganda gishinzwe ubukerarugendo, Stephen Asiimwe, yaize ati “Turashishikariza buri wese kugira uruhare mu gukomeza kumenya no kuvumbura byinshi mu gace kagezweho ka Afurika ku biciro byoroheje. Turasba kandi abikorera gufata aya mahirwe bagatanga serivisi ziri ntamkemwa mu babaha icyashara.”


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza