Ba mukerarugendo bongerewe igihe cya viza mu gusura u Rwanda, Uganda na Kenya

Yanditswe na Shaba
Kuya 30 Kamena 2014 saa 08:25
Yasuwe :
0 0

Abanyamahanga batuye mu bihugu by’u Rwanda, Kenya na Uganda bazajya bahabwa Viza y’Amezi atandatu y’ubukerarugendo; iyo viza ikaba iboneka ku rubuga http://www.visiteastafrica.org/
Viza imwe kuri ba mukerarugendo yatangijwe n’abakuru b’ibihugu by’u Rwanda, Kenya na Uganda mu ntangiriro z’uyu mwaka.
Viza yakoreshwaga muri ibyo bihugu ifite agaciro k’amadorari y’Amerika 100 ikaba yamaraga iminsi 90 ku munyamahanga izaguma ku giciro kimwe ariko igihe kizamuke kigere ku mezi atandatu ku banyamahanga (...)

Abanyamahanga batuye mu bihugu by’u Rwanda, Kenya na Uganda bazajya bahabwa Viza y’Amezi atandatu y’ubukerarugendo; iyo viza ikaba iboneka ku rubuga http://www.visiteastafrica.org/

Viza imwe kuri ba mukerarugendo yatangijwe n’abakuru b’ibihugu by’u Rwanda, Kenya na Uganda mu ntangiriro z’uyu mwaka.

Viza yakoreshwaga muri ibyo bihugu ifite agaciro k’amadorari y’Amerika 100 ikaba yamaraga iminsi 90 ku munyamahanga izaguma ku giciro kimwe ariko igihe kizamuke kigere ku mezi atandatu ku banyamahanga baherereye muri kimwe muri ibyo bihugu.

Umuyobozi ushinzwe ishami ry’ubukerarugendo muri Kenya, Muriithi Ndegwa avuga ko ibi bizatuma abanyamahanga baherereye muri ibi bihugu bashobora gutembera ndetse bakanagura (kwagura) ingendo zabo mu bihugu bigize umuhora wa ruguru.

Umuyobozi ushinzwe ishami ry’ubukerarugendo no kubungabunga ibidukikije mu Kigo cy’Igihugu cy’ Iterambere (RDB) Yamina Karitanyi agira ati: “Icyo ibi bivuga ni uko umunyamahanga wese ufite Viza yo mu karere ijyanye n’ubukerarugendo azatembera nta nkomyi ajya cyangwa ava muri kimwe mu bihugu atiriwe yishyuzwa andi mafaranga mu gihe cy’amezi atandatu. Ibi bizabafasha kubona igihe gihagije cyo gusura ahantu nyaburanga muri kimwe cyangwa hose muri ibi bihugu. Aya ni amahirwe meza ku masosiyete yacu y’ubukerarugendo mu gutanga serivisi nziza no gutegura ingendo zijya mu bihugu byose uko ari bitatu.”

Umuyobozi ushinzwe ubukerarugendo muri Uganda, Stephen Asiimwe avuga ko iri ari iterambere rihambaye ry’ubukerarugendo mu karere riturutse ku bufatanye.

Akomeza avuga ko kandi ibi bisobanura ko hagomba kubaho kwiyongera mu bucuruzi bw’amahoteri, inzira z’indege, amasosiyete atwara ba mukerarugendo, serivisi inoze n’imirimo ku benegihugu.

Avuga kandi ko abanyamahanga bazabasha kwibonera ku byiza by’urusobe rw’ibinyabuzima, amateka, umuco n’umurage ugaragara mu karere.

Iyi viza izongeera ibikorwa bikurura ba mukerarugendo mu karere kandi n’umubare wabo uziyongera.

Guhera muri Mutarama kugeza muri Werurwe uyu mwaka, u Rwanda rwabonye ba mukerarugendo ibihumbi 305,752 binjije amadorari y’Amerika miliyoni 75.1 ugereranije na ba mukerarugendo ibihumbi 291,418 binjije agera kuri miliyoni 71.5 z’amadorari y’Amerika umwaka ushize bikaba bivuze ko hiyongereyeho 5%.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza