Bugesera: Hoteli izatwara akayabo k’amafaranga arenga miliyari 15 igiye kuzura

Yanditswe na

Mathias Hitimana

Kuya 9 Mutarama 2015 saa 11:48
Yasuwe :
0 0

La Palisse Hotel-Nyamata, ni imwe mu mahoteli akomeye mu Rwanda igiye kuzura mu Murenge wa Nyamata mu Karere ka Bugesera; biteganyijwe ko izatangira gukora muri Mata muri uyu mwaka wa 2015.
Imirimo yo kubaka iyi hoteli nyirayo ahamya ko izarangira itwaye amafaranga y’u Rwanda arenga miliyari 15 igeze kure, kandi Izaba iri ku rwego rwa hoteli y’inyenyeri enye.
Mu kiganiro na IGIHE, Mukezangabo Augustin nyiri Hoteli La Palisse, yatangaje ko iyi hoteli yatangiye kubakwa muri Mutarama 2010 (...)

La Palisse Hotel-Nyamata, ni imwe mu mahoteli akomeye mu Rwanda igiye kuzura mu Murenge wa Nyamata mu Karere ka Bugesera; biteganyijwe ko izatangira gukora muri Mata muri uyu mwaka wa 2015.

Imirimo yo kubaka iyi hoteli nyirayo ahamya ko izarangira itwaye amafaranga y’u Rwanda arenga miliyari 15 igeze kure, kandi Izaba iri ku rwego rwa hoteli y’inyenyeri enye.

Mu kiganiro na IGIHE, Mukezangabo Augustin nyiri Hoteli La Palisse, yatangaje ko iyi hoteli yatangiye kubakwa muri Mutarama 2010 izatangira gukora muri Gashyantare ihugura abakozi bayo (Soft opening ), muri Mata 2014 itangire imirimo yayo neza.

Uyu mushoramari uzobereye mu by’amahoteli yabwiye IGIHE ko umusanzu La Palisse Hotel- Nyamata izazanye mu rwego rw’amahoteli mu Rwanda ari ibyumba by’inama bigera ku munani, ikinini kikakira abantu babarirwa muri 500, kandi 350 bakabona ibyumba byo kuryamamo byiza.

Iyi hoteli izaba ifite piscine idasanzwe, yubatse mu kirere, munsi harimo ibindi byumba bikorerwamo indi mirimo.

Mukezangabo ati “Piscine izaba ari iya mbere mu karere k’Afurika y’Iburasirazuba. Ni metero 50 kuri 25. Munsi yayo harimo ibyumba birimo gym, massage, bar n’ibindi.”

Iyi hoteli izaba inafite ibibuga by’imikino byinshi, ibya tennis bine, ibya Volley bibiri, icya Beach Volley kimwe.

Umuyobozi w’Akarere ka Bugesera, Rwagaju Louis, nawe yishimira cyane iri shoramari riteza imbere ubukungu bw’Akarere ayobora, ati “ Iriya hoteli izatanga akazi ku bantu benshi.” Uretse gutanga akazi, Rwagaju avuga ko imisoro izajya itangwa izagira uruhare mu kuzamura ubukungu bw’igihugu.

Uyu mushoramari asanzwe ari nyiri Hotel La Palisse Nyandungu( iri i Kigali) na la Palisse Gashora iri ku kiyaga mu Bugesera.

Urwego rw’amahoteli mu Rwanda ruragenda rukura umunsi ku munsi, uretse uyu Munyarwanda n’abanyamahanga bari kurushoramo imari, aha twavuga nka Marriot Hotel yuzuye mu Mujyi wa Kigali rwagati.

[email protected]


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza