Imiturirwa yitezwe kuzamurwa mu Mujyi wa Kigali 2016 (AMAFOTO)

Yanditswe na

Mpinganzima Yvonne

Kuya 6 Ugushyingo 2015 saa 06:30
Yasuwe :
0 0

Ubuyobozi bw’Umujyi wa Kigali bwahishuriye IGIHE bimwe mu bikiri mu ntumbero zawo; by’umwihariko inzu z’imiturirwa zitezwe kuzamurwa muri Kigali mu mwaka wa 2016.

Izi nzu turi bubagaragarize amafoto yazo n’aho inyubako za zimwe muri zo zizaba ziherereye, ni izamaze guhabwa ibyangombwa byo kubakwa mu Mujyi wa Kigali, aho zimwe zatangiye kubakwa, naho izindi zikaba zizatangira kubakwa mu mwaka utaha wa 2016.

Aha, ubuyobozi bw’Umujyi wa Kigali bwemeza ko ku muntu utazi uyu Mujyi n’utawuherukamo kuva nyuma ya 1994, ubu ahageze yatangarira byinshi mu iterambere ry’Umujyi, by’umwihariko ibikorwa remezo n’ubwo gahunda yo gutunganya Umujyi igikomeje.

Nk’uko Umuyobozi ushinzwe imari n’iterambere ry’ubukungu mu Mujyi wa Kigali yabitangarije IGIHE, nyuma ya Jenoside yakorewe Abatutsi mu 1994, uyu Mujyi wahawe igishushanyo mbonera gica akajagari, bityo Umujyi uravugururwa, urubakwa ndetse urakura mu mpande zose.

Muri uku gukura, Nizeyima Alphonse avuga ko habayeho ubwiyongere bw’abaturage bavuye ku bihumbi 600 mu mwaka wa 2002 bakagera kuri 1.300.000 muri uyu mwaka wa 2015, hubatswe inganda, amashuri, ibitaro n’ibindi, hatibagiranye n’ubukerarugendo bwateye intambwe, dore ko ngo ubu Kigali ibarizwamo ama hotel agera kuri 50, ndetse nyuma ya 1994 akaba ari bwo hubatswe 80% bya kirometero zigera kuri 300 z’imihanda ya kaburimbo Umujyi wa Kigali ufite kuri ubu.

Nizeyima agaragaza ko Kigali iri ku rwego rushimishije, ubwiza bwayo akaba ari nabwo bukura benshi harimo no kwakira inama nyinshi mpuzamahanga, ati "Dukurikije intego tihaye kugera mu mwaka wa 2017 mu gutunganya uyu Mujyi, ubu tuzigeze ku kigereranyo cya 80%."

Amwe mu mafoto y’inzu zitezwe mu Mujyi wa Kigali 2016:

Inkundamahoro iri kubakwa Nyabugogo imbere ya EWSA

COCOMANYA (COOPERATIVE DE COMMERCANTS DU MARCHE DE NYABUGOGO) izubakwa ahahoze isoko rya Nyabugogo

MIG (MUHIMA INNOVATION GROUP) izubakwa ku Muhima, haruguru y’ahahoze isoko rya Nyabugogo

MIC (MUHIMA INVESTMENT COMPANY), ahahoze hakorera Komisiyo y’Uburenganzira bwa muntu, mu Mujyi rwagati, iruhande rwa Chez Venant

CHIC iri ahahoze hakorera ETO Muhima

TROPICAL PLAZA iri kubakwa inyuma yo kwa Rubangura

ACACIA iri kubakwa ahahoze hakorera ORTPN mu Mujyi, imbere ya Grand pension plaza

SORAS iri kubakwa imbere ya St Michel

ONOMO HOTEL iri kubakwa ahahoze hitwa mu Kiyovu cy’abakene, iruhande rw’inzu za RSSB

RURA izubakwa ahahoze i Kiyovu cy’abakene

KIMICANGA ENTERTAINMENT CENTER izubakwa Kimicanga

KIGALI HEIGHTS DEVELOPMENT iri kubakwa ahahoze iposita Kacyiru

KBC (Kigali Business Center) iri kubakwa Kacyiru ahasanzwe KBC inyuma yaho neza

BMC (BIOMEDICAL CENTER) mu Kiyovu cy’abakene

COGEBANQUE iri kubakwa imbere y’aho radio rwanda yakoreraga

Amarembo

i&M Bank

Prime Excellence

Albert Supply


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza