Kenya yatwitse toni 15 z’amahembe y’inzovu yambuwe ba rushimusi

Yanditswe na

Cyprien Niyomwungeri

Kuya 4 Werurwe 2015 saa 07:15
Yasuwe :
0 0

Leta ya Kenya yatwitse toni 15 z’amahembe y’inzovu kugirango ice intege ubucuruzi bwayo mu gikorwa cyo kwizihiza Umunsi Mpuzamahanga wo kurengera Inyamaswa zo mu Ishyamba ku wa kabiri.

Muri uwo muhango wabereye muri Pariki y’Igihugu ya Nairobi, Perezida Uhuru Kenyatta yavuze ko hashize imyaka 25 icuruzwa ry’amahembe y’inzovu rihagaritswe, bigatuma inzovu za Afurika zirushaho kwibasirwa.

Mbere yo gutwika amahembe y’inzovu na peteroli, Perezida Kenyatta yavuze ko ubu ari bumwe mu buryo bwo kurinda inzovu zugarijwe cyane nabazica, asaba Afurika yose guhangana n’umuvuduko w’ingaruka zituruka ku ibura ry’inyamaswa.

Ati’’Turashaka ko Abanyakenya, Abanyafurika n’Isi yose muri rusange bazishimira ubwiza bw’izi nzovu mu gihe kizaza. Abazishimuta n’ababafasha nta jambo bagifite’’.

Ishyirahamwe rirengera inyamaswa ryo mu Bwongereza ryitwa Save The Elephants, mu mwka ushize ryatangaje ko inzovu ibihumbi ijana zishwe muri Afurika hagati y’imyaka ya 2010 na 2012.

Ryagaragaje ko mu mwaka wa 2014 ubushimusi bwari bwaragabanutse ku buryo bugaragara, hagashimutwe inzovu 164, mu gihe mu 2013 hashimuswe 302.

Iri shyirahamwe rigaragaza ko kuva mu 2010 igiciro cy’amahembe y’inzovu cyikubye gatatu mu Bushinwa , ibi byatumye iki gihugu gihagarikwa kugura amahembe y’inzovu kuko iki giciro kiri hejuru gikurura ba rushimusi b’inzovu.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza