Rubavu: Hagaragajwe byinshi ku gishushanyo cy’ubukerarugendo buzakorerwa ku nkengero z’i Kivu

Yanditswe na Rene Anthere Rwanyange
Kuya 21 Nzeri 2013 saa 03:28
Yasuwe :
0 0

Impuguke z’Abadage , Frank Mustaff na Rüdiger Knospe, zamuritse igishushanyo mbonera cy’ubukerarugendo buzazenguruka ikiyaga cyaKivu (Kivu Belt). Iki gishushanyo cyagaragaje ibikorwa byinshi bizakorwa mu turere twa Rusizi, Nyamasheke, Rutsiro, Karongi na Rubavu, bizaba birimo amahoteli, ibibuga by’imyidagaduro, ibya siporo y’amazi bibereye inkengero z’ ikiyaga cya Kivu gifite ubwiza bw’imisozi, ibirwa, inyoni, amazi n’urusobe rwibyiza bitatse u Rwanda.
Rica Rwigamba, Umuyobozi ushinze (...)

Impuguke z’Abadage , Frank Mustaff na Rüdiger Knospe, zamuritse igishushanyo mbonera cy’ubukerarugendo buzazenguruka ikiyaga cyaKivu (Kivu Belt). Iki gishushanyo cyagaragaje ibikorwa byinshi bizakorwa mu turere twa Rusizi, Nyamasheke, Rutsiro, Karongi na Rubavu, bizaba birimo amahoteli, ibibuga by’imyidagaduro, ibya siporo y’amazi bibereye inkengero z’ ikiyaga cya Kivu gifite ubwiza bw’imisozi, ibirwa, inyoni, amazi n’urusobe rwibyiza bitatse u Rwanda.

Rica Rwigamba, Umuyobozi ushinze ubukerarugendo muri RDB, yagarutse kubizitabwaho bindi birimo Congo Nil Trail inzira ihuza utu turere dutanu. Ati “ubukerarugendo bwo gusura Congo Nil Tail buzatezwa imbere, hatezwe imbere inkengero z’ikiyaga cya Kivu, ibikorwa by’uburobyi, hasurwa inganda z’icyayi, iz’ikawa, hanatezwe imbere kugendera ku magare aho n’abakina siporo yo gusiganwa ku magare bajya bakoresha umuhanda uzenguruka utu turere dutanu.”

Akarere ka Rubavu ibizahakorerwa ni inyubako z’amahoteli arimo n’ay’inyenyeri eshanu, ibyambu by’amato, no gutunganya ibirwa bikarimo no kubyaza umusaruro amashyuza, kuko avura indwara zitandukanye zirimo za rubagimpande.

Mu Rutsiro hazabyazwa umusaruro Congo Nil Trail, hubakwa ibikurura ba mukerarugendo, amasoko atandukanye, ahagurirwa icyayi n’ikawa, ubuhinzi bw’icyayi n’ikawa no kugenda ku magare , amahoteli, ibyambu by’amato, ibikorwa byo gutembera mu mazi no koga n’ibindi.

Karangi yo ifite umwihariko wo kuzubakwaho ikibuga cya Golf mpuzakarere , kizatwara miliyoni zirenga 50 z’amadolari ya Amerika, hubakwe hoteli z’inyenyeri eshanu n’enye n’inyubako zindi zijyanye n’icyerekezo cy’iterambere.

Nyamasheke yo izubakwamo hoteli y’inyenyeri eshanu ku Ishara, na ho havugururwe inkombe z’ikiyaga cya Kivu zibereye ubukeraugendo (Kivu Beach), hagashyirwa inyubako i Rusizi, hubakwe n’izindi; hakomeze gutezwa imbere, hanatunganywe ahazakorerwa ubukerarugendo ku Kiyaga cya Gihaya.

Minisitiri w’Umutungo Kamere, Stanislas Kamanzi, yavuze ko bizaba byiza mu gihe bikozwe bitabangamiye ibidukikije. Ati “kubungabunga ibidukikije ntibigomba kubangamirana n’ishoramari, uburyo bwo kubikora ntibube ikibazo, bigomba gukorwa neza bikurikije amategeko.”

Yasobanuye ko ahubakwa ibyambu aba ari ku nkombe, ko byumvikana ko hatabuzwa kuhubaka, gusa inyubako zindi zigomba gukurikiza metero zisabwa.

Ati “kubaka aho amato azajya ntibibujije, inzu ni zo zitajya ku nkombe z’ikivu (Beach), abashoramari bagomba kumenya amategeko ntibabishyire mu bikorwa batabyitayeho. Umuntu ntakwiye gushora amafaranga menshi, bityo ngo ahagarikwe byarangiye, ibintu bigomba gukorwa byarizweho.”

Iki gishushanyo kandi ntikigomba kubangamira gahunda z’uturere dore ko hari utwatangiye ibikorwa bigomba kuzuzanya, bityo bikabafasha no kwesa imihigo baba barahize.

chantal @Igihe.com


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza