Gisa wabumbye Kigali Convention Centre yaciye agahigo ko kuba umuntu muto wise ingagi izina (Video)

Yanditswe na Rabbi Malo Umucunguzi
Kuya 1 Nzeri 2017 saa 01:27
Yasuwe :
0 0

Gisa Gakwisi w’imyaka 13 uheruka kumenyekana nyuma yo kubaka Kigali Convention Centre yifashishije ibumba, kuri uyu wa Gatanu yatangajwe nk’umwana muto ubashije kwita ingagi izina, mu muhango ngarukamwaka wabereye mu karere ka Musanze, aho ingagi yise izina yayihaye iry’ Urungano.

Muri Nyakanga nibwo byabaye ibyishimo bikomeye kuri Gisa Gakwisi Didier w’imyaka 13 utuye mu murenge wa Kimihurura mu mujyi wa Kigali, yazengurutswaga inyubako ya Kigali Convention Centre (KCC) agenda yinjira mu cyumba ajya mu kindi, inyubako amaze imyaka arebera inyuma gusa atarabasha kuyikandagiramo.

Ni inzozi yakabije nyuma y’ifoto yakwirakwiye ku mbuga nkoranyambaga muri Kamena uyu mwaka, igaragaza umwana w’umuhungu yicaye iruhande rw’ikibumbano cye kiri mu isura y’inyubako ya KCC yuzuye itwaye miliyoni 300 z’amadolari ya Amerika, maze ubuyobozi bw’iyo nyubako bwiyemeza kumenya uwo ariwe, ngo bumufashe kuzagera kure mu bugeni.

Kuri uyu wa Gatanu, Gakwisi yahagurukijwe hamwe n’abandi bayobozi bakomeye, ngo atange izina, maze bishimangirwa ko ariwe muntu ukiri muto cyane ugiye guha ingagi.

Yahawe umwanya ngo avuge maze abwira ibihumbi by’abaturage mu karere ka Musanze ati “Murakoze kumpa ijambo, nkaba nitwa Gisa Gakwisi, ndi mu munyeshuri wiga GS Rugando. Icyatumye nza habo ni uko banyishimiye cyane, nubatse Convention Center nkaba nishimiye kwita ingagi izina. Ingagi ngiye kwita izina ikomoka mu muryango witwa Musirikare, mama wayo yitwa Rugira. Yavutse kuwa 23 Kamena 2017, nkaba nahisemo kuyita urungano.”

Nyuma yo gutemberezwa Kigali Convention Centre muri Nyakanga, Umuyobozi Ushinzwe Kumenyekanisha ibikorwa bya Kigali Radisson Blu & Convention Centre, Hanna Moges yabwiye IGIHE ko babonye icyo gihangano bakifuza guhura n’uwagikoze, niko kwifashisha imbuga nkoranyambaga ngo babashe kubona uwo mwana, bakaba bagomba no gutangiza irushanwa ryamwitiriwe.

Inkuru bifitanye isano: Umwana wabumbye Kigali Convention Centre yayitemberejwemo, hanatangazwa irushanwa ryamwitiriwe

Gisa Gakwisi w’imyaka 13 uheruka kumenyekana nyuma yo kubaka Kigali Convention Centre yifashishije ibumba
Gisa Gakwisi wiga mu mashuri abanza na we yise ingagi 'Urungano'

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza