Tembera Pariki ya Nyungwe ifite ishyamba rikuze kurusha ayandi muri Afurika (Amafoto)

Yanditswe na Philbert Girinema
Kuya 7 Ugushyingo 2016 saa 08:06
Yasuwe :
0 0

Itsinda ry’abakerarugendo bo mu gihugu, basuye Pariki y’Igihugu ya Nyungwe kuwa 4-5 Ugushyingo 2016, batemberezwa ibice nyaburanga byayo kugira ngo barusheho gusobanukirwa ibyiza by’igihugu cyabo banabikundishe n’abandi.

Pariki ya Nyungwe ni ishyamba cyimeza ry’inzitane rimaze igihe kirekire muri Afurika nzima, amoko 13 y’inyamaswa zo mu bwoko bw’inguge n’amoko asaga 300 y’inyoni bikurura ba mukerarugendo.

Ni Pariki yabayeho mbere y’izindi mu gihe cyiswe icy’ubutita (ice age) ikize ku runyurane rw’ibimera, ishyamba rigizwe n’amoko arenga 1068 y’ibimera, urwunge rw’ibiti by’indabyo zirimo ubwoko bw’ibito n’iby’inganzamarumbo bya lobelia. Harimo n’ibiti bivamo imiti ya Kinyarwanda.

Iyi pariki ifite umwihariko wo kuba ariho hari amasoko y’inzuzi nini muri Afurika. Harimo isoko y’uruzi rwa Nil mu burasirazuba n’iy’uruzi rwa Congo mu Burengerazuba.

Muri uru rugendo, abakerarugendo banasuye ikiraro cyo mu bushorishori kizwi nka “Nyungwe Canopy Walk Way” kuri ubu gikurura abakerarugendo batari bake, basura isumo rya Kamiranzovu, banasura imirimo y’icyayi.

Ni ku nshuro ya kabiri uru rugendo rubayeho nyuma yo gutangiza ubukangurambaga bwo gushishikariza abenegihugu gusura ibyiza nyaburanga by’iwabo muri gahunda yiswe ‘Tembera u Rwanda’, yatangirijwe mu karere ka Huye.

Belise Kaliza ushinzwe ubukerarugendo muri RDB, avuga ko ubu bukangurambaga bwa Tembera u Rwanda buzatuma abenegihugu bagira umutima wo gukunda iby’iwabo n’umuhate wo gushaka kubimenyaho byinshi, bakabisura.

Ubukangurambaga bwo gutembera u Rwanda buzamara amezi atatu, buzakomeza mu Ukuboza uyu mwaka. Bwitezweho kongera umubare w’Abanyarwanda basura iby’iwabo bakanarushaho kubimenyekanisha.

Amafoto: Mahoro Luqman


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza


Warning: mysqli_query(): (HY000/1194): Table 'spip_jobs' is marked as crashed and should be repaired in /home/lex94/public_html/ecrire/req/mysql.php on line 244