Abishyura bakoresheje MasterCard ya Cogebanque bahawe amahirwe yo gutsindira ibihembo

Yanditswe na IGIHE
Kuya 22 Werurwe 2019 saa 11:23
Yasuwe :
0 0

Abakiliya ba Banki Nyarwanda y’Ubucuruzi, Cogebanque bakoresha amakarita yabo ya MasterCard mu guhaha no kwishyura serivisi zitandukanye bashyiriweho amahirwe yo gutsindira ibihembo bitandukanye.

Ibi bihembo bizatangwa binyuze mu bukangurambaga bwiswe “Ishyura Na Mastercard”, bwatangijwe ku wa 13 Werurwe 2019 na Cogebanque ku bufatanye na Mastercard.

Abakiliya bafite aya mahirwe ni abakoresha amakarita ya Cogebanque akorwa na MasterCard arimo Credit, Debit na Prepaid Card.

Uretse kuba iki gikorwa kigamije gushimira abakiliya b’iyi banki no kwifuriza abashya kunogerwa na serivisi z’iyi banki by’umwihariko bakoresha amakarita yashyiriweho kuborohereza ubuzima, ni n’uburyo bwo gutuma bitabira gukoresha MasterCard mu kwishyura batabanje kubikuza.

Mu gihe cy’ibyumweru bitatu, abahahira mu maguriro arimo Simba Supermarket bakanishyura ibikomoka kuri peteroli kuri sitasiyo za SP muri Kigali, bakoresheje MasterCard zabo bahawe na Cogebanque bazatsindira ibihembo birimo amatike y’ingendo, mudasobwa, n’ibindi.

Si ibi byiza gusa ariko bikwiye gutuma abakiliya ba Cogebanque bitabira gukoresha amakarita yabo ya MasterCard, kuko uretse kuba atuma bizera umutekano w’amafaranga yabo, anabaha ububasha bwo kuba babikuza ku byuma bya ATM miliyoni 36 biri hirya no hino ku Isi.

Abahaha bakanishyura bakoresheje amakarita ya MasterCard bahawe na Cogebanque bagiye kujya batsindira ibihembo

[email protected]


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza