Kwamamaza

Guverinoma igiye gushyira ku isoko impapuro mpeshwamwenda za miliyari 15 Frw

Yanditswe kuya 8-11-2016 saa 19:27' na Rabbi Malo Umucunguzi


Guverinoma y’u Rwanda igiye gushyira ku isoko impapuro mpeshwamwenda za miliyari 15 Frw azishyurwa mu gihe cy’imyaka itatu, muri gahunda yihaye yo guteza imbere isoko ry’imari n’imigabane no gutera inkunga imishinga minini y’ibikorwa remezo.

Itangazo rya Banki Nkuru y’u Rwanda mu izina rya guverinoma, rivuga ko izi mpapuro zifite agaciro ka miliyoni $18.47, isoko ryazo rizafungurwa kuwa 21 Ugushyingo rigafunga kuwa 23 Ugushyingo 2016 mu gihe kwishyura ari kuwa 25 Ugushyingo 2016 nubwo inyungu azishyurwaho itaratangazwa.

Riti “Izi mpapuro nyuma zizashyirwa ku isoko ry’imari n’imigabane kuwa 28 Ugushyingo 2016. Guhatanira kuzigura amafaranga yo hejuru ni Frw 50 000 000, mu gihe amake azaba ari Frw 100 000. Inyungu yazo izajya yishyurwa kabiri mu mwaka.’’

Guverinoma y’u Rwanda ibinyujije muri Banki Nkuru y’Igihugu (BNR), iheruka gushyira ku isoko impapuro mpeshwamwenda tariki ya 2 Kanama 2016 ubwo yagurishaga izifite agaciro ka Miliyari 15 Frw, ni ukuvuga miliyoni $19 azishyurwa mu myaka itanu.

Muri Gicurasi nabwo yashyize ku isoko impapuro mpeshwamwenda zifite agaciro ka Miliyari 10 Frw, icyo gihe zikaba zari ku nyungu ya 13.5%.

Mu bihe bitandukanye kuva mu mwaka wa 2008, u Rwanda rwatangiye gushyira ku isoko impapuro nyemezamwenda, ubu izimaze kugurishwa zikaba zifite agaciro kagera muri miliyari 168 na miliyoni 500 Frw.

Guverineri Nkuru wa Banki Nkuru y'Igihugu, John Rwangombwa

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Wednesday 7 Ukuboza 2016
Copyright © 2009 -2014 - IGIHE Ltd - All Rights Reserved