Kwamamaza

Hagiye gutangizwa uburyo bushya bwo gusomera ibitabo kuri internet

Yanditswe kuya 14-11-2016 saa 14:41' na Nsengimana Evariste


Abanyarwanda bagiye gushyirirwaho uburyo bushya bwo gusangira ubumenyi, amakuru n’ibindi bintu binyuranye bikubiye mu bitabo bitandukanye bazajya basoma hifashishijwe ikoranabuhanga rya Internet.

Ibi byatangajwe ubwo Umushinga Akazi kanoze Access, utanga ubufasha n’amahugurwa ku rubyiruko mu kwihangira imirimo n’ikigo Africa Smart Investment Distribution Ltd (ASID), gikwirakwiza mudasobwa mu Rwanda), byasinyaga amasezerano y’ubufatanye mu guteza imbere ikoranabuhanga.

Ubu ni uburyo bwo guhuriza hamwe urubyiruko rufashwa kubona amakuru, amahugurwa, ubufasha mu kwihangira imirimo no korohereza abasomyi kubona no gusangira ubumenyi bwo mu bitabo hakoreshejwe ikoranabuhanga.

Ni muri urwo rwego hazashyirwaho urubuga rwa internet ruzajya rushyirwaho imfashanyigisho zo mu mashuri abanza n’ayisumbuye mu Rwanda, ibitabo by’abanditsi b’abanyarwanda n’abanyamahanga, ku buryo abasomyi bashobora kubisomeraho, kubyumviraho mu buryo bw’amajwi no kubikuraho(download) hakoreshejwe mudasobwa na telefoni zigezweho.

Jacques Sezikeye, Umuyobozi Mukuru w’Akazi Kanoze Access, avuga ko uru rubuga ruzafasha urubyiruko kubona amakuru n’ibindi byabafasha mu gushyira mu bikorwa ubumenyi bafite.

Ati “ Hari amahugurwa dutanga ajyanye no gufasha urubyiruko kwihangira umurimo, kubategura ku buryo bajya ku isoko ry’umurimo bameze neza. Hari ubumenyi buri tekiniki n’ubutari tekiniki busaba ko umuntu abugira ngo anoze akazi neza.”

Yavuze kandi ko abahawe amahugurwa iki kigo kibaherekeza kugeza bagize aho bigeza mu kwihangira imirimo mito n’iciriritse.

Umuyobozi Mukuru w’Ikigo ASID, François Karenzi, avuga ko aya masezerano azafasha ibigo byombi muri gahunda ya Leta y’u Rwanda yo kwishakamo ibisubizo.

Yagize ati “ Kugirana amasezerano n’Akazi Kanoze ni muri gahunda nziza isanzwe u Rwanda rufite yo gushyira hamwe icyo mfite n’icyo ufite ku buryo abanyarwanda twishakamo ibisubizo.”

Uyu muyobozi kandi avuga ko binyuze muri gahunda ya mudasobwa za Positivo gikwirakwiza mu banyarwanda, bizaborohereza kubona ayo makuru kandi bikanabafasha gusangira ubumenyi n’ibihugu 17 bya Afurika umushinga Akazi Kanoze Access usanzwe ukoreramo.

Sezikeye yemeza ko urubuga rugiye gushyirwaho ruzafasha urubyiruko gushyira mu bikorwa ubumenyi bafite
Karenzi avuga ko aya masezerano basinye agamije kwishakamo ibisubizo nk'abanyarwanda

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Sunday 4 Ukuboza 2016
Copyright © 2009 -2014 - IGIHE Ltd - All Rights Reserved