Imihigo ni yose nyuma y’umusaruro wavuye mu bukerarugendo bushingiye ku nama mu 2016

Yanditswe na Kanamugire Emmanuel
Kuya 5 Mutarama 2017 saa 01:34
Yasuwe :
0 0

Umwaka wa 2016 wasojwe u Rwanda rwakiriye inama nyinshi zikomeye, ariko icyakuruye benshi kikaba inyubako ya Kigali Convention Centre, yiyongereye ku mazina ya hoteli zikomeye ku rwego mpuzamahanga nka Marriott, Radisson Blu na Park Inn.

Muri uwo mwaka wa 2016 kandi u Rwanda rwakiriye n’ibindi bikorwa mpuzamahanga bikomeye, birimo inama mpuzamahanga yiga ku bukungu (World Economic Forum), Inama ya 27 y’Umuryango wa Afurika yunze Ubumwe (AU), Inama mpuzamahanga yiga ku ishoramari (Global Africa Investment Summit” tudasize irushanwa nyafurika ry’umupira w’amaguru ryabaye mu ntangiriro za 2016, byose byakuruye abanyamahanga basaga 20 000.

Nk’uko ikinyamakuru The EastAfrican cyabitangaje, imibare y’Ikigo cy’igihugu gishinzwe iterambere, RDB, igaragaza mu gihe cy’Inama ya 27 ya AU mu bukungu bw’igihugu hinjiye miliyoni $4.2, mu gihe mu gihe cya WEF hinjiye miliyoni $2.4.

Guverinoma iteganya kuzajya yizinjiza miliyoni $150 buri mwaka ziturutse mu kwakira ibiganiro, inama mpuzamahanga n’ibikorwa bitandukanye muri gahunda ya MICE (Meetings, Incentives, Conferences and Events), aho inateganya kuzamura umubare w’ibyumba bya hoteli bikava ku 8000 bihari uyu munsi bikagera ku 13 800 mbere y’uko 2017 irangira.

Iyi gahunda ya Mice kandi izazamura ubukerarugendo, aho mu 2013 igihugu cyinjije miliyoni $49 zavuye mu kwakira inama mpuzamahanga zitandukanye. Mu mwaka wa 2015, ubukerarugendo bwakomeje kuzamura umusanzu wabwo mu iterambere ry’igihugu aho bwinjije miliyoni $340, hariho inyongera ya 10% ugereranyije na 2014.

Izamuka ry’ubukerarugendo rirakomeza kugaragara, mu gihe ibyo u Rwanda rwohereza mu mahanga bikomeje gutakaza agaciro kimwe n’ifaranga ry’u Rwanda, ku buryo ari ikintu gikomeye ku bukungu bw’igihugu.

Guverinoma kandi yashyize imbaraga nyinshi mu kubaka imihanda igezweho, hoteli zitandukanye z’inyenyeri eshanu n’ibindi bikorwa remezo bitandukanye, birimo ikibuga mpuzamahanga cy’indege cya Bugesera biteganywa ko kizba cyakira abagenzi bagera kuri miliyoni 4.5 mu mwaka, umubare ukubye karindwi abagenzi bahari uyu munsi.

Ibyo kandi byiyongeraho ko ikigo cy’u Rwanda gikora ingendo z’indege, RwandAir, mu 2016 yongereye umubare w’indege yari isanganwe zirimo eshatu zigezweho, zirimo Airbus ebyiri na Boeing 737-800NG, ku buryo iteganya kwagura ingendo yari isanzwe ikora.

Bamwe mu bitabiriye inama Mpuzamahanga yiga ku bukungu bwa Afurika, yabereye i Kigali umwaka ushize

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza


Warning: mysqli_query(): (HY000/1194): Table 'spip_jobs' is marked as crashed and should be repaired in /home/lex94/public_html/ecrire/req/mysql.php on line 244