U Rwanda rwiteze kungukira ku nama mpuzamahanga ku gutunganya imyanda mu mijyi

Yanditswe na Evariste Nsengimana
Kuya 21 Nzeri 2017 saa 04:24
Yasuwe :
0 0

U Rwanda rugiye kwakira inama mpuzamahanga yiga ku micungire y’imyanda mu mijyi y’Afurika, ihuza Aba -Enjeniyeri n’abandi bafite aho bahuriye n’imirimo yo kubaka no gutunganya imyanda.

Iyi nama izaba kuwa 25-29 Nzeri, izahuza abaturutse mu Rugaga nyarwanda, urw’Afurika y’Iburasirazuba, urw’Afurika n’urw’Isi rw’aba Ejeniyeri, abahagarariye UNESCO n’abandi bafite aho bahuriye n’imirimo y’ubwubatsi basaga 700 barimo abanyarwanda 500.

Muri iyi inama ifite insanganyamatsiko igira iti “Icunga n’ikoreshwa neza n’itunganywa ry’imyanda muri Afurika”, abo mu Rwanda bayitezeho ubumenyi ku mitunganyirize y’imyanda, ingamba zo gukumira amakosa akorwa mu myubakire n’ibindi.

Imibare iheruka gushyirwa ahagaragara n’Ikigo cyibarurishamibare mu bijyanye n’icungwa ry’imyanda, igaragaza ko Abanyarwanda 35,8% batuye mu mijyi aribo bashyira imyanda ahabugenewe, mu cyaro ni 0.1%, mu gihe 29.8% bayita mu bihuru no mu murima naho 29.5% bayishyira mu masambu yabo; 0.2% bakayitwika cyangwa bakabita mu migezi na Ruhurura.

Mu mujyi wa Kigali, abasaga 46,5% bashyira imyanda ahabugenewe (bishyura abayitwara) naho 30,7% bayita aho babonye, 20.6% babirunda aho baba.

U Rwanda kandi mu bijyanye no gucunga imyanda no kuyishyira ahabugenewe rugeze kuri 70% by’ibora na 30 % by’itabora.

Mu kiganiro n’itangazamakuru kuri uyu wa Kane, Perezida w’Urugaga Nyarwanda rw’aba Enjeniyeri, Eng. Kazawadi Papias, yatangaje ko u Rwanda ruzungukiramo byinshi birimo no kwigira ku bandi uko iyo myanda yacungwa ikabyazwa umusaruro.

Yagize ati “Inama nk’iyi hari amasomo isigira abitabiriye n’ababigizemo uruhare.”

Yakomeje asobanura izo nyungu rwiteze zirimo kwigira ku bindi bihugu ingamba zo gucunga no kubyaza izindi nyungu imyanda; kumenya gukumira amakosa akorwa mu myubakire n’ibindi bikorwa byateza igihombo cyangwa impanuka.

Yasobanuye ko kuba inama yarahisemo insanganyamatsiko ivuga ku mwanda ari uko uri mu byugarije imijyi myinshi.

Yagize ati “Mu by’ukuri uko iterambere n’ubwiyongere by’abaturage mu mijyi byiyongera, imyanda igenda irushaho kuba ikibazo gikomeye ndetse hatabayeho n’ingamba zo kuyikumira ishobora guteza ibiza n’ibindi byago bikomereye abantu.”

Akomeza avuga ko mu nama iheruka kubera muri Nigeria hanzuwe ko iyi igiye kuba hagomba kuganirwa ku gucunga imyanda kuko imijyi myinshi yagiye yubakwa bitunguranye itateguwe bigendanye n’uko isi n’ubwiyongere bw’abaturage bumeze.

Iyi nama igiye kuba ku nshuro ikurikiye izabereye muri Afurika y’Epfo; muri Zimbabwe no muri Nigeria.

Perezida w’Urugaga Nyarwanda rw’aba Enjeniyeri, Eng. Kazawadi Papias

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza