Korea y’Epfo izongera ishoramari  ryayo mu Rwanda

Korea y’Epfo izongera ishoramari ryayo mu Rwanda


Yanditswe kuya 14-01-2013 - Saa 13:22' na Marie Chantal Nyirabera

Minisitiri w’Ububanyi n’Amahanga n’Ubucuruzi muri Korea y’Amajyepfo, Kim Sung Hwan yatangaje ko igihugu cye kizongera umubare w’abashoramari mu Rwanda mu biganiro yagiranye na mugenzi we w’u Rwanda, Louise Mushikiwabo.

Kim Sung Hwan aganira n’uw’u Rwanda ku biro bye ku Kimihurura ku wa 14 Mutarama, yagaragaje ko umubano w’u Rwanda na Korea umaze igihe ( imyaka 50), ibihugu byombi bifatanya mu bikorwa bitandukanye birimo ikoranabuhanga, uburezi ishoramari n’ibindi.

Kim yavuze ko Korea izakomeza ishoramari mu Rwanda, ati” Tuzakomeza gushishikariza Abanyakoreya gushora imari mu Rwanda ”.

Yakomeje avuga ko yishimiye amasezerano sosiyeti y’Abanyakoreya yasinyanye n’u Rwanda mu kurinda amabanga mu ikoranabuhanga.

Yatangaje ko Korea iteganya kuzana mu Rwanda n’ibindi bikorwa birimo amashuri mu bukerarugendo.

Minisitiri Louise Mushikiwabo yashimiye Korea y’Epfo kuba ifasha u Rwanda muri gahunda zitandukanye, yanababwiye ko u Rwanda rwishimiye amatora y’Umukuru w’Igihugu aherutse mu gihugu cyabo.

U Rwanda na Korea bisanzwe bifitanye umubano mu ishoramari, mu bucuruzi, mu burezi no mu ikoranabuhanga.

Igihugu cya Korea kinohereza abakorerabushake mu muryango Korea International Cooperation Agency (KOICA) mu Rwanda, bagafasha abana mu mashuri mu kubigisha ikoranabuhanga na siyansi, bakabigisha siporo mu mukino Tayikondo (Taekwondo ,taikondo) wo mu bwoko bwa Karate.

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO