Kwamamaza

Ababiligi barashima icukurwa ry’amabuye y’agaciro mu Rwanda

Yanditswe kuya 16-12-2012 saa 08:23' na Izuba Rirashe
     


Inzobere mu bijyanye no gucukura amabuye y’agaciro ndetse n’ibijyanye n’ubutaka zaturutse mu gihugu cy’u Bubiligi zaje mu Rwanda mu rugendo shuri rugamije kurebera hamwe niba ibisohoka mu byegeranyo bya Loni bivuga ko u Rwanda rwaba rucukura amabuye y’agaciro muri Repubulika Iharanira Demokarasi ya kongo ari byo, no guhanahana ibitekerezo ku buryo bashora imari yabo muri iki gice kigenda gitera imbere.
Muri izi ntumwa kandi harimo abashoramari batandukanye bifuzaga gushora imari yabo, bakaba (...)

Inzobere mu bijyanye no gucukura amabuye y’agaciro ndetse n’ibijyanye n’ubutaka zaturutse mu gihugu cy’u Bubiligi zaje mu Rwanda mu rugendo shuri rugamije kurebera hamwe niba ibisohoka mu byegeranyo bya Loni bivuga ko u Rwanda rwaba rucukura amabuye y’agaciro muri Repubulika Iharanira Demokarasi ya kongo ari byo, no guhanahana ibitekerezo ku buryo bashora imari yabo muri iki gice kigenda gitera imbere.

Muri izi ntumwa kandi harimo abashoramari batandukanye bifuzaga gushora imari yabo, bakaba baragiranye ikiganiro n’abahagarariye ibigo bya Leta ndetse n’ibyigenga, basobanurirwa ibijyanye n’ubucukuzi bw’amabuye y’agaciro mu Rwanda.

Nk’uko ikinyamakuru Izuba Rirashe cyabitangarijwe n’umuyobozi muri RNRA, ishami rishinzwe ubucukuzi bw’amabuye y’agaciro, Imena Evode, igice cy’ubucukuzi bw’amabuye y’agaciro mu Rwanda kiragenda gitanga umusaruro ku buryo bushimishije kuko mu myaka ya 2006/2007 bwinjije hagati ya miliyoni 35 kugeza kuri 38 z’amadolari.

Mu mwaka wa 2011 cyinjije miliyoni 58 z’amadolari, ndetse kugeza ubu mu mibare itangwa kugeza mu kwezi kwa cumi 2012, amabuye y’agaciro amaze kwinjiza miliyoni 115 z’amadolari; ibi ngo bikaba biterwa ahanini n’uburyo Guverinoma y’u Rwanda igira uruhare mu kunoza imikorere n’imicungire y’ayo mabuye nk’umutungo kamere.

Imena ati: “Kuba iterambere ry’ubucukuzi bw’amabuye ryiyongera bigaragazwa n’uburyo umubare w’ibigo bikora muri iki gice nawo ugenda wiyongera dore ko ubu bikabakaba 250.”

Yavuze ko mu Rwanda hari inzobere mu bucukuzi bw’amabuye y’agaciro zigera kuri 50, ariko hakaba hakiri ikibazo kuko usanga abenshi muri izo nzobere bageze mu zabukuru kuko batanu gusa aribo bafite munsi y’imyaka 40.

Yakomeje agira ati : “Mu rwego rwo gukemura ikibazo cyo kubaka ubushobozi mu bakora ubucukuzi, hari byinshi bigenda bikorwa ku bufatanye n’igihugu cya Australia hoherejwe abanyeshuri bagera kuri 12 bagiye kwiga ibijyanye n’ubucukuzi bw’amabuye y’agaciro, hakaza nanone amahugurwa ateganyirizwa abikorera ku giti cyabo n’abakorera Leta muri iki gice.”

Mu mabuye y’agaciro agaragara mu Rwanda hazamo Wolfram, Coltan, Zahabu n’amabuye akunda kwirengagizwa kandi akoreshwa cyane mu bijyanye n’ubwubatsi azwi ku izina rya kariyeri.

Ku bijyanye no kubungabunga ibidukikije mu gihe hacukurwa amabuye y’agaciro, Imena arasanga amategeko ahari kandi ahagije mu kurengera ibidukikije; icyo Leta ikora akaba ari ubugenzuzi, ubuvugizi ndetse no gutegura amahugurwa ku icukurwa ridahungabanya ibidukikije.

Uwari uhagarariye intumwa z’Ababiligi, Eng. DENBLYDEN Jean-Loup, yavuze ko Loni yakagombye kujya ishyira ubushishozi mu byegeranyo ikora kuko kuba u Rwanda ari ruto bitavuze ko nta mabuye y’agaciro rwagira.

Jean-Loup ati: “Itsinda nyoboye ryasobanuriwe bihagije ku birombe by’amabuye y’agaciro biri mu Rwanda n’ikoreshwa ryabyo; mu itsinda harimo abantu batandukanye, tuzagira igihe tujye kwirebera aho ayo mabuye ava; ku buryo amakuru twumvaga azaba atandukanye n’ibyo twirebera; ubuto bw’igihugu ntibusobanura ko nta mutungo kamere gifite.”

IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
IBITEKEREZO
Join Us

Socialize with Us
Contacts

Location: Ndamage Building 4th floor
P.O Box: 3477 Kigali- Rwanda
Phones:
+250 788 74 29 08, +250 788 49 69 15, +250 725 94 66 08
Email:
[email protected], [email protected]

Website Developped by

Uru Rubuga Ruheruka Gushyirwaho Amakuru Mercredi 5 Février 2014 Saa 17:33:27
Copyright © 2009 -2014 - IGIHE Ltd - All Rights Reserved