Amajyepfo: Abikorera bakusanyije asaga miliyoni 200 agenewe iterambere ry’abahatuye

Yanditswe na Ishimwe Israel
Kuya 1 Nyakanga 2016 saa 11:20
Yasuwe :
0 0

Abaturage biganjemo urubyiruko n’abakuru bo mu turere twa Muhanga na Kamonyi bahurijwe mu bikorwa byo kwiga ibijyanye n’imyuga n’ubumenyingiro ndetse no kubaka amahoro.

Urubyiruko rugera ku bihumbi 12 rwo muri utu turere rwahawe impamyabushobozi ku wa Kabiri tariki ya 28 Kamena 2016 nyuma y’amasomo atangwa mu gihe gito, agamije kububakamo umuco wo kwihangira imirimo ndetse no kwiteza imbere biciye mu kwikemurira amakimbirane akunze gukenesha imiryango.

Umushinga w’abikorera, Peace Beyond Borders Program, ugamije kubungabunga amahoro yambukiranya imipaka ufatanyije na Duhamic Adri, iharanira amajyambere y’icyaro watanze inkunga ingana na miliyoni 200 yakoreshejwe mu bikorwa byo kwigisha urubyiruko n’abandi baturage ibirebana no kubaka amahoro ndetse no kwitabira amashuri y’imyuga n’ubumenyingiro.

Ibyiciro byahawe ubwo bumenyi bifasha imiryango ibanye nabi kwiyunga no kwihangira imirimo mu rwego rwo kwirinda amakimbirane ya hato na hato.

Abitabiriye aya mahugurwa batangaza ko nabo bamaze kwiteza imbere ku buryo bufatika.

Uwimbabazi Florence ukomoka mu murenge wa Rugendabari mu karere ka Muhanga, atangaza ko yabashije kwigurira amatungo ahereye ku bumenyi yahavanye, ndetse abitsa no muri Sacco, kandi mbere ntacyo yagiraga kubera gupfusha ubusa ibyo yabaga afite.

Umuhuzabikorwa w’umushinga wa Peace Beyond Borders, Dushimimana Jean Pierre yemeza ko biyemeje gushora amafaranga menshi muri uwo mushinga ku bufatanye na Duhamic Adri, kuko ikibazo cy’ubukene n’amakimbirane mu miryango basanze bihangayikishije inzego zose mu Rwanda ziharanira imibereho myiza y’abarwo.

Ibi bikorwa bamaze imyaka itatu bakora ngo bizatuma amahoro n’umutekano mu miryango bihabwa intebe, abari bakennye batangire gutera imbere nkuko batangiye kubona imbuto zabyo.

Abaturage bakurikiranye amasomo bashyikirijwe impamyabushobozi
Abayobozi bari kumwe n'abaturage bigishijwe kwihangira imirimo no gukemura amakimbirane yo mu miryango

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza