Kwamamaza

BNR yaremye agatima abatewe impungenge n’igihombo cya Crane Bank Uganda

Yanditswe kuya 21-10-2016 saa 14:09' na Cyprien Niyomwungeri


Banki Nkuru y’u Rwanda (BNR) yatangaje ko imari ya Crane Bank Rwanda, ishami rya Crane Bank Ltd yo muri Uganda nta kibazo ifite kandi iyo banki izakomeza gukora ibikorwa byayo mu Rwanda ikagenzurwa hakurikijwe itegeko rigenga amabanki mu Rwanda N0 007/2008.

Ibi bitangajwe nyuma y’uko ejo kuwa Kane tariki 20 Ukwakira 2016, Banki Nkuru ya Uganda yasohoye itangazo ivuga yatangiye imicungire ya Crane Bank igahita inirukana abayobozi bayo bose, nyuma yo kugaragaza ko itari igishoboye gukomeza imikorere yayo isanzwe, ndetse imari shingiro yayo ikaba yaragabanutse bidasanzwe.

Guverineri wa Banki ya Uganda, Emmanuel Tumusiime-Mutebile, wasinye kuri iri tangazo, yanavuze ko Crane Bank yahozwagaho ijisho byihariye na Banki ya Uganda guhera muri Nzeri 2015 nyuma y’igenzurwa ry’imari yakorewe bagasanga imari shingiro yayo imaze kujya munsi ya 50% y’iteganywa n’itegeko.

Mu gusubiza iki cyemezo, Banki Nkuru y’u Rwanda yasohoye itangazo ryasinyweho na Guverineri wayo John Rwangombwa, rivuga ko ishami rya Crane Bank Ltd rikorera mu Rwanda rizakomeza gukora kandi rikagenzurwa na yo.

BNR yanemeje ko ibirebana n’imari ya Crane Bank Rwanda byifashe neza kandi izakomeza gukora ibikorwa byayo nk’ibisanzwe.

Rigira riti “BNR yamaze gufata ingamba zo kugenzura bya hafi ibikorwa bya Crane Bank Rwanda kugira ngo hakumirwe ko amafaranga abakiliya babikijemo yagira ibibazo.”

Ubuyobozi bwa Crane Bank Rwanda, nabwo bwamenyesheje abakiliya n’abandi bantu bose ko igenzurwa na Banki Nkuru y’u Rwanda kandi imari y’abakiliya ibitse neza.

Rigira riti “Turamenyesha abakiliya bacu ko imari yabo icunzwe neza kandi ibikorwa byacu bizakomeza gukorwa nta kiduhungabanyije.”

Banki ya Uganda yiyemeje gucunga Crane Bank Ltd kugira ngo imikorere yayo itazahungabanya ubusugire bw’urwego rw’imari ndetse n’abayibikijemo bagahomba.


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Friday 2 Ukuboza 2016
Copyright © 2009 -2014 - IGIHE Ltd - All Rights Reserved