Kwamamaza

Kigali:Ba rwiyemezamirimo basaga 300 bagiye guhurira mu nama yiswe ‘Seedstars World’

Yanditswe kuya 8-11-2016 saa 23:28' na IGIHE


Mu Rwanda hateganyijwe inama yiswe ‘Seedstars World’(SSW), izahuza ba rwiyemezamirimo, ababafasha, impuguke ndetse n’abashoramari bo muri Afurika,Tariki ya 9 Ugushyingo 2016.

Iyi nama izitabirwa n’abasaga 300, baturutse mu nzego zifata ibyemezo, ibigo bitandukanye, abashoramari ndetse n’abafite inyota yo guhanga umurimo, kuri bo ukazaba ari umwanya wo gusangira ubumenyi mu guteza imbere no guharanira guhanga ibishya muri Afurika.

Iyo nama yatewe inkunga na Minisiteri y’Urubyiruko n’ikoranabuhanga, ibigo nka Microsoft, Intel, kLab, Africa 2.0 n’abandi.

Izaba ikurikira iyabereye i Casablanca muri Mutarama 2016 , yahuje ibyiciro bitandukanye byari bivuye mu bihugu 25.

Abazasangiza abandi ubunararibonye mu mishinga y’iterambere barimo Aphrodice Mutangana, Umuyobozi Mukuru wa kLab, Hitendra Naik,Umuyobozi ushinzwe ibyo guhanga udushya mu kigo Intel Africa mu karere ka Afurika yo hagati , Clement Uwajeneza, Umuyobozi wa Rwanda Online n’abandi bahagarariye ba rwiyemezamirimo bo mu bihugu byo hirya no hino muri Afurika.

Mbere y’iyi nama hari hateganyijwe mwiherero, ahagombaga gutoranyirizwa imishinga igera kuri 40 yarushanijwe ku rwego rw’umugabane na 20 ku rwego rw’igihugu ba nyirayo bagahabwa ubujyanama bwabafasha kurushaho kuyinoza no kuyibyaza umusaruro.

Marcello Schermer, Umuyobozi wa Seedstars World ku rwego rwa Afurika yagize ati “Nyuma y’imyaka ine twakira amarushanwa ku rwego rw’Isi n’urwa Afurika, twishimiye birenze uko bisanzwe, ubushobozi bw’abanyafurika mu guteza imbere ubucuruzi.Tuzi kandi ko guhuza ba rwiyemezamirimo, abashoramari n’abaharanira kubungabunga ibidukikije byongera ubufatanye bikanazamura umusaruro w’ubucuruzi kuri uyu mugabane.”

Seedstars World ni urubuga rwo guteza imbere ibitekerezo by’imishinga n’amarushanwa ku rwego mpuzamahanga no kwagura amasoko ya ba rwiyemezamirimo.

Rwatangijwe na Alisée de Tonnac na Pierre-Alain Masson, bafite icyicaro mu Busuwisi. Nyuma y’uko hasuwe ibihugu bigera kuri 36 umwaka ushize, Seedstars World yaguriye ibikorwa mu bindi 53 byiyongera ku bisanzwe uyu mwaka.


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Monday 5 Ukuboza 2016
Copyright © 2009 -2014 - IGIHE Ltd - All Rights Reserved