Kwamamaza

Minisitiri w’Intebe yasabye ko isoko ry’imari n’imigabane rigira uruhare mu guhanga imirimo

Yanditswe kuya 28-11-2016 saa 14:07' na Mukaneza M.Ange


Minisitiri w’Intebe, Anastase Murekezi, yasabye abagize Isoko ry’imari n’imigabane muri Afurika kurushaho guharanira ko ba rwiyemezamirimo bagira ubutunzi butuma babasha gutera imbere no guhanga imirimo.

Ibi Minisitiri w’Intebe yabivuze ubwo yafunguraga ku mugaragaro inama ya 20 y’ibihugu bihuriye mu Ishyirahamwe ry’Ibigo by’Imari n’Imigabane muri Afurika (African Securities Exchanges Association, ASEA) iri kubera i Kigali kuva ku wa 27-29 Ugushyingo 2016.

Murekezi yavuze ko u Rwanda rwishimiye kwakira iyi nama igamije gufasha abagize isoko ry’imari n’imigabane muri Afurika kwigaragaza ku rwego mpuzamahanga.

Yagize ati” Ntidukwiye kwibagirwa ko intego nyamukuru twese dusangiye ari ugufasha ubukungu bw’ibihugu byacu kuzamuka bukabasha kurenga imbogamizi zihari. Intego twese duhuriyeho ni ugukora ibishoboka ba rwiyemezamirimo bacu bakagera ku butunzi bakeneye kugira ngo babashe gutera imbere no guhanga imirimo.”

Murekezi kandi yagaragaje ko umusanzu w’isoko ry’imari n’imigabane mu gutuma ubukungu burambye bugerwaho, watumye ibihugu bya Afurika bigera ku mpinduka zigaragarira buri wese.

Ati” Kugira ngo turusheho kwigira, Isoko ry’imari n’imigabane rya Afurika rikwiye kugira uruhare rukomeye mu mpinduka mu bijyanye no gutera inkunga ubukungu bwa Afurika.”

Yashishikarije kandi abitabiriye iyi nama bafite ubunararibonye mu bijyanye n’isoko ry’imari n’imigabane kubusangiza abakiri bashya muri uru rwego.

Minisitiri w’Imari n’Igenamigambi, Ambasaderi Claver Gatete, witabiriye iyi nama, yagaragaje ko isoko ry’imari n’imigabane rikomeje kugirira akamaro ubukungu bwa Afurika binyuze mu gutuma haboneka amafaranga akoreshwa mu ishoramari ry’igihe kirekire.

Iyi nama ifite insanganyamatsiko igira iti “Guhuza isoko ry’imari n’imigabane rya Afurika n’Ubukungu bwayo”, ihuje inzobere zisaga 300 zo mu Karere no ku rwego mpuzamahanga, abakuriye ibigo by’imari n’imigabane, abashoramari n’abandi bayobozi bakuru muri Guverinoma baturutse mu bihugu bihuriye muri ASEA.

Murekezi (uwa gatatu iburyo) afungura ku mugaragaro inama ya 20 y’ibihugu bihuriye muri ASEA
Minisitiri w'Intebe Murekezi asaba ko isoko ry'imari n'imigabane ryagira uruhare mu guhanga imirimo

[email protected]


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Monday 5 Ukuboza 2016
Copyright © 2009 -2014 - IGIHE Ltd - All Rights Reserved