Kwamamaza

Sosiyete y’Abayapani icuruza amabuye y’agaciro yafunguye imiryango mu Rwanda

Yanditswe kuya 23-11-2016 saa 12:45' na Jean Pierre Tuyisenge


Sosiyete y’Abayapani ikora ibijyanye no kugura amabuye y’agaciro, Advanced Material Japan Corporation,AMJ, yafunguye ibiro mu Rwanda, mu rwego rwo kwigerera ku isoko ryayo no korohereza abayacuruza mu Rwanda bayijyaniraga mu mahanga.

Ubwo hafungurwaga ibi biro, umuyobozi mukuru w’iyi Sosiyete, Shigeo Nakamura, yavuze ko bifuje gufungura ibiro byabo mu Rwanda nyuma yo kubona ko hari umutekano.

Yagize ati “ Twajyaga dutegereza ko amabuye atugereho aho turi mu Buyapani, ariko dusanga ibyiza ari uko twaza aho aturuka, by’umwihariko rero twifuje gukorera mu Rwanda kuko ari igihugu cyiza kandi kirimo umutekano. Ubu tuzajya tugura amabuye duhite tuyajyana mu Buyapani ako kanya, nta handi abanje kunyura.”

Shigeo yashimiye Charles Murigande wamusabye kuza gushora imari mu Rwanda, avuga ko yamweretse inzira nziza ubwo bahuriraga mu Buyapani akamusaba kuza gukorera mu Rwanda.

Ati “ Nahuye na Murigande Charles mu Buyapani ansaba ko naza nkatangiza ibikorwa byanjye hano. Nkihagera nari nzi ko atari ahantu heza, none nasanze habereye gukorerwa ubucuruzi nk’ubu.”

Amabuye y’agaciro bazibandaho arimo Coltan, Gasegereti na Wolfram.

Umuyobozi w’ishami rishinzwe ubucukuzi bw’amabuye y’agaciro na Peteroli muri Minisiteri y’Umutungo kamere, Donat Nsengumuremyi, avuga ko gufungurwa kw’iyi sosiyete bigiye gufasha abanyarwanda ahanini bajyaga bagorwa no gutwara amabuye hanze y’igihugu.

Ari “ Abanyarwanda bajyaga bagorwa no kujya gushaka amasoko hanze, bigasaba n’ibindi byangombwa bitagira ingano, ariko ubu bigiye korohera amakompanyi acukura amabuye ndetse n’abayacuruza; bazoroherwa no guhita babona isoko.”

Murigande Charles wahoze ari Ambasaderi w’u Rwanda mu Buyapani, nawe yashimiye Nakamura ko yazanye ubwo bucuruzi mu Rwanda, avuga ko akoze ikintu gikomeye cyane ndetse ko u Rwanda rugiye kubwungukiraho byinshi.

Ati “ Nishimiye ko wazanye ubu bucuruzi mu Rwanda kandi ndizera ko kubwandikisha muri RDB bitigeze bikugora; ndetse nta n’uwo wahaye ruswa, kuko u Rwanda rwishimira abashoramari ndetse tukanaborohereza.”

Nakamura avuga ko yari yaratinye gushora imari ye mu Rwanda kuko yajyaga ahabwa amakuru y’uko u Rwanda rumeze nabi bitewe n’amateka mabi ya Jenoside yarugwiririye mu 1994, ariko we ubwe yemeza ko nyuma yo kuhagera akibonera uburyo Abanyarwanda bishimira abantu, uburyo babanye neza ndetse n’umutekano urangwa mu gihugu, yahise afata icyemezo cyo kuhashora imari ndetse ngo agomba guhora ahaza.

Iyi sosiyete iyo imaze kugura amabuye y’agaciro iyajyana mu Buyapani, mu Bushinwa, mu Buhinde no muri Koreya y’Epfo.

Ambasaderi w'u Buyapani mu Rwanda Takayuki Miyashita yari yitabiriye uyu muhango
Charles Murigande asuhuzanya na Ambasaderi w'u Buyapani mu Rwanda
Murigande yashimiye umuyobozi w'iyi sosiyete wemeye gushora imari ye mu Rwanda
Abayobozi batandukanye basangiye mu rwego rwo kwishimira iki gikorwa
Umuybozi w'Ishami rishinzwe ubucukuzi bw'amabuye y'agaciro na peteroli muri Mininfra, Donat Nsengumuremyi
Shigeo Nakamura uyobora iyi sosiyete avuga ko yahisemo gukorera mu Rwanda kuko hari umutekano usesuye

Amafoto: Mahoro Luqman


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Sunday 4 Ukuboza 2016
Copyright © 2009 -2014 - IGIHE Ltd - All Rights Reserved