Kwamamaza

Umutara Polytechnic mu guhemba abanyeshuri bahanze udushya

Yanditswe kuya 27-11-2012 saa 10:54' na Emmanuel Kwizera
     


Muri Kaminuza y’Umutara Polytechnic harategurwa amarushanwa yo guhemba abanyeshuri b’indashyikirwa bihangiye imirimo iteza imbere abanyeshuri n’abaturage muri rusange. Igikorwa cyo guhemba gitegurwa n’itsinda ry’abanyeshuri bigamo ryitwa Impano Agency.
Ayo marushanwa yateguwe mu rwego rwo gushishikariza urundi rubyiruko by’umwihariko rwiga muri Kaminuza gukura amaboko mu mifuka rukiteza imbere rukoresheje imbaraga za rwo ari na ko ruteza imbere umuryango nyarwanda.
Umwe mu baganiriye na (...)

Muri Kaminuza y’Umutara Polytechnic harategurwa amarushanwa yo guhemba abanyeshuri b’indashyikirwa bihangiye imirimo iteza imbere abanyeshuri n’abaturage muri rusange. Igikorwa cyo guhemba gitegurwa n’itsinda ry’abanyeshuri bigamo ryitwa Impano Agency.

Ayo marushanwa yateguwe mu rwego rwo gushishikariza urundi rubyiruko by’umwihariko rwiga muri Kaminuza gukura amaboko mu mifuka rukiteza imbere rukoresheje imbaraga za rwo ari na ko ruteza imbere umuryango nyarwanda.

Umwe mu baganiriye na IGIHE uri mu bategura igikorwa cyo guhemba abo banyeshuri bahanze udushya, Mbabazi Anne ushinzwe Amasoko mu Itsinda “Impano Agency” , yagize ati “Twarebye abana bafite imishinga y’ubucuruzi bugamije guteza imbere abaturage n’abanyeshuri na bo bikabungukira, ariko barabutangiriye muri Kaminuza. Harimo nk’uwashinze Quinquallerie (iduka ricuruza ibikoresho by’ubwubatsi n’ibindi bitandukanye), uwakoze urubuga rwa internet, ufite cyber café, n’abandi usanga bafite ibintu bakora biteza imbere umuryango nyarwanda, na bo ubwabo ku giti cyabo.”

Abo banyeshuri bagiye guhembwa kubera ibitekerezo bagize byo guhanga udushya, bizatuma n’abandi babifatiraho icyitegererezo.

Mbabazi ati “hamwe n’abaterankunga, twishatsemo ibihembo bishoboka kuko turi mu itangira, tuzahemba abazanye udushya b’indashyikirwa, nyuma abandi na bo bazaboneraho ko ntacyo bisaba, usibye ibitekerezo n’imbaraga zabo kugira ngo na bo biteze imbere.”

Batatu bahize abandi, bazatangazwa banahembwe ku wa Gatanu tariki ya 30 Ugushyingo 2012 muri Kaminuza Umutara Polytechnic .

Itsinda “Impano agency” ryateguye igikorwa cyo guhemba rigizwe n’abantu 18, rigamije gufasha urubyiruko kwiteza imbere rushingiye ku mpano zitandukanye rwifitemo, rikanakora imishinga bihangiye ubwabo n’ibikorwa byo guteza imbere igihugu.

IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
IBITEKEREZO
Join Us

Socialize with Us
Contacts

Location: Ndamage Building 4th floor
P.O Box: 3477 Kigali- Rwanda
Phones:
+250 788 74 29 08, +250 788 49 69 15, +250 725 94 66 08
Email:
[email protected], [email protected]

Website Developped by

Uru Rubuga Ruheruka Gushyirwaho Amakuru Mercredi 5 Février 2014 Saa 17:33:27
Copyright © 2009 -2014 - IGIHE Ltd - All Rights Reserved