Amakarita mashya atuma umuntu abikuza kuri ATM iyo ari yo yose

Amakarita mashya atuma umuntu abikuza kuri ATM iyo ari yo yose


Yanditswe kuya 26-11-2012 - Saa 09:08' na James Habimana

Umuyobozi mukuru wa sosiyete Rwanda Switch ikora amakarita yo kubikurizaho azwi ku izina rya ATM cards, Konde Bugingo, avuga ko ubu byoroshye ku bakiriya b’amabanki atandukanye kubona amafaranga ku byuma bitanga amafaranga kuko ubu ufite ikarita ya banki iyo ari yo yose ashobora kuyibikurizaho no ku byuma by’andi mabanki.

Aganira na IGIHE, Bugingo yavuze ko bakoze iyi gahunda yo kubikuza amafaranga aho umukiriya wa banki ageze hose mu rwego rwo korohereza abantu baba mu mabanki ataba ahantu henshi.

Bugingo ati “Ubu nsigaye nitwaza amafaranga make kubera ko mba nzi ko buri banki ndibugeho mu Rwanda ndetse no mu mahanga ndi bubikurizeho amafaranga ntagombye gushaka aho banki nkorana na yo iri.”

Umuyobozi mukuru wa banki nkuru y’u Rwanda Amb.Gatete Claver, yashimiye serivisi z’iyi sosiyete Rwanda Swicth kubera iterambere izanye mu rwego rw’amabanki bityo avuga ko abashoramari bo mu mahanga bazakomeza gushora imari zabo mu Rwanda kuko ubu gutwara amafaranga bigiye koroha kurushaho.

Mu buryo bushya bw’iyi sosiyete ufite iyi karita bita ‘Smartcash’, ashobora no kuzajya ayikoresha mu guhaha hirya no hino mu masoko, kugura umuriro n’ibindi.

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO