Kwamamaza

Amakoperative yasabwe gufasha mu ishyirwa mu bikorwa ry’Intego z’iterambere rirambye

Yanditswe kuya 31-10-2016 saa 06:34' na IGIHE


Kuva kuri uyu wa gatanu i Kigali hateraniye Inteko Rusange ya 12 y’Urugaga Mpuzamahanga rw’Amakoperative (ICA) n’Inama Nyafurika ku byerekeye Amakoperative, igamije kurebera hamwe uko amakoperative yo kuri uyu mugabane yatezwa imbere.

Iyi nama ihuje abafatanyabikorwa batandukanye bafite aho bahuriye n’iby’amakoperative muri Afurika, ifite insanganyamatsiko igira iti “Amakoperative muri Afurika muri gahunda yo gushyira mu bikorwa intego z’iterambere rirambye”.

Atangiza ku mugaragaro iyi nama, Minisitiri w’Ubucuruzi n’Inganda n’ibikorwa by’Umuryango wa Afurika y’u Burasirazuba, François Kanimba, yabwiye abayitabiriye ko ugukomera kw’ibigo kugira uruhare rukomeye mu kugabanya ubukene.

Ati "Ugukukomera kw’ibigo kugira uruhare mu kugabanya ubukene, bitanga imirimo ndetse binongera amahirwe yo kubona serivise z’imari. Iterambere ry’amakoperative muri Afurika ririyongera ndetse rinagira uruhare mu mibereho myiza y’abaturage."

Minisitiri Kanimba kandi yibukije abitabiriye iyi nama ko nyuma y’amahano ya Jenoside yakorewe Abatutsi yagwiririye u Rwanda mu 1994, Leta yashyize ingufu zigaragara mu guteza imbere amakoperative.

Yavuze ko 90% by’ibigo bito n’ibiciritse (SMEs) bigira uruhare mu bucuruzi mu karere ka Afurika y’u Burasirazuba, aho bitanga amahirwe yo kubona akazi ku kigero cya 60%.

Minisitiri Kanimba yagiriye inama amakoperative yo kuri uyu mugabane gukora ibishoboka byose kugira ngo abashe gufasha mu ishyirwa mu bikorwa ry’intego z’iterambere rirambye zashyizweho n’Umuryango w’Abibumbye.

Gahunda y’intego z’iterambere rirambye (SDGs) zo mu 2030, zitezweho kuzuza ibitarujujwe muri gahunda y’intego z’ikinyagihumbi (MDGs) yasojwe umwaka ushize.

Mu bizibandwaho cyane mu myaka 15 iri imbere hari ukurandura ubukene bukabije, kurwanya ubusumbune n’akarengane, no gushyiraho ibirebana no guhangana n’imihindagukirikire y’ibihe.

Iyi nama yatangiye kuri uyu wa 28 Ukwakira, ikazasozwa ku wa mbere tariki ya 31 Ukwakira.

Yitezweho kuganirirwamo iterambere ry’amakoperative yo ku mugabane wa Afurika ndetse no gutanga amahirwe yo kubaka ubumwe n’ubufatanye ku banyamuryango bayo.

Minisitiri Kanimba avuga ko iterambere ry'Amakoperative rituma imibereho y'abaturage iba myiza
Amakoperative yasabwe kugira uruhare mu ishyirwa mu bikorwa ry'intego z'iterambere

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Tuesday 6 Ukuboza 2016
Copyright © 2009 -2014 - IGIHE Ltd - All Rights Reserved