Kwamamaza

MTN na Mobisol bigiye kugeza ingufu zikomoka ku zuba mu mashuri 8 yo mu cyaro

Yanditswe kuya 11-06-2015 saa 19:15' na Tombola Felicie


Ikigo gikwirakwiza ingufu zikomoka ku zuba, Mobisol na sosiyete y’ itumanaho MTN bagiye gufatanya mu gucanira ibigo by’ amashuri 8 byo mu cyaro hakoreshejwe imirasiye y’ izuba.

Ibi bigo byo mu turere twa Gicumbi, Ngoma, Kamonyi, Nyagatare, Gakenke, Nyaruguru, Nyabihu ndetse na Nyamasheke ntibyari byorohewe no kugerwaho n’ amashanyarazi asanzwe.

Ibi ni muri gahunda ya MTN y’iminsi 21 y’ubugiraneza “21 Days of Y’ello Care” yatangiye kuwa Mbere Kamena.

Umuyobozi ushinzwe serivisi z’ abakiriya muri MTN, Yvonne Mubiligi, yavuze ko bashaka gufasha guverinoma mu kugeza ingufu mu duce tutageramo amashanyarazi, kuko bizafasha nk’ aya mashuri adasanganwe uburyo bwo kubona izindi ngufu.

Yagize ati: “Badafite urumuri ntabwo bafite igihe gihagije cyo gusoma no kwiga, ntibashobora kwiga gukoresha mudasobwa, badafite murandasi ntibagera ku bikoresho byose bifasha mu myigire n’isoko y’amasomo, kandi badafite ibikoresho byo gusohora impapuro (printers) bigora abarimu gushyiraho uburyo buhagije mu kwigisha.”

Mubiligi yakomeje agira ati “Ku bufatanye na Mobisol mu kugeza ingufu zikomoka ku zuba ku mashuli, twizera ko azatanga abantu bashoboye kurushanwa ku isoko ry’ umurimo riri kugendera ku ikoranabuhanga rihanitse.”

Ibyuma bikusanya ingufu z’ imirasire y’izuba bijyana n’ ibyangombwa nkenerwa mu kumurikira no gutanga ingufu mu kigo, insinga, ahacomekwa telefoni, Televiziyo na radiyo, bizifashishwa mu masomo, binafashe mu gusobanurira abaturage kubyaza umusaruro bene izi ngufu no kurengera ibidukikije.

Nk’uko byagiye bikorwa mu myaka yashize, iyi gahunda ya ‘Yello Care’, izagirira akamaro abaturage bababaye kurusha abandi.

Umuyobozi w’ umushinga wa Mobisol ushamikiye ku Muryango w’ ubumwe bw’ ibihugu bw’ i Burayi, Dario Simbizi, yagize ati:“Mobisol ishimishijwe no kuba inezeje abana ibihumbi n’ abato mu gihugu, kuko amahirwe yabo mu kwiga aziyongerera mu kuba ishuri ryabonye izi ngufu.”

Yanavuze ko iyi nkunga izifashishwa mu burezi iri muri gahunda guverinoma y’ u Rwanda ko nibura 22% mu gihugu bagomba gukoresha ingufu zitari iz’ amashanyarazi asanzwe.”

Muri iyi gahunda ya MTN kandi, abakozi bazashyira ibitabo mu mashuri yo mu byaro mu buryo bw’ ikonabuhanga, bahugure abarimu uko bazajya bagera kuri ibyo bitabo n‘ uburyo bazajya babikuraho ngo bikoreshwe mu kwigisha no kwiga.

Ku bufatanye bwa Minisiteri y’ uburezi n’ Ikigo cy’ igihugu cy’ uburezi, MTN ikaba iteganya no guhugura abarimu ku nteganyanyigisho nshya mu burezi n’ ubumenyi mu ikoranabuhanga.


Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: info@igihe.com, marketing@igihe.com

Website Developped by

Uru Rubuga Ruheruka Gushyirwaho Amakuru Tuesday 4 Ukwakira 2016
Copyright © 2009 -2014 - IGIHE Ltd - All Rights Reserved