Kwamamaza

Rusizi: Imirimo ikabakaba 3000 imaze guhangwa mu mezi atatu

Yanditswe kuya 28-10-2016 saa 11:20' na Sitio Ndoli


Ubuyobozi bw’Akarere ka Rusizi buravuga ko bufite intego yo guhanga imirimo myinshi idashingiye ku buhinzi, ku buryo ngo kugeza ubu imirimo 2,869 yahanzwe mu gihe cy’amezi atatu gusa.

Ibi babigaragarije umuyobozi w’ Ikigo cy’igihugu gishinzwe guteza imbere imyuga n’ubumenyi ngiro,WDA, Gasana Jérôme, mu bukanguramba buri gukorwa bugamije gukangurira abanyarwanda guhanga imirimo idashingiye ku buhinzi muri gahunda ya “NEP Kora Wigire.”

Muri ubu bukangurambaga buzamara ukwezi, bwabereye mu Karere ka Rusizi kuri uyu wa kane tariki 27 Ukwakira, Umuyobozi ushinzwe ishoramari mu Karere ka Rusizi, Nyabyenda Emile, yavuze ko bafite gahunda yo guhanga imirimo 5009 mu gihe cy’umwaka, ariko amezi atatu gusa ashize bamaze guhanga 2869.

Ati “Muri rusange dufite gahunda yo guhanga imirimo 5009, ubu tumaze kugera ku 2869. Ubwo ni igihembwe cya mbere cy’umwaka wa 2016 -2017, kandi twizera ko umwaka uzarangira tubigezeho. Ni imirimo yiganjemo imyuga, ubucuruzi cyane ubwambukiranya imipaka ndetse na serivisi."

Ubu bukangurambaga buje bwunganira gahunda Leta yashyizeho yo guhanga imirimo 200 000 idashingiye ku buhinzi buri mwaka.

Umuyobozi w’ikigo cy’igihugu gishinzwe guteza imbere imyuga n’ubumenyingiro, Gasana Jérôme, yasabye abanyarwanda muri rusange gukomeza ubufatanye kugira ngo babashe kugera ku ntego ya gahunda ya NEP Kora Wigire.

Ati “Icyo twasaba abanyarwanda navuga ko ari ugukomeza gukorera hamwe kandi ntabwo bisaba guhugura abantu benshi, waba ari ugutanga akazi mu bantu babiri, icumi byose ni kimwe. Numva ari ukugira ngo abantu be kwitinya, utangire ufite umushinga uzakomeza guteza imbere igihugu.”

Uyu muyobozi yasuye bamwe mu bikorera muri aka karere, barimo abakorera mu Gakiriro ndetse n’abacuruzi b’ibikomoka ku mafi mu isoko rya Kamembe.

Gasana Jérôme (ubanza ibumoso) ashishikariza abanyarwanda kwishyira hamwe mu rwego rwo guhanga imirimo
Yanasuye abagore bacuruza ibikomoka ku mafi bahawe inguzanyo na BDF

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Wednesday 7 Ukuboza 2016
Copyright © 2009 -2014 - IGIHE Ltd - All Rights Reserved