Kwamamaza

RwandAir yakiriye Kalisimbi, indege ifite umwihariko muri Afurika

Yanditswe kuya 16-11-2016 saa 16:58' na Mukaneza M. Ange


Sosiyete y’Ingendo zo mu kirere, RwandAir yakiriye indege nshya Boeing 737- 800NG yiswe “Kalisimbi”, kuri uyu wa Gatatu tariki ya 16 Ugushyingo, iherutse kugura muri Leta Zunze Ubumwe za Amerika.

Iyi ndege ifite imyanya 154 harimo 16 yiyubashye, ikaba ikoranye ikoranabuhanga rya WIFI, ni yo ya mbere yo muri ubu bwoko igeze muri Afurika.

Umuyobozi Mukuru wa RwandAir, John Mirenge yavuze ko u Rwanda rutazongera kwakira indege zidafite internet, anizeza umutuzo na serivisi zo ku rwego rwo hejuru.

Ati "Kuva ubu ntituzongera kuzana indege umuntu atabasha kujya kuri internet [...], u Rwanda ni igihugu kibasha gutumanaho hakoreshejwe internet. Niba tubikora ku butaka, kuki tutabikora no mu kirere?"

Yakomeje avuga ko RwandAir iri muri sosiyete zikora ingendo mu kirere zimaze igihe gito ariko ziri gutera imbere ku buryo bushimishije, aho mu myaka itagera kuri itandatu imaze kugura indege 10 ndetse n’izindi zikaba ziri mu nzira.

Mirenge kandi yavuze ko hari serivisi nshya bateganya gutangira mu rwego rwo kugira ngo abayigana barusheho kunogerwa, muri zo harimo kuba umuntu yakoresha ikoranabuhanga yerekana ibyangobwa by’inzira atiriwe ajya gutonda umurongo (Online Check in) ndetse n’uburyo bugufasha kumenya aho umuzigo wawe uherereye.

Umunyamabanga wa Leta ushinzwe ubwikorezi muri Minisiteri y’Ibikorwaremezo, Dr Nzahabwanimana Alexis yavuze ko kuba RwandAir yarahereye kuri zero kuri ubu ikaba ifite indege 10 ari ibintu bishimishije.

Ati” Indege 10 ni nyinshi ariko ziracyari nke , turacyagura n’izindi ariko dufite ubu ngubu ukomeye wo guheraho dutera imbere. N’ubu mu byumweru bibiri, tuzakira indi ndege nini kuruta iriya, ni na yo nini tuzaba dufite muzihari zose ishobora gutwara abantu 274 icyarimwe.”

Nzahabwanimana yakomeje avuga ko muri Gicurasi u Rwanda ruzakira indi ndege yo mu bwoko bwa bwa Boeing 737- 800 kandi ko hakomeje gukorwa ibishoboka ngo haboneke ikibuga kinini cyagutse kizubakwa i Bugesera.

Bwirukiro Ismaёl, Umwe mu ba pilote b’iyi ndege yavuze ko uretse kuba iyi ndege ifitemo Internet, inafite ikoranabuhanga riteye imbere ugereranyije n’izari zihari cyane cyane mu bijyanye n’uburyo bwo gutegura inzira bari bunyuremo (routing system).

RwandAir iherutse guhabwa icyemezo n’ishyirahamwe mpuzamahanga rishinzwe ingendo z’indege (IATA), kiyiha uburenganzira ndakumirwa bwo gukora, iteganya ko kuva mu 2017 ku ngendo isanzwe ikora, haziyongeraho izindi enye zo muri Afurika, u Burayi, Asia na Leta zunze Ubumwe za Amerika.

Umuyobozi Mukuru wa RwandAir, John Mirenge yavuze ko u Rwanda rutazongera kwakira indege zitarimo internet
Umunyamabanga wa Leta ushinzwe ubwikorezi muri Minisiteri y’Ibikorwaremezo, Dr Nzahabwanimana Alexis yavuze ko kuba RwandAir yarahereye kuri zero kuri ubu ikaba ifite indege 10 ari ibintu bishimishije
Ababyinnyi basusurukije ibirori byo kwakira iyi ndege

[email protected]

Amafoto:Luqman Mahoro


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Friday 2 Ukuboza 2016
Copyright © 2009 -2014 - IGIHE Ltd - All Rights Reserved