Umugabo usudira yegukanye moto muri ’Airtel Tunga’

Yanditswe na Mfitumukiza Moïse
Kuya 9 Ugushyingo 2017 saa 03:43
Yasuwe :
0 0

Mugiraneza Anaclet utuye mu Murenge wa Ndera, Akarere ka Nyarugenge, ni we watsindiye moto ya munani muri 12 zihatanirwa muri gahunda ya ‘Airtel Tunga’.

Uyu mugabo usanzwe akora akazi ko gusudira ubwo yashyikirizwaga iyi moto kuri uyu wa 9 Ugushyingo, yavuze ko yatewe imbaraga n’abandi banyamahirwe batsindaga, bituma na we ashyiraho umwete ngo arebe ko amahirwe yamusekera.

Yagize ati "Nabonaga amatangazo kuri televiziyo, nkanumva n’ubuhamya bw’abandi banyamahirwe babashije gutsinda, nanjye ndakora n’umwete, niyo mpamvu uyu munsi nanjye ndi hano...[..] Ntabwo nzi kuyitwara ariko nzashaka undi muntu ufite ibyangombwa abe ayitwara, igihe nanjye nzaba maze kubona ibyangombwa njye nyitwarira."

Mugiraneza Anaclet yavuze ko atsinze akoresheje amafaranga 60,000 ndetse akaba yari agejeje ku manota asaga miliyoni 34, yakanguriye n’abandi bagishidikanya ko na bo batangira bagakina bagerageza amahirwe.

Umukozi wa Airtel Rwanda, Gatera Happy, yavuze ko iyi ari moto ya munani muri 12 bazatanga, hakaba hasigaye izindi enye, ashishikariza abantu gukomeza gukina nk’uko bisanzwe.

Yibukije abantu ko n’utaratsindira igihembo na kimwe yakomeza agakina aharanira no kuzatsindira igihembo nyamukuru cy’imodoka shya ya Toyota Avanza ifite agaciro ka miliyoni 28 z’amafaranga y’u Rwanda.

Gatera kandi yavuze ko bamwe mu bagiye batsindira ibihembo muri gahunda zitegurwa na Airtel, ubuzima bwabo bwagiye buhinduka cyane cyane ko abenshi mu batsindira moto batazigendaho gusa ahubwo bazishyira mu muhanda zikabyara inyungu.

Iri rushanwa rikozwe mu buryo bw’ibibazo byo gusubiza kugira ngo uhatana yegukane moto ndetse n’imodoka nshya. Icyo umukiliya asabwa ni ukohereza ubutumwa bugufi yandika “1” akohereza kuri 155 cyangwa agahamagara 155 akaba yinjiye mu irushanwa agatangira gusubiza ibibazo.

Buri mukiliya ahabwa amanota 100 kuri buri gisubizo nyacyo, uwakinnye wese azajya ahabwa inyongera y’amafaranga 11 kuri SMS azajya akoresha yohereza ubutumwa Airtel kuri Airtel.

Gatera Happy, Umukozi wa Airtel Rwanda ashyikiriza Mugiraneza ibyangombwa bya moto
Mugiraneza Anaclet watsindiye moto muri 'Airtel Tunga'

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza