Kwamamaza

Bugarama: Imyaka yera mu gihe gito ugereranyije n’ahandi mu gihugu

Yanditswe kuya 23-01-2013 saa 15:16' na Olivier Rubibi
     


Bugarama n’umwe mu mirenge 18 igize akarere ka Rusizi, gakungahaye ku buhinzi bw’ibigori ndetse n’igihingwa cy’umuceri. Ibihingwa byo mu Bugarama ngo mu mezi atatu baba basarura mu gihe abandi baba bakibagara.
Iyo ukigera muri iki kibaya wumva ubushyuhe bwinshi cyane kandi izina ryaho rihuye n’uko hateye kuko ari ahantu hashashe, hakikijwe n’imisozo miremire.
Iki kibaya kiganjemo ibihingwa by’umuceri n’ibigori. Gusa ibigori bihahingwa usanga bidasa n’ibindi kuko ari binini, bishishe kandi ari (...)

Bugarama n’umwe mu mirenge 18 igize akarere ka Rusizi, gakungahaye ku buhinzi bw’ibigori ndetse n’igihingwa cy’umuceri. Ibihingwa byo mu Bugarama ngo mu mezi atatu baba basarura mu gihe abandi baba bakibagara.

Iyo ukigera muri iki kibaya wumva ubushyuhe bwinshi cyane kandi izina ryaho rihuye n’uko hateye kuko ari ahantu hashashe, hakikijwe n’imisozo miremire.

Iki kibaya kiganjemo ibihingwa by’umuceri n’ibigori. Gusa ibigori bihahingwa usanga bidasa n’ibindi kuko ari binini, bishishe kandi ari byinshi ku buryo bugaragara.

Undi mwihariko uhura na wo mu karere ka Rusizi cyane cyane mu kibaya cya Bugarama ni inyubako nziza z’abatuye aka karere ubona ko zitandukanye n’izo umuntu abona ahandi. Inyinshi zubakishije amatafari ahiye ndetse ziteye n’amarange.

Mukayuhi Gaudence umuturage utuye muri ako karere waganiriye na IGIHE yadutangarije ko ubukungu bwa Bugarama babukesha ubutaka bwiza no gukora batiganda. Yagize ati “ Duhinga umuceri n’ibigori, tubihinga tutihingishije, kandi twibumbiye mu makoperative ku buryo gusaba inguzanyo bitworohera.”

Gatera Egide Umunyamabanga Nshingwabikorwa w’umurenge wa Bugarama, uherutse gusurwa na Perezida wa Repubulika, avuga ko iterambere ry’abaturage babo rishingiye ku gukorera hamwe no kwimakaza guhinga igihingwa cyatoranyijwe.

Ikindi ngo abaturage ba Bugarama ntabwo bashingira ku buhinzi gusa kubera ko bakora n’ubucuruzi n’ibihugu bihana imbibe n’u Rwanda birimo Congo Kinshasa n’u Burundi.

Gatera yakomeje atangariza IGIHE ko ubutaka bwo mu kibaya cya Bugarama bwera cyane ku buryo n’imyaka yaho yera mbere ugereranije n’iyahandi. Yagize ati “ iyo duhingiye rimwe n’abandi mu kwezi kwa Nzeri, mu Kuboza tuba twatangiye gusarura, mu gihe abandi baba basoza ibagara.”

Bugarama niko gace gafite ubutumburuke bwo hasi mu Rwanda, bituma kagira ubushyuhe buri hejuru kurusha utundi duce tw’igihugu.

IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Location: Ndamage Building 4th floor
P.O Box: 3477 Kigali- Rwanda
Phones:
+250 788 74 29 08, +250 788 49 69 15, +250 725 94 66 08
Email:
[email protected], [email protected]

Website Developped by

Uru Rubuga Ruheruka Gushyirwaho Amakuru Mercredi 5 Février 2014 Saa 17:33:27
Copyright © 2009 -2014 - IGIHE Ltd - All Rights Reserved