Kwamamaza Tigo_ digital garden

Cogebanque: Ishami ryo kwa Rubangura, igisubizo ku bakorera ubucuruzi mu mujyi

Yanditswe kuya 7-02-2013 saa 09:35' na Faustin Nkurunziza
     


Abakiriya ba Cogebanque barishimira gufungurirwa ishami rishya riherereye mu nyubako yo kwa Rubangura, ngo byaborohereje urugendo kuko ryashyizwe mu mujyi rwagati ahakorerwa ubucuruzi.
Ku mugoroba wo ku wa gatatu tariki ya 06 Gashyantare, Umuyobozi mukuru wa Cogebanque ari kumwe n’abanyamuryango bayo, yafunguye ku mugaragaro ishami rishya rya Cogebanque rya Rond Point (1) riherereye mu nyubako yo kwa Rubangura.
Kapiteni Bonaventure ni umucuruzi mu mujyi wa Kigali akaba n’umukiriya wa (...)

Abakiriya ba Cogebanque barishimira gufungurirwa ishami rishya riherereye mu nyubako yo kwa Rubangura, ngo byaborohereje urugendo kuko ryashyizwe mu mujyi rwagati ahakorerwa ubucuruzi.

Ku mugoroba wo ku wa gatatu tariki ya 06 Gashyantare, Umuyobozi mukuru wa Cogebanque ari kumwe n’abanyamuryango bayo, yafunguye ku mugaragaro ishami rishya rya Cogebanque rya Rond Point (1) riherereye mu nyubako yo kwa Rubangura.

Kapiteni Bonaventure ni umucuruzi mu mujyi wa Kigali akaba n’umukiriya wa Cogebanque uyimazemo imyaka 10. Avuga ko yishimira kuba hafunguwe ishami rishya mu mujyi rwagati ngo kuko hegereye ahakorerwa ubucuruzi, Matheus na Quartier Commercial, bimworoheye kuhabitsa no kubikuza amafaranga.

Avuga ko imikorere yaho yagiye ihinduka ugereranyije na mbere ngo kuko mbere wasangaga amashami yayo atari ahantu henshi. Cyakora ngo ubu bagiye bafungura amashami menshi mu mujyi wa Kigali ndetse no mu Ntara z’igihugu ku buryo byorohera abayigana.

AhoCogebanque ikorera kwa Rubangura hafunguwe ku mugaragararo

Avuga kandi ko Cogebanque imworohereza kubona inguzanyo kandi akayishyura neza. Agira ati “Nahereye ku nguzanyo ya miliyoni 50 none ubu ngeze ku ya miliyoni 200, kandi ndayishyura neza.”

Murungi Eugenie Umuyobozi w’ishami rya Cogebanque mu nyubako yo kwa Rubangura, avuga ko impamvu yo gufungura iri shami byatewe n’ibyifuzo by’ababagana no kwegereza serivisi abakora ubucuruzi mu mujyi rwagati.

Agashya muri Cogebanque

Murungi avuga ko ababagana bakirwa neza kandi bagataha banyuzwe. Agira ati “Intero yacu muri Cogebanque ni : Byose biroroshye kandi birashoboka.”

Avuga ko abacuruzi bahabwa inguzanyo yitwa “ Nzamura” na “ Jyimbere” ibafasha mu gukora ubucuruzi bwabo neza. Avuga kandi ko abanyamushahara na bo boroherezwa mu guhabwa inguzanyo kuko bahabwa iyishyurwa mu myaka ine yitwa “ Nkomeza” na “Iga” ifasha abantu mu kwiga ikaba yishyurwa mu gihe kingana n’imyaka 10. Ngo bagira n’indi nguzanyo yitwa Mbangukira zihabwa abakiriya muri rusange.

Alain Lepatre – Lamontagne Umuyobozi mukuru wa Cogebanque, yavuze ko gufungura ishami rishya ryayo mu nyubako yo kwa Rubangura bije byunganira andi mashami agenda afungurwa hirya no hino mu rwego rwo kwegereza serivisi nziza ababagana.

Avuga ko iri shami rizafasha cyane abaturuka mu ntara z’igihugu baje kugura ibicuruzwa mu mujyi wa Kigali n’abandi muri rusange, ngo kuko ryegereye ahakorerwa ubucuruzi bukomeye.

Ishami ryafunguwe ku mugaragaro rifite imyanya itanu yo kwakira abakiriya bayo harimo n’imyanya y’icyubahiro (VIP) bakaba bakora iminsi yose, bafungura guhera saa mbiri za mugitondo bakageza saa mbiri z’ijoro; bakagira kandi n’ibyuma byo kubikurizaho amafaranga bizwi ku izina rya ATM .

Cogebanque ifite amashami 9 mu ntara na ho mu mujyi wa Kigali ikagiramo 7.

Abakozi ba Cogebanque
Akanyamuneza kari kose mu gutangiiza ishami rya Cogebanque kwa Rubangura
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Location: Ndamage Building 4th floor
P.O Box: 3477 Kigali- Rwanda
Phones:
+250 788 74 29 08, +250 788 49 69 15, +250 725 94 66 08
Email:
[email protected], [email protected]

Website Developped by

Uru Rubuga Ruheruka Gushyirwaho Amakuru Mercredi 5 Février 2014 Saa 17:33:27
Copyright © 2009 -2014 - IGIHE Ltd - All Rights Reserved