Kamonyi: Minisitiri Ploumen yashimye uko ibikorwa remezo byateje imbere abaturage

Kamonyi: Minisitiri Ploumen yashimye uko ibikorwa remezo byateje imbere abaturage


Yanditswe kuya 6-02-2013 - Saa 13:15' na IGIHE

Minisitiri w’Ubuholandi ushinzwe ubucuruzi mpuzamahanga n’ubutwererane Liliane Ploumen, aratangaza ko hari ibikorwa by’iterambere bifatika bimaze kugerwaho mu Karere ka Kamonyi ugereranyije n’igihe cyashize. Kuri uyu wa gatanu Gashyantare 2013 mu ruzinduko yagiriye mu Karere ka Kamonyi agasura ibikorwa binyuranye biterwa inkunga na Leta y’u Buhorandi, Minisitiri Ploumen yavuze ko ibikorwa remezo bihari byatumye ubuzima bw’abaturage burushaho kuba bwiza.

Minisitiri Ploumen yerekwa bimwe mu bikorwa remezo u Buholandi bwateyemo inkunga

Bimwe mu bikorwa remezo uyu muminisitiri yasuye ni ikusanyirizo ry’amata rya Rugobagoba, imihanda yakozwe i Musambira kubera gahunda ya VUP, n’imwe mu mirimo mishya yahanzwe kubera umuriro w’amashyanyarazi mu wageze mu bice byinshi by’Akarere ka Kamonyi.

Aha Minisitiri Ploumen arasobanurirwa imikorere y'ikusanyirizo ry'amata ryubatswe ku bufasha b'u Buhilandi

Yashimye cyane intambwe imaze guterwa kubera ibikorwar emezo bimaze kugerwaho mu, asaba ko byakomeza gucungwa neza kandi bikaguka bikazagera ku bantu benshi iterambere rikarushaho kwihuta.

Minisitiri Ploumen yashimye icyo ibikorwa remezo byahinduye ku mibereho y'abaturage

Umuyobozi w’Akarere ka Kamonyi Rutsinga Jacques, avuga ko ibikorwa remezo byabaye isoko y’iterambere nyakuri. Yatanze urugero ku muriro w’amashanyarazi watumye havuka imirimo mishya itanga akazi ku bantu benshi nk’ubukanishi, gutunganya imisatsi, gusudira n’indi. Yongeyeho ko muri iki gihe kubera amashanyarazi abaturage barushijeho kwitabira ikoranabuhanga, haba mu buzima bwabo bwa buri munsi ndetse no mu bikorwa bishingiye ku bucuruzi n’itumanaho kandi na ryo rikaba ryarateye imbere.

Umuyobozi w’Akarere yashimiye cyane Leta y’u Buholandi kubera ubwo bufatanye, yizeza Minisitiri Ploumen ko ibikorwa bateyemo inkunga akarere ayoboye bazakomeza kubifata neza kugira ngo bizakomeze kugirira akamaro abaturage ba Kamonyi n’igihugu muri rusange.

Ikigega gishinzwe gutera Inkunga inzego z’ibanze (RLDSF), kibifashijwemo na Leta y’u Buholandi gikurikirana kandi kigafasha uturere hirya no hino mu gihugu mu mishinga y’iterambere yibanda ahanini ku kubaka ubushobozi bw’inzego z’ibanze hitabwa ku bikorwa remezo birimo amasoko ya kijyambere, kugeza umuriro w’amashanyarazi ku baturage, kwita ku mirenge ikennye kurusha iyindi binyujijwe muri Programu ya VUP n’ibindi.

Ni inkuru dukesha Faustin Ntakirutimana ushinzwe Itangazamakuru mu Karere ka Kamonyi

TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!

IBITEKEREZO